Josh. 24:17 - Bhaibheri Rakachena muChindau

¹⁷ Ngokuti ndiMambo Mwari, Mwari wedu wakatibudisa nemadzibaba edu kubva munyika yeEgipite, kubva mumhatso youhloko, uwo wakaita izvo zvioniso zvikuru mukuona kwedu, wakatingwarira munjira yeshe yetakahamba ndiyo, nepakati pevanhu veshe vetakadarika ngepakati pavo;

Josh. 24:17 Iomraidhean Croise

2 MaKro. 13:10

Asi kwetiri, Mambo Mwari ndiMwari wedu, nesu atizi kumusiya. Tinavo vapristi vanoshandira Mambo Mwari, avo vari mibarirwana yaAroni, nevaRevhi ndivo vanoita mishando yavo.

EKISEDHUSI 13:14

Naapo mukororo wako paanokubvunza ngenguva inozouya echiti, ‘Chinoronzenyi ichi?’ Unozoti kwaari, ‘Ngenyara ine simba Mambo Mwari wakatibudisa kubva Egipite, kubva kumhatso youranda.

EKISEDHUSI 13:3

Mosi wakati kuvanhu, “Karakadzai iri zuva romwakabuda ndiro kubva Egipite, kubva kumhatso youranda; ngokuti Mambo Mwari wakamubudisa kubva kundau iyi ngenyara ine simba; akuzodyiwi chingwa chinomumera.

EKISEDHUSI 19:4

Mwakaona zvendakaita kuvaEgipite, nenjira yendakamutwara ndiyo pamaphaphiro egodzi, nokumuunza kwendiri.

Isa. 46:4

Kunyazwi muusharuka hwenyu ndiri aye, kunyazwi bvudzi renyu rachena, ndinozomutwara. Ndaita, ndinozotwara; ndinozotwara neni ndinozoponesa.

Dhuto. 29:2

Mosi wakadaidza vaIsuraeri veshe, akati kwavari: Mwakaona izvo zveshe zvaakaita Mambo Mwari pamberi pokuona kwenyu munyika yeEgipite kunaFaro, nokuvaranda vake veshe, nokunyika yake yeshe,

Dhuto. 32:9

Chikoaniswa chaMambo Mwari vanhu vake; Jakobe chikoaniswa chenhaka yake.

Dhuto. 7:19

zviedzo zvikuru zvemwakaona ngemadziso enyu, zvioniso nemishamiso, nyara inesimba nomuoko wakatambanudzwa, waakamubudisa ndiwo Mambo Mwari, Mwari wenyu. Mambo Mwari, Mwari wenyu, unozoitazve zvakadaro kuneava vanhu veshe vanomutya.

Josh. 24:16

Zvino vanhu vakapingura vechiti, “Mwari asatenda kuti tisiye Mambo Mwari nokushandira zvimwari zvimweni.

Josh. 24:18

naMambo Mwari wakadzinga kubva pamberi pedu vanhu veshe, vaAmori vaigara munyika. Ndizvo isusuwo tinozoshandira Mambo Mwari, ngokuti ndiye Mwari wedu.”