Josh. 3:17 - Bhaibheri Rakachena muChindau

¹⁷ Navapristi vaitwara bhokisi rechitenderano chaMambo Mwari vakaema vakagwinya pamavhu akaoma, vari pakati peJorodhani, nevaIsuraeri veshe vakaambuka pamavhu akaoma, metsa vanhu veshe vakapera kuambuka Jorodhani.

Josh. 3:17 Iomraidhean Croise

2 Madzi. 2:8

Zvino Erija wakatora bhachi rake, akaripeta, wakachaya mvura, nayo yakaparadzana ngepakati; ndizvo avo vairi vakaambuka pamavhu akaoma.

Nduyo 66:6

Wakapindura ruandhle kuti ruite mavhu akaoma; vakaambuka rwizi ngetsoka. Naapo takadakara mwaari,

EKISEDHUSI 14:21

Zvino Mosi wakatambanudza nyara yake padera poruandhle, naMambo Mwari wakaita kuti ruandhle rupetuke sure ngedutu rinesimba rokumabvazuva usiku hweshe, wakaita kuti ruandhle ruite mavhu akaoma, nemvura yakaparadzaniswa.

EKISEDHUSI 14:22

Vana vaIsuraeri vakahamba pakati poruandhle padera pemavhu akaoma, nemvura yakaita rukumbati kwavari kunyara yokumudyo kwavo neyokumuoshwe kwavo.

EKISEDHUSI 14:29

Asi vana vaIsuraeri vakahamba pamavhu akaoma pakati poruandhle, nemvura yakaita rukumbati kwavari ngokumudyo kwavo nokumuoshwe kwavo.

Isa. 25:8

Unozomedza kufa mhera nariini. Zvino Mambo Mwari unozopukuta masodzi kubva kuhope dzeshe, naye unozodusa kushoorwa kwevanhu vake kubva padera penyika yeshe; ngokuti Mambo Mwari waereketa.

Zvi. 33:51

“Ereketa kuvana vaIsuraeri, wechiti kwavari, ‘Apo pomunozoambuka Jorodhani kupotera munyika yeKhenani,

Vahebheru 11:29

Ngokugonda vanhu vakaambuka Ruandhle Rwakatsvuka kudai ngevanoambuka panyika yakaoma, asi apo vaEgipite vechiedzererawo kuambuka vakanzvaidzwa.

Josh. 4:1

Naapo vanhu veshe vaiya vapera kuambuka Jorodhani, Mambo Mwari wakaereketa kunaJoshua echiti,

Josh. 4:10

Vapristi vaitwara bhokisi rechitenderano vaiya vakaema pakati peJorodhani metsa zviro zveshe zvaiya zvaitwa zvaakapanga Mambo Mwari kunaJoshua, vanhu vakakasira kuambuka.

Josh. 4:11

Apo vanhu veshe vaiya vapera kuambuka, bhokisi rechitenderano chaMambo Mwari, nevapristi vakaambuka, mukuona kwevanhu.

Josh. 4:22

Naapo munozoziisa vana venyu mwechiti, ‘VaIsuraeri vakaambuka Jorodhani iri pamavhu akaoma.’

Josh. 4:3

Uvapange wechiti, ‘Torai mapuwe gumi namairi kubva pakati peJorodhani kubva apo paiema tsoka dzevapristi dzakagwinya, muambuke nawo, muaise pandau yomunozoata usiku uhwo.’ ”

Josh. 5:1

Naapo madzimambo eshe evaAmori vaiya ruseri rweJorodhani ngokumabirira, nemadzimambo eshe eKhenani, vaiya ngokuruandhle, apo pevakazwa kuti Mambo Mwari wakaomesa mvura yeJorodhani pamberi pevaIsuraeri metsa taiya taambuka, mwoyo yavo yakapera simba, zve, kwaiya kusichina mweya wokushinga kwavari, ngendaa yevana vaIsuraeri.