Josh. 6:1 - Bhaibheri Rakachena muChindau

¹ Zvino Jerikho raiya rakakonywa kweshe mukati nokubanze ngendaa yevaIsuraeri; akuna munhu waibuda kubvamwo, nokuti waipoteremwo.

Josh. 6:1 Iomraidhean Croise

2 Sam. 10:5

Naapo paakaronzerwa Dhavhidha, wakatuma vanhu kooshongana navo, ngokuti vanhu vakatsverudzwa kakurutu. Mambo wakati, “Garai Jerikho, metsa ndebvu dzenyu dzakura, nemwi munozopetuka uno.”

2 Madzi. 17:4

Asi mambo waAsiria wakaona kuti Hoshea waiya aita zano rakashata kwaari; ngokuti waiya atuma nhumwa kunaSo, mambo weEgipite, wakarekera kuunza muthero kunamambo weAsiria, kudai ngezvaakaita gore ngegore; ndizvo mambo weAsiria wakamuisa mutirongo, akamukonyeremwo.

2 Madzi. 2:4

Erija wakati kwaari, “Erisha, gara pano, ndinokupota; ngokuti Mambo Mwari wakandituma Jerikho.” Asi wakati, “Kudai ngezvaanopona Mambo Mwari, newe wechipona pachako, andizokusii.” Ndizvo vakauya Jerikho.

Nduyo 127:1

Kudai Mambo Mwari asikaaki mhatso, avo vanoiaka, vanoshanda pasina. Kudai Mambo Mwari asikangwariri guta, murindi unotera kupira pasina.

Josh. 16:7

Zvino wakadarika kubva Janoa kuguma Atarothi, nokunaNaara, metsa kuguma Jerikho, wakagumira Jorodhani.

Josh. 18:21

Zvino madhorobha edzinza revana vaBhenjamini kudai ngokuteererana kwemhuri dzavo aiya Jerikho, Bhethihogira, Emekezizi,

Josh. 2:1

NaJoshua mukororo waNuni wakatuma vairi kubva Shitimu, kuenda koonengera ngokufishika echiti, “Endai, mwodongorera nyika, kakurutu Jerikho.” Ndizvo vakaenda, vakaguma kumhatso yechifebi, zina racho raiya Rahabhi, navo vakaatapo.

Josh. 2:24

Navo vakati kunaJoshua, “Ngegwinyiso Mambo Mwari wapa nyika yeshe munyara dzedu; zve, vagari veshe venyika vanopera simba ngokutya pamberi pedu.”

Josh. 2:7

Ndizvo vamuna vakavarumbirira, kuteera njira inoenda Jorodhani kumazambuko. Ngesure vabuda vaivarumbirira, vakakonya musiwo.

Josh. 5:15

Nenduna yehondo yaMambo Mwari yakati kunaJoshua, “Dusa magwada ako kubva kutsoka dzako, ngokuti ndau yewakaema yakachena.” NaJoshua wakaita kudaro.

Josh. 6:2

NaMambo Mwari wakaereketa kunaJoshua echiti, “Wona, ndapa munyara dzako Jerikho, pamwepo namambo waro, nevarwi vehondo.