Josh. 4:10 - Bhaibheri Rakachena muChindau

¹⁰ Vapristi vaitwara bhokisi rechitenderano vaiya vakaema pakati peJorodhani metsa zviro zveshe zvaiya zvaitwa zvaakapanga Mambo Mwari kunaJoshua, vanhu vakakasira kuambuka.

Josh. 4:10 Iomraidhean Croise

Nduyo 119:60

Ndinokasira, andinonoki kungwarira mipango yako.

EKISEDHUSI 12:39

Navo vakabika zvingwa zvisina mumera zvehlama yevakaunza kubva Egipite, ngokuti yaiya isikazi kuiswa mumera; ngokuti vakadzingwa ngokukasira kubva muEgipite, vaiya vasikachakoni kuema nokuti kudzinasirira zvokudya.

Mazwi 27:1

Usadziganzisa ndimangwani ngokuti auzii kuti kunozoitikenyi ngezuvaro.

Muchu. 9:10

Kunyazwi chiinyi cheinoona nyara yako kuita, chiite ngesimba rako reshe; ngokuti akuna mushando, nokuti kupinimidza, nokuti ruziyo, nokuti ungwaru, muiba, apo pounoenda.

Isa. 28:16

Ndizvo izvi zvinoronza Mambo Mwari, “Ringira, ndinoradzika muZioni buwe rokuita dzeyo, buwe rakaedzwa, buwe rinomutengo mukurutu repakhona, dzeyo rakagwinya; uwo unorigonda aazokaruki.

2 VaK. 6:2

Ngokuti iye unoti, “Ndakamuzwa ngenguva inoashirika, nepazuva rokuponeswa ndakakudetsera”; penyai, zvino ndiyo nguva inoashirika; penyai, zvino zuva roruponeso.

Dhuto. 31:9

Zvino Mosi wakanyora izvi zvironzo, wakazvipa kuvapristi, vakororo vaRevhi, vaitwara bhokisi rechitenderano chaMambo Mwari, nokuvakuru veshe vaIsuraeri.

Josh. 24:11

Naapo mwaambuka Jorodhani, mukaguma Jerikho, vamuna veJerikho vakaambana nemwi, navaAmori, nevaPherizi, nevaKhenani, nevaHiti, nevaGirigashi, nevaHivhi, nevaJebhusi; ndakavapira munyara dzenyu.

Josh. 3:13

Apo tsoka dzevapristi, vanotwara bhokisi rechitenderano chaMambo Mwari, Mambo wenyika dzeshe, dzoema mumvura yeJorodhani, mvura yeJorodhani inozogurwa, kubva kumvura inoerera yechibva dera; inozoema kuita rukumbati.”

Josh. 4:11

Apo vanhu veshe vaiya vapera kuambuka, bhokisi rechitenderano chaMambo Mwari, nevapristi vakaambuka, mukuona kwevanhu.

Josh. 4:9

Joshua wakaemesa mapuwe gumi namairi mukati mweJorodhani, apo paiya pakaema tsoka dzevapristi vaitwara bhokisi rechitenderano, nawo aripo metsa nanyamashi.