Josh. 5:6 - Bhaibheri Rakachena muChindau

⁶ Ngokuti vaIsuraeri vakahamba makore makumi marongomuna mushango, metsa dzinza reshe varwi vehondo vapera kufa, avo vakabuda kubva Egipite, ngokuti avazi kupurutana izwi raMambo Mwari; avo vaakapika kwevari Mambo Mwari kuti aazovapangidzi nyika, yaakapika Mambo Mwari kumadzibaba avo kuti unozoipa kwetiri, nyika inoerera mukaka nouchi.

Josh. 5:6 Iomraidhean Croise

Nduyo 107:4

Vamweni vakanzerereka mushango ngenjira yakadai ngomurubaya, vasikaoni guta rokugara;

EKISEDHUSI 3:17

Neni ndakagondisa kuti, ‘Ndinozomubudisa kubva mukutambudzwa kwenyu muEgipite kuenda kunyika yevaKhenani, yevaHiti, yevaAmori, yevaPherizi, yevaHivhi neyevaJebhusi, nyika inoerera mukaka nouchi.’

EKISEDHUSI 3:8

neni ndadzaka kuti ndivanunure kubva kunyara dzevaEgipite nokuvabudisa kubva kunyika iyo, ndivaunze kunyika yakanaka, yakakura, nyika inoerera mukaka nouchi, kundau yevaKhenani, yevaHiti, yevaAmori, yevaPherizi, yevaHivhi neyevaJebhusi.

Jer. 2:2

“Enda, udaidzire mukuzwa kwevanhu veJerusarema wechiti, unoronza izvi Mambo Mwari: Ndinokarakadza, ngenyasha dzoutsva hwako, norudo rwako petakatanga kuroorana, apo wainditeera mushango, munyika yaiya isikazi kusimwa.

Ezek. 20:15

Zve, ndakapika kwevari mushango, kuti andizovagumisi munyika yendakavapa, inoerera mukaka nouchi, iyo iri uthende hwenyika dzeshe,

Ezek. 20:6

Pazuva iro ndakapika kwevari kuti ndinozovabudisa kubva munyika yeEgipite, kuti vapotere munyika yendakavatsvakira, nyika inoerera mukaka nouchi, nyika iri uthende hwenyika dzeshe.

Joeri 3:18

Muzuva iro, mitunhu inozodonha vhini idzva, zvimitunhu zvinozoerera ngomukaka, nendwizi dzeshe dzaJudha dzinozoerera ngemvura, nechinyuka chinozobuda mumhatso yaMambo Mwari, nokudiridzira Bani reShitimu.

Zvi. 14:23

ngegwinyiso avazooni nyika iyo yendakapika kupa kunamadzibaba avo; akuna noumwe weavo vakandishoora unozoiona.

Zvi. 26:63

Ava ndivo avo vakaerengwa ndiMosi naEreaza mupristi, avo vakaerenga vana vaIsuraeri vari mumashango eMoabhi paJorodhani pakaringirana neJerikho.

Dhuto. 1:3

Kwakaitika ngegore remakumi marongomuna, ngomwedzi wegumi noumwe, ngezuva rokutanga romwedziwo, kuti Mosi wakaereketa kunevanhu vaIsuraeri, kudai ndizvo zveshe zvaakamupanga Mambo Mwari kuti aronze kwavari;

Dhuto. 2:14

Nomukuwo wetakahamba ndiwo kubva Kadheshibharanea, metsa takaambuka mukova Zeredhi, wakaita makore makumi matatu nemasere, metsa mubarirwana wevamuna vehondo vapera kufa kubva pakati pekamba, kudai ngezvaakapika Mambo Mwari kwavari.

Dhuto. 2:7

Ngegwinyiso Mambo Mwari, Mwari wenyu wakamufumisa mumishando yeshe yenyara dzenyu; unozia kuhamba kwenyu mukati mweshango iri guru. Aya makore makumi marongomuna Mambo Mwari, Mwari wenyu waiya anemwi; amuzi kutama chiro.

Dhuto. 8:4

Zvokufuka zvenyu azvizi kusakara kwomuri, zve, netsoka dzenyu adzizi kuzvimba ngaaya makore makumi marongomuna.

Vahebheru 3:11

Kudai ngezvendakapika muushungu hwangu kuti, ‘Avazopoteri mukuzorora kwangu.’ ”

Josh. 1:6

Ita wakagwinya newakashinga; ngokuti ndiwe unozokoanisira ava vanhu nyika kuita nhaka, yendakapika ndiyo kumadzibaba avo kuti ndinozovapa.

Josh. 24:7

Naapo vachema kunaMambo Mwari, wakaisa chidima pakati penyu nevaEgipite, naye wakaunzazve ruandhle padera pavo, rwakavambonya; nemadziso enyu akaona izvo zvendakaita muEgipite. Ngesure kwazvo mwakagara mukati mweshango mukuwo wakareba.

Josh. 5:5

Kunyazwi vanhu veshe vakabuda kubva Egipite vaiya vakachekwa, asi vanhu veshe vakabarirwa mushango vari munjira mukubva kwavo Egipite, vaiya vasikazi kuchekwa.

Josh. 5:7

Ndizvo vaiya vana vavo vaakamirudza pandau yavo, avavo Joshua wakavacheka; ngokuti vaiya vasikachekwi, ngokuti vaiya vasikazi kuchekwa munjira.