Josh. 24:20 - Bhaibheri Rakachena muChindau

²⁰ Kudai mwechisiya Mambo Mwari nokuenda kooshandira zvimwari zvenyika, naapo unozokunukuka nokumuitira zvakashata nokumupedza, ngesure apo akamuitira zvakanaka.”

Josh. 24:20 Iomraidhean Croise

1 MaKro. 28:8

Ndizvo zvino mukuona kwevaIsuraeri veshe, mbungano yaMambo Mwari, nomukuzwa kwaMwari wedu, ngwarirai mutsvake yeshe mipango yaMambo Mwari, Mwari wenyu, kuti mugare nhaka yenyika iyi yakanaka, nokuisiya kuita nhaka yevana venyu vanoteera sure kwenyu mhera nariini.

1 MaKro. 28:9

“Neiwewe Soromoni mukororo wangu, zia Mwari wababa ako, umushandire ngomupinimidzo umwe nomwoyo unoda; ngokuti Mambo Mwari unotsvakisisa mwoyo yeshe, nokuzwisisa kupinimidza kwemipinimidzo. Kudai wechizomutsvaka unozooneka ndiwe; asi kudai wechizomusiya, unozokurasha mhera nariini.

2 MaKro. 15:2

Wakabuda kuenda kooshongana naAsa, wakati kwaari, “Ndizwe, iwewe Asa, nemwi mweshe vaJudha nevaBhenjamini; Mambo Mwari unemwi, apo muchiri naye. Kudai mwechimutsvaka, munozomuona; asi kudai mwechimurasha, naye unozomurasha.

Ezura 8:22

Ngokuti ndakatsveruka kukumbira kunamambo chikwata chevarwi vehondo nevagadhi vemahachi kuti vatingwarire kubva kunemagaa edu munjira, ngokuti taiya takaronza kunamambo kuti, “Nyara yaMwari wedu iri padera pavo veshe kuita zvakanaka kwevari veshe vanomutsvaka; asi simba rake noushungu hwake hunobaka kwevari veshe vanomusiya.”

Nduyo 89:31

kudai vechizogura zviemeso zvangu, vasikangwariri mipango yangu,

Isa. 1:28

Asi vamukiri nevashaishi vanozoparadzwa pamwepo, naavo vanosiya Mambo Mwari vanozopera.

Isa. 63:10

Asi vakamumukira, vakatsenesa Mweya wake Wakachena; ndizvo wakavapandukira kuita gaa ravo, iye pachake wakarwisana navo.

Jer. 17:13

O gonda raIsuraeri, O Mambo Mwari! Veshe vanokuramba vanozotsverudzwa, avo vanokusiya vanozonyorwa mumavhu, ngokuti vakasiya Mambo Mwari, chinyuka chemvura yokupona.

Ezek. 18:24

Asi apo wakarurama echitenderuka kubva mukururama kwake nokuita zvakashata, nokuita zvakatodzana zvinonyangadza zviro, zvinoitwa ngomunhu wakashata, ungazopona here? Apana nachimwe chezviito zvakanaka zvaakaita zvichakarakadzwa; ngendaa yokupauka kwake kwaakapauka nokushaisha kwake kwaakashaisha, unozofa.

Zvak. 7:42

Asi Mwari wakavafuratira, akavarekera kuti vadire hondo dzomudenga, kudai ngezvakanyorwa mubhuku revaprofeti kuti, “Mwakapira kwendiri here mhuka dzakaurawa nemidiro kwemakore makumi marongomuna muri mushango, imwimwi vemhatso yaIsuraeri?

Dhuto. 4:25

Naapo munozobereka vana nevana vevana venyu, nemwi mwechizogara mukuwo wakareba munyika, mwechizodzishaishira, nokuita muedzaniso wakatsetswa, nokuti mutodzaniso wechiro kunyazwi ngechiri, mwechizoita zvakashata mukuona kwaMambo Mwari, Mwari wenyu, kumusa ushungu hwake,

Dhuto. 4:26

ndinodaidza denga nenyika kuti zviite zvapupu kwomuri nyamashi, kuti ngokukasira munozopera mweshe kubva kunyika yomunoambuka Jorodhani kooigara; amuzowanzi mazuva enyu mukati mwayo, asi munozopera yaamho kuparadzwa.

Vahebheru 10:38

asi wakarurama wangu unozorarama ngokugonda. Mwoyo wangu auzodakari ngouwo unopetuka sure.”

Josh. 24:21

Nevanhu vakati kunaJoshua, “Haiwa, asi tinozomushandira Mambo Mwari.”

1 Sam. 12:15

Asi kudai musikazopurutani izwi raMambo Mwari, mwechirwisana nemipango yaMambo Mwari, nyara yaMambo Mwari inozomurwisa, kudai ngezveyakaita kumadzibaba enyu.

1 Sam. 12:25

Asi kuti mwechizoangira kushaisha, munozopedzwa, mweshe imwimwi namambo wenyu.”