Josh. 4:6 - Bhaibheri Rakachena muChindau

⁶ kuti ichi chiite chioniso pakati penyu, kuti apo vana venyu vechizobvunza ngomukuwo unozouya kumadzibaba avo vechiti, ‘Biningidzo raaya mapuwe ngerenyi kwomuri?’

Josh. 4:6 Iomraidhean Croise

Nduyo 44:1

Takazwa ngenzee dzedu, A Mwari, madzibaba edu akatironzera, mishando yewakaita ngamazuva okurarama kwavo, ngemazuva ekaretu:

Nduyo 71:18

Ndizvo kunyazwi nomuusharuka, nokuchena imvi, A Mwari, usandisiya, metsa ndateketesa simba rako kunemibarirwana ichauya. Simba rako

EKISEDHUSI 12:14

Nezuva iri rinozoita mukarakadziso kwomuri, nemwi munozoringwarira kuita dhiri kunaMambo Mwari; kumibarirwana yenyu yeshe munozoringwarira kuita mutemo mhera nariini.

EKISEDHUSI 13:14

Naapo mukororo wako paanokubvunza ngenguva inozouya echiti, ‘Chinoronzenyi ichi?’ Unozoti kwaari, ‘Ngenyara ine simba Mambo Mwari wakatibudisa kubva Egipite, kubva kumhatso youranda.

EKISEDHUSI 13:9

Chinozoita chioniso kwouri padera penyara yako, nokuita mukarakadziso pakati pemadziso ako, kuti mipango yaMambo Mwari iwepo pamuromo pako; ngokuti Mambo Mwari wakakubudisa kubva muEgipite ngenyara ine simba.

EKISEDHUSI 31:13

“Ereketazve kunevana vaIsuraeri wechiti, ‘Ngegwinyiso munozongwarira maSabatha angu, ngokuti chioniso chiri pakati pangu nemwi kumibarirwana yenyu yeshe, kuti muzie kuti inini ndini Mambo Mwari unomuchenesa.

Isa. 38:19

Unopona, unopona, ndiye unokubonga, kudai ngezvendinoita ngeiri zuva. Baba vanozoita kuti vana vazie kugondeka kwenyu.

Isa. 55:13

Pandau yomuti weminzwa panozomera muti womusaiprasi, pandau pegwananguruwe panozomera mumitiri; neichi chinozoita chikarakadziso kunaMambo Mwari, nechioniso chisikaperi chisikazogurwi.”

Ezek. 20:12

Zve, ndakavapa maSabatha angu, kuti aite chioniso pakati pangu navo, kuti vazie kuti inini ndini Mambo Mwari unovachenesa.

Ezek. 20:20

muchenese maSabatha angu, kuti aite chioniso pakati pangu nemwi, kuti muzie kuti inini ndini Mambo Mwari, Mwari wenyu.’

Zvi. 16:38

Zvidziyo zvokupishira mutombo zveava vanhu vashaisha varashikirwa ngokupona kwavo, ngavazvipfure kuita marusamba akapamhama kuita chifukidziro chearita, ngokuti vakazvipira pamberi paMambo Mwari, ndizvo zvakachena. Ndizvo zvinoita chioniso kuvana vaIsuraeri.”

Zvak. 2:39

Ngokuti chigondiso chakagondiswa kwomuri nokuvana venyu nokwavari veshe vari kuretu, veshe avo vaanozodaidza Mambo Mwari wedu.”

Dhuto. 11:19

Nemwi munozoadzidzisa vana venyu, mwechiereketa ndiwo apo mwakagara mumhatso dzenyu, naapo mwechihamba munjira, naapo mwoata pashi, naapo mwopirimuka.

Josh. 22:27

asi kuti riite chapupu pakati pedu nemwi, nepakati pemibarirwana inozouya ngesure kwedu, kuti tiite mishando yaMambo Mwari pamberi pake ngemidiro yedu yokupisha, nemibairo yedu, nemidiro yedu yokunyarara; kuitira kuti vana venyu vasazoronza kunevana vedu panguva inouya vechiti, ‘Amuna chikoaniswa naMambo Mwari.’

Josh. 4:21

Wakaereketa kunevaIsuraeri echiti, “Naapo vana venyu vechizobvunza madzibaba avo ngomukuwo unouya vechiti, ‘Biningidzo raaya mapuwe ngerenyi?’

Josh. 4:5

Joshua wakati kwavari, “Hambai pamberi pebhokisi rechitenderano chaMambo Mwari, Mwari wenyu, mupinde pakati peJorodhani, mutore munhu weshe buwe ariise papfudzi rake, kudai ngouwandu hwemadzinza evaIsuraeri,