Josh. 5:9 - Bhaibheri Rakachena muChindau

⁹ Mambo Mwari wakati kunaJoshua, “Nyamashi ndadusa kutsverudzwa kwemwakatsverudzwa ndikwo muEgipite kubva kwomuri.” Ndizvo zvino zina rendau iyo rakadudzwa kuti Girigari metsa nanyamashi.

Josh. 5:9 Iomraidhean Croise

Gen. 34:14

Vakati kwaari, “Atikoni kuita chiro ichi, kupa mukunda wedu kunouwo usikazi kuchekwa, ngokuti izvo zvingaita chitsverudzo kwetiri.

2 Sam. 19:15

Ndizvo mambo wakapetuka, wakaguma Jorodhani. VaJudha vakauya Girigari kooshongana namambo, nokumuperekedza kuti aambuke Jorodhani.

Neh. 12:29

nokubvawo Bhethigirigari, nokubva kunharaunda yeGebha neyeAzimavhethi; ngokuti vaembi vaiya vakadziakira maguta aitendenedza Jerusarema.

Nduyo 119:39

Kunukudzira kutsverudzwa kwangu kwendinotya, ngokuti zvitongero zvako zvakanaka.

Jer. 9:25

“Ringirai, mazuva ngegwinyiso anouya,” unoronza Mambo Mwari, “Apo pendinozoorora avo veshe vakachekwa kwega ganda repamberi:

Ezek. 23:3

vakaita uhure muEgipite; vakaita uhure vachimuutsva hwavo; mazamo avo akabatwa batwa, vakapukutwa tsungu dzoumhandara hwavo.

Ezek. 23:8

Aazi kurekera uhure hwake hwaakaita kubvira Egipite; ngokuti muutsva hwake vamuna vakaata naye, vakapukuta tsungu dzoumhandara hwake, navo vakadururira kuemura kwavo padera pake.

Hos. 4:15

Kunyazwi wechihura, O Isuraeri, usatendera kuti Judha ashaishe. Usapotera Girigari, nokuti usakwira Bhethiavheni, nokuti kupika kuti, “Kudai ngezvaanopona Mambo Mwari.”

Revhi 24:14

“Mubudise kubanze kwekamba uwo wakatuka; naavo veshe vakamuzwa echituka ngavaise nyara dzavo padera pesoro rake, nembungano yeshe ngaimuponde ngemapuwe.

Amo. 5:5

Asi musatsvaka Bhetheri, nokuti kupotera muGirigari, zve, musaparura kuenda Bheerishebha; ngokuti Girigari ngegwinyiso rinozoenda muusungwa, neBhetheri rinozoita risina shwiro.”

Mik. 6:5

O vanhu vangu, karakadzai zvino chaakaronga Bharaki mambo weMoabhi, chiinyi chaakapingura kwaari Bharamu mukororo waBheo, chiinyi chakaitika kubva Shitimu kuguma Girigari, kuti muzie zviito zvinoponesa zvaMambo Mwari.”

Zef. 2:8

“Ndazwa kureiwa kwaMoabhi, nokutuka kwevana vaAmoni, kwevakaita vanhu vangu, nokudzikudza kwavo ngendaa yenyika yavo.

Josh. 24:14

“Ndizvo zvino ityai Mambo Mwari, mumushandire musina ndemo ngegwinyiso; murashe zvimwari izvo zvakashandirwa ngemadzibaba enyu ngoruseri rworwizi nomuEgipite, mumushandire Mambo Mwari.

Josh. 4:19

Vanhu vakabuda kubva muJorodhani ngezuva rechigumi romwedzi wokutanga, vakaemesa matende avo muGirigari, mumugano wokumabvazuva kweJerikho.

Josh. 5:8

Naapo vapedza kucheka dzinza reshe, vakagara mundau dzavo mumatende metsa vapora.

1 Sam. 14:6

Jonathani wakati kunejaha raitwara chihlangu chake, “Uya, ngatiende kuchikwata chaava vasikazi kuchekwa; pamweni Mambo Mwari ungatishandira; ngokuti akuna chiro chingarambidza kunaMambo Mwari kuponesa ngavazhinji nokuti ngavashomani.”

1 Sam. 17:26

Dhavhidha wakaereketa kuvanhu vaiya vakaema pasinde pake echiti, “Chiinyi chinozoitwa kunomunhu unouraya muFiristia uyu, nokudusa kushoorwa kwaIsuraeri? Ngokuti ndiani uyu muFiristia usikazi kuchekwa, kuti ashoore hondo yaMwari unopona?”

1 Sam. 17:36

Muranda wako wakauraya zveshe, mhondoro nebheya; uyu muFiristia usikazi kuchekwa unozodai ngechimwe chazvo, ngokuti washoora hondo dzaMwari unopona.”

1 Sam. 7:16

Wakahambira makore eshe Bhetheri, Girigari neMizipha, echitonga vaIsuraeri kundau idzo dzeshe.