Josh. 24:25 - Bhaibheri Rakachena muChindau

²⁵ Ndizvo Joshua wakaita chitenderano navanhu ngeiro zuva, naye wakavaemesera zviemeso nemipango vari muShekhemu.

Josh. 24:25 Iomraidhean Croise

Gen. 35:4

Ndizvo vakapa Jakobe zveshe zvimwari zvipara zvaiya munyara dzavo, nemativhera aiya munzee dzavo; Jakobe wakazvifushira pashi pomuokhi uwo waiya pasinde peShekemu.

2 Madzi. 11:17

Jehoiadha wakaita chitenderano pakati paMambo Mwari namambo nevanhu, kuti vanosisira kuita vanhu vaMambo Mwari; nepakatizve pamambo nevanhu.

2 MaKro. 15:12

Navo vakaita chitenderano chokutsvaka Mambo Mwari, Mwari wemadzibaba avo, ngomwoyo wavo weshe, nomweya wavo weshe.

2 MaKro. 15:15

VaJudha veshe vakadakara ngemhiko; ngokuti vaiya vakapika ngomwoyo yavo yeshe, vakamutsvaka ngokudisisa kweshe kwavo; naye wakaoneka ndivo, naMambo Mwari wakavapa kuzorora kundau dzeshe dzinovatendenedza.

2 MaKro. 23:16

NaJehoiadha wakaita chitenderano pakati pake nevanhu veshe namambo, kuti vanosisira kuita vanhu vaMambo Mwari.

2 MaKro. 29:10

Zvino zvirimwo mumwoyo mwangu kuti ndiite chitenderano naMambo Mwari, Mwari waIsuraeri, kuti ushungu hwake hunotyisa hukunukuke kubva kwetiri.

Neh. 9:38

Ngendaa yeizvi zveshe tinoita chitenderano chakagwinya, ngokunyora patsamba iyo ineruphau pakanyorwa mazina evakuru vedu, evaRevhi vedu, neevapristi vedu.

EKISEDHUSI 15:25

Iye wakachema kunaMambo Mwari; naMambo Mwari wakamuonisa muti, wakaukandira mumvura, nemvura yakapinduka kuita inotapira. Apo wakavaitira chiemeso nomutemo, naapo wakavaedza

EKISEDHUSI 24:3

Mosi wakauya, akaronzera vanhu mazwi eshe aMambo Mwari nezvitongero zveshe; nevanhu veshe vakapingura ngeizwi rimwero, vakati, “Mazwi eshe aakaereketa Mambo Mwari tinozoita.”

Dhuto. 29:1

Aya ndiwo mazwi echitenderano chaakapanga Mambo Mwari kunaMosi kuti achiite nevaIsuraeri vari munyika yeMoabhi, kututsira kuchitenderano chaakaita navo vari muHorebhi.

Josh. 24:1

Zvino Joshua wakaunganidza madzinza eshe evaIsuraeri paShekhemu, wakadaidza vakuru vaIsuraeri, nevatungamiriri vavo, nevatongi vavo, nenduna dzavo; vakadzionisa pamberi paMwari.

Josh. 24:26

Joshua wakanyora aya mazwi mubhuku rezvironzo zvaMwari; wakatora buwe guru, wakariemesa apo pashi pomuti womuokhi, waiya pasinde pendau yakachena yaMambo Mwari.