Josh. 3:1 - Bhaibheri Rakachena muChindau

¹ Joshua wakamuka mangwanani maishi; wakathutha nevaIsuraeri veshe kubva Shitimu, vakaguma Jorodhani. Vakagarapo vasati vaambuka.

Josh. 3:1 Iomraidhean Croise

Gen. 21:14

Ndizvo Abrahama wakamiruka mangwanani, akatora chingwa nenyede yemvura, akazvipa Haga, echiriisa papfudzi pake, nomwana, akamuendesa. Naye wakabvapo, akapepesheka mushango reBheeri-shebha.

Gen. 22:3

Ndizvo Abrahama wakafumira kumiruka mangwanani, wakasungira chigaro pambongoro yake, akatora vairi vemajaha ake naye naIsaka mukororo wake; wakaadza huni dzokupisha mudiro, akamiruka, akaenda kundau yaakamuronzera ndiyo Mwari.

Nduyo 119:60

Ndinokasira, andinonoki kungwarira mipango yako.

Jer. 25:3

“Ngokuti pagore remakumi mairi nematatu kubvira pagore regumi nematatu rokutonga kwaJosia mukororo waAmoni, mambo waJudha, metsa pazuva iri, izwi raMambo Mwari raiuya kwendiri, neni ndaindoriereketa kwomuri ngokusikareki, asi imwimwi amuzi kupurutana.

Jer. 26:5

nokupurutana kumazwi evaranda vangu vaprofeti, vendinotuma kwomuri ngokukasira, kunyazwi imwimwi amuzi kupurutana,

Jer. 7:13

Zvino,” Mambo Mwari unoronza, “Ngokuti mwakaita izvi zviro zveshe, naapo pendakaereketa kwomuri ngokusikarekera, amuzi kundipurutana, naapo pendakamudaidza amuzi kupingura,

Mik. 6:5

O vanhu vangu, karakadzai zvino chaakaronga Bharaki mambo weMoabhi, chiinyi chaakapingura kwaari Bharamu mukororo waBheo, chiinyi chakaitika kubva Shitimu kuguma Girigari, kuti muzie zviito zvinoponesa zvaMambo Mwari.”

Zvi. 25:1

Naapo vaIsuraeri vakagara Shitimu, vanhu vakatanga kuita mhombo nevasikana veMoabhi.

Marku 1:35

Mumangwanani maishi wakamiruka, akabuda akaenda pandau iri yega, akakumbira aripo.

Josh. 2:1

NaJoshua mukororo waNuni wakatuma vairi kubva Shitimu, kuenda koonengera ngokufishika echiti, “Endai, mwodongorera nyika, kakurutu Jerikho.” Ndizvo vakaenda, vakaguma kumhatso yechifebi, zina racho raiya Rahabhi, navo vakaatapo.

Josh. 6:12

Zvino Joshua wakamuka mangwanani maishi, nevapristi vakatora bhokisi rechitenderano chaMambo Mwari.

Josh. 6:15

Ngezuva rechinomwe, vakafumira mangwanani mumambakwedza, vakahamba kutenderera dhorobha ngenjira imweyo kanomwe. Kwega ngeiro zuva vakahamba kutenderera dhorobha kanomwe.

Josh. 7:16

Ndizvo Joshua wakamiruka mangwanani maishi, wakaunza vaIsuraeri ngemadzinza avo; nedzinza raJudha rakatsanangurwa.

Josh. 8:10

Joshua wakamiruka mangwanani maishi, wakaerenga vanhu, wakakwira, iye nevakuru vaIsuraeri, pamberi pevanhu kuenda kuAi.

Vato. 20:19

VaIsuraeri vakamiruka mangwanani, vakaemesa matende avo pasinde peGibhea.

1 Sam. 17:20

Dhavhidha wakafumira kumuka mangwanani maishi, wakasiya makwai nomuushi, wakatora zviro, akaenda, kudai ngezvaaiya apanga Jesi. Wakaguma pakamba, apo hondo yaiya yechienda koorwa, vechidaidzirwa hondo.