Josh. 3:14 - Bhaibheri Rakachena muChindau

¹⁴ Naapo vanhu vabuda kubva kumatende avo, kuti vaambuke Jorodhani, vapristi vakatwara bhokisi rechitenderano pamberi pevanhu.

Josh. 3:14 Iomraidhean Croise

Nduyo 132:8

Miruka, A Mambo Mwari, upotere muugaro hwako hwokuzorora, iwewe nebhokisi rechitenderano resimba rako.

Jer. 3:16

Naapo mwawanda nokuzadza nyika, mumazuva awo, unoronza Mambo Mwari, avachazoronzi kuti, ‘Bhokisi reChitenderano chaMambo Mwari!’ Arichazopinimidzwizve; avachazorikarakadzi nokuti kuritama, avachazoitizve rimweni.

Dhuto. 31:26

“Torai bhuku iri remipango, muriise ngeparutii mukati mwebhokisi rechitenderano chaMambo Mwari, Mwari wenyu, kuti rindogara ririmwo kuita chapupu kwomuri.

Vahebheru 9:4

Mukati mwaro mwaiya nearita yomukore yokupishira mutombo unonuhwira nebhokisi rechitenderano rakasetwa marutii aro eshe ngomukore, mukati mwaro mwaiya nehari yomukore ine mana nendonga yaAroni yakatungira mashakani matsva nemapuwe akanyorwa chitenderano;

Josh. 24:11

Naapo mwaambuka Jorodhani, mukaguma Jerikho, vamuna veJerikho vakaambana nemwi, navaAmori, nevaPherizi, nevaKhenani, nevaHiti, nevaGirigashi, nevaHivhi, nevaJebhusi; ndakavapira munyara dzenyu.

Josh. 3:3

navo vakapanga vanhu vechiti, “Apo mwozoona bhokisi rechitenderano chaMambo Mwari, Mwari wenyu, nevapristi vaRevhi vechiritwara, naapo munozomiruka kubva pandau dzenyu.

Josh. 3:6

Joshua wakaereketa kuvapristi echiti, “Torai bhokisi rechitenderano, mudarike ngepamberi pevanhu.” Navo vakatora bhokisi rechitenderano, vakadarika ngepamberi pavanhu.

Josh. 6:6

Ndizvo Joshua mukororo waNuni wakadaidza vapristi, akati kwavari, “Torai bhokisi rechitenderano, nevapristi vanomwe ngavabate magwama manomwe emagondohwe vari pamberi pebhokisi rechitenderano chaMambo Mwari.”