Josh. 5:1 - Bhaibheri Rakachena muChindau

¹ Naapo madzimambo eshe evaAmori vaiya ruseri rweJorodhani ngokumabirira, nemadzimambo eshe eKhenani, vaiya ngokuruandhle, apo pevakazwa kuti Mambo Mwari wakaomesa mvura yeJorodhani pamberi pevaIsuraeri metsa taiya taambuka, mwoyo yavo yakapera simba, zve, kwaiya kusichina mweya wokushinga kwavari, ngendaa yevana vaIsuraeri.

Josh. 5:1 Iomraidhean Croise

Gen. 12:6

Abrama wakapinda ngomunyika kuenda kundau yeShekhemu, metsa pamuti womuokhi weMore. Panguvayo vaKhenani vaigaramwo munyikayo.

Gen. 48:22

Nepadera peizvi ndapa kwouri chikoaniswa chimwe kupinda vana vababa ako, bandaanda romutunhu rendakatora kubva kunyara yevaAmori ngeshoti yangu nouta hwangu.”

2 Sam. 21:2

Ndizvo mambo wakadaidza vaGibheoni, wakati kwevari. (Zvino vaGibheoni vaiya vasiri vevana vaIsuraeri, asi vaiya mibarirwana yavaAmoni vakasara; kunyazwi vana vaIsuraeri vaiya vakapika mhiko kuvaponesa, Sauri wakaedza kuvauraya veshe mukutsamwirira kwake kuvana vaIsuraeri nevaJudha.)

1 Madzi. 10:5

kudya kwepahwarasanza pake, kugara kwevakaita vanhu vakuru vake, nokuapo kwevaranda vake, nezvokusimira zvavo, nevanounza kudya kwake, nemidiro yake yokupisha yaakapira kumhatso yaMambo Mwari, zvakapedza simba rake.

Ezura 9:1

Ngesure izvi zviro zveshe zvaitwa, vakuru vakauya kwendiri vechiti, “Vanhu vaIsuraeri, vapristi, nevaRevhi, avazi kudzipaura pachavo kubva kuvanhu venyika nezvinyangadzo zvavo, kubva kuvaKhenani, vaHiti, vaPherizi, vaJebhusi, vaAmoni, vaMoabhi, vaEgipite nevaAmori.

Nduyo 135:11

Sihoni mambo wevaAmori, naOgi mambo weBhashani, noumambo hweshe hweKhenani.

EKISEDHUSI 23:28

Ndinozotuma mago pamberi penyu, anozodzinga vaHivhi, vaKhenani nevaHiti kubva pamberi penyu.

Isa. 41:5

Zviwi zvachiona, nazvo zvinotya; magumo enyika anohuta, akwedzera pasinde, auya.

Ezek. 16:3

wechiti, ‘Izvi ndizvo zvinoronza Mambo Mwari, Mwari kuneJerusarema: Kuamba kwako nokubarwa kwako kwaiya munyika yeKhenani; baba ako vaiya muAmori, namai ako vaiya muHiti.

Ezek. 21:7

Naapo vechiti kwouri, ‘Ngenyi wechigomera?’ Unozoti, ‘Ngendaa yemashoko aguma. Mwoyo weshe unozonyunguruka, nyara dzeshe dzinozopera simba, mweya weshe unozodemera, nemabvi eshe anozorembedzeka kudai ngemvura.’ Ringirai, zvinoguma, zvinozoitika,” unoronza Mambo Mwari, Mwari.

Dha. 5:6

Zvino hope yamambo yakatsanduka, nemipinimidzo yake yakamutyisa. Nhengo dzechiunu chake dzakarungunuka, nemabvi ake akachayana.

Amo. 2:9

Asi ndakaparadza muAmori pamberi pavo, uwo kureba kwake kwaiya kwakadai ngourebu hwemisidhari, uwo waiya akagwinya kudai ngemiokhi; ndakaparadza michero yake padera, nenzinde dzake pashi.

Zvi. 13:29

VaAmareki vanogara munyika yeNegebhi, vaHiti, vaJebhusi nevaAmori vanogara munyika yemitunhu; nevaKhenani vanogara pasinde poruandhle nokumarutii eJorodhani.”

Josh. 17:12

Vana vaManase avazikukona kudzinga vagari vaaya madhorobha; asi vaKhenani vakaangira kugara munyika iyo.

Josh. 17:18

asi nyika yemitunhu inozoita yenyu; kunyazwi iri gwasha, munozoritemera pashi, naro rinozoita nhaka yenyu metsa kumigano yokuretu; ngokuti munozodzinga vaKhenani, kunyazwi vanengoro dzesimbi, vanesimba guru.”

Josh. 24:15

Zvino kudai zvechioneka kwomuri kuti zvakashata kumushandira Mambo Mwari, tsanangurai nyamashi uwo womunozoshandira; pamweni zvimwari zvakashandirwa ngemadzibaba enyu aiya ngoruseri rworwizi, nokuti zvimwari zvevaAmori, vomunogara munyika yavo; asi kwendiri inini nevemhatso yangu, tinozoshandira Mambo Mwari.”

Josh. 3:16

mvura yaibva ngedera yakaema yechikwira kuita rukumbati kuzadza kuguma kuretu, kuguma kudhorobha Adhamu, riri pasinde naZarethani; neiyo yaidzaka kubani, kuenda kuruandhle rweArabha, Ruandhle Rwakafa, yakapera, yakagurwa yeshe. Vanhu vakaambuka vakaringirana neJerikho.

Josh. 3:17

Navapristi vaitwara bhokisi rechitenderano chaMambo Mwari vakaema vakagwinya pamavhu akaoma, vari pakati peJorodhani, nevaIsuraeri veshe vakaambuka pamavhu akaoma, metsa vanhu veshe vakapera kuambuka Jorodhani.

Chakapangijihwa 18:10

Vanozoema vari kuretu, ngokutya kutambudzwa kwake vechiti, “Kutyisanyi uku! Kutyisanyi uku! Newe dhorobha guru, dhorobha rakagwinya Bhabhironi! Ngokuti ngeawa rimwe kutongwa kwako kwakugumira.”

Vato. 1:1

Ngesure kwokufa kwaJoshua, vaIsuraeri vakabvunza Mambo Mwari vechiti, “Ndiani pakati pedu unozotanga kukwira koorwa nevaKhenani?”

Vato. 11:23

Ndizvo zvino Mambo Mwari, Mwari waIsuraeri, wakadzinga vaAmori kubva pamberi pevanhu vake vaIsuraeri. Ndizvo zvino iwewe unoda kugara nhaka yavo ngenyi?

Vato. 3:3

madzimambo mashanu evaFiristia, vaKhenani veshe, vaSidhoni nevaHivhi vaigara mumutunhu weRebhanoni, kubvira kumutunhu Bhaariherimoni metsa kuguma Rebhohamathi.

Vato. 4:2

Ndizvo Mambo Mwari wakavapira munyara dzaJabhini mambo wevaKhenani, uwo waitonga muHazori; nenduna yehondo yake waiya Sisera, uwo waigara muHaroshethihagoimu.

1 Sam. 25:37

Mangwanani apo kuradza kwapera kunaNabhari, mukadzi wake waiya amuronzera zviro izvi, nomwoyo wake wakaremba mukati mwake, naye wakaita kudai ngebuwe.