Josh. 4:14 - Bhaibheri Rakachena muChindau

¹⁴ Ngeiro zuva Mambo Mwari wakakudza Joshua mukuona kwevaIsuraeri veshe; navo vakamuremeredza kudai ngezvevakaremeredza Mosi, mazuva eshe okupona kwake.

Josh. 4:14 Iomraidhean Croise

1 Madzi. 3:28

VaIsuraeri veshe vakazwa kutonga kwamambo; navo vakatya mambo, ngokuti vakaona kuti ungwaru hwaMwari hwaiya mwaari mukutonga kwakarurama.

2 Madzi. 2:15

Naapo vakororo vevaprofeti avo vaiya Jerikho vakamuona ari kuretu, vakati, “Mweya waErija unogara padera paErisha.” Vakauya kooshongana naye, vakakotamira pashi pamberi pake.

1 MaKro. 29:25

NaMambo Mwari wakakwidzidza Soromoni kakurutu mukuona kwavaIsuraeri veshe, akamupa uthende hwoumambo hwakadai husikazi kumboapozve kunamambo umweni waIsuraeri wakatanga pamberi pake.

2 MaKro. 30:12

Nyara yaMwari yaiyawo padera paJudha, kuvapa mwoyo umwe kuti vaite izvo zvaakavapanga mambo nevakuru vake, ngeizwi raMambo Mwari.

EKISEDHUSI 11:3

Mambo Mwari wakaitira vanhu nyasha kuti vadikanwe mukuona kwevaEgipite. Kupinda zveshe, munhu uyu Mosi waiya mukuru kakurutu munyika yeEgipite, mukuona kwenduna dzaFaro nomukuona kwevanhu.

EKISEDHUSI 14:31

VaIsuraeri vakaona mushando mukuru waakaita Mambo Mwari padera pevaEgipite, nevanhu vakatya Mambo Mwari; navo vakagonda Mambo Mwari nomuranda wake Mosi.

Mazwi 24:21

Mwana wangu, itya Mambo Mwari namambo, usaiyana naavo vasikagarisiki;

Varoma 13:4

ngokuti iye muranda waMwari kwouri unokuitira zvakanaka. Asi kudai wechiita zvakashata, wechitya, ngokuti iye aateri kutwara shoti pasina chiro! Ngokuti muranda waMwari muunzidziri woushungu kunouwo unoita zvakashata.

1 VaK. 10:2

navo veshe vakabhabhatidzwa munaMosi mugore nomuruandhle,

Josh. 3:7

Mambo Mwari wakati kunaJoshua, “Nyamashi ndinozotanga kukukudza mukuona kwevanhu veshe vaIsuraeri, kuti vazie kuti ndinozoa newe kudai ngezvendaiya naMosi.

Josh. 4:13

Vaida kukwana makumi marongomuna emakumi emazana (40,000) vakaambuka vakapakatira zvokurwa pamberi paMambo Mwari, vakaguma marubaya eJerikho.

Josh. 4:15

Mambo Mwari wakaereketa kunaJoshua echiti,

1 Sam. 12:18

Ndizvo Samueri wakadaidza kunaMambo Mwari, naMambo Mwari wakatuma mheni nemvura ngeiro zuva; navanhu veshe vakatya Mambo Mwari naSamueri kakurutu.