Josh. 24:14 - Bhaibheri Rakachena muChindau

¹⁴ “Ndizvo zvino ityai Mambo Mwari, mumushandire musina ndemo ngegwinyiso; murashe zvimwari izvo zvakashandirwa ngemadzibaba enyu ngoruseri rworwizi nomuEgipite, mumushandire Mambo Mwari.

Josh. 24:14 Iomraidhean Croise

Gen. 17:1

Naapo Abrama aane makore makumi mapfumbamwe nemapfumbamwe (99), Mambo Mwari wakaoneka kunaAbrama, wakati kwaari, “Inini ndini Mwari Unesimbareshe; hamba pamberi pangu, uite wakaperera.

Gen. 35:2

Ndizvo Jakobe wakati kunevemhatso yake, nokwavari veshe vaiya naye, “Rashai zvimwari zviri pakati penyu, mudzichenese ngokwenyu, musimire zvokusimira zvimweni.

2 Madzi. 20:3

“Karakadza zvino, A Mambo Mwari, ndinokupota, kuhamba kwendakaita pamberi pako, mugwinyiso ngomwoyo wakaperera, ndakaita zvakanaka mukuona kwako.” NaHezekia wakachema kakurutu.

Ezura 9:11

iyo yewakapanga ngevaranda vako vaprofeti wechiti, ‘Nyika iyi yomunopotera kooita yenyu inyika yakasvipiswa ngokushaisha kwevanhu venyika, nezvinyangadzo zvavo. Vakaizadza kubvira kumagumo amwe kuenda kumagumo amweni ngezvinyangadzo zvavo.

Jobe 1:1

Kwaiya nomunhu munyika yeUzi, zina rake ndiJobe. Nouwo munhu waiya akaperera nokururama, naye waimutya Mwari, echitenderuka kubva kunezvakashata.

Jobe 28:28

Naye wakati kunevanhu, “Ngegwinyiso, kutya Mambo Mwari ndihwo ungwaru, nokuparadzana nezvakashata ndikwo kuzwisisa.”

Nduyo 111:10

Kutya Mambo Mwari ndikwo kutanga kwoungwaru; veshe avo vanoita mipango yake vanokuzwisisa kwakanaka. Kukudzwa kwake kunogara mhera nariini.

Nduyo 119:1

Vanomuchena avo vanenjira yakaperera, avo vanohamba mumupango waMambo Mwari.

Nduyo 119:80

Mwoyo wangu ngauperere muzviemeso zvako, kuitira kuti ndisatsverudzwa.

Nduyo 130:4

Asi kuripo kurekererwa kwouri, kuti uremeredzwe.

Nduyo 81:10

Inini ndini Mambo Mwari, Mwari wenyu, uwo wakamubudisa kubva munyika yeEgipite. Nasa kushama muromo wako neni ndinozouzadza.

Ezek. 20:18

Ndakati kunevana vavo mushango, ‘Musateera muzviemeso zvevabereki venyu, nokuti kungwarira zvitongero zvavo, nokuti kudzisvipisa pachenyu ngemiedzaniso yavo yokudira.

Ezek. 23:3

vakaita uhure muEgipite; vakaita uhure vachimuutsva hwavo; mazamo avo akabatwa batwa, vakapukutwa tsungu dzoumhandara hwavo.

Hos. 3:5

Ngesure kweizvi vaIsuraeri vanozohwirira nokutsvaka Mambo Mwari, Mwari wavo, naDhavhidha mambo wavo; vanozomutya Mambo Mwari nokunaka kwake ngemazuva okugumisira.

Revhi 17:7

Ndizvo avachazopiri midiro yavo kunemiedzaniso yokudira yembudzi, yevanoteera sure kwao kuita umhombo. Ichi chinozoita chiemeso kwavari kunoti mhera nariini pakati pemibarirwana yavo.’

Mik. 6:8

Wakuronzera iwewe, O mukororo womunhu, icho chakanaka; Mambo Mwari unodenyi kwouri, kwega kuita zvakarurama, nokuda nyasha, nokuhamba ngokudzipfaisa naMwari wako?

Ruka 8:15

Neidzo dzakawira mumavhu akanaka, ndivo avo vanozwa izwi ngomwoyo usina kuchengedza nowakanaka, vanobereka michero ngokusengerera.

Zvak. 9:31

Ndizvo chiara cheshe chaiya muJudhia nomuGarire neSamaria chakaona kunyarara, chikaakiwa, nacho chechihamba ngokumutya Mambo nomukuembedzerwa ndiMweya Wakachena, chakawandiswa.

2 VaK. 1:12

Ngegwinyiso uku ndikwo kudziganzisa kwedu, kuri chapupuzve chemhumba yedu, kuti takadzibata munyika mukucheneswa nomugwinyiso raMwari, kakurutu takaita kudaro kwomuri, haiwa ngoungwaru hwenyama akadi, asi ngenyasha dzaMwari.

Vaefesu 6:24

Nyasha ngadzigare kwavari veshe vanomuda Mambo wedu Jesu Kristu ngorudo rusikaperi.

Dhuto. 10:12

Nazvino, imwimwi vaIsuraeri, Mambo Mwari, Mwari wenyu unodenyi kwomuri, kwega kuti mumutye Mambo Mwari, Mwari wenyu, kuhamba munjira dzake dzeshe, nokumuda, nokumushandira Mambo Mwari, Mwari wenyu, ngomwoyo wenyu weshe, nomweya wenyu weshe,

Dhuto. 18:13

Ndizvo munozoita vakarurama kunaMambo Mwari, Mwari wenyu.

Dhuto. 6:13

Munozotya Mambo Mwari, Mwari wenyu, mumudire, munozopika ngezina rake.

Vafiripi 1:10

kuti muedze muzie zviri zvakapinda kunaka, kuti muite vakacheneswa vasina ndaa metsa pazuva raKristu,

Josh. 24:2

NaJoshua wakati kuvanhu veshe, “Unoronza izvi Mambo Mwari, Mwari waIsuraeri: Madzibaba enyu akagara ngoruseri rworwizi ngenguva yekare, ndiThera, baba vaAbrahama nababa vaNaho, navo vakashandira zvimwari zvimweni.

Josh. 24:23

Naye wakati, “Ndizvo zvino rashai zvimwari zvipara zviri pakati penyu, muemese mwoyo yenyu kunaMambo Mwari, Mwari waIsuraeri.”

1 Sam. 12:14

Kudai mwechizotya Mambo Mwari nokumushandira, nokupurutana izwi rake, musikamukiri mipango yaMambo Mwari, kudai imwimwi namambo unotonga padera penyu mukagwinya kuteera Mambo Mwari, Mwari wenyu, zvinozonaka.

1 Sam. 12:24

Ityai Mambo Mwari, mwechimushandira mukugondeka ngomwoyo wenyu weshe; ngokuti pinimidzai kukura kwezviro zvaakamuitira.

1 Sam. 7:3

Zvino Samueri wakaereketa kumhatso yeshe yaIsuraeri echiti, “Kuti mwechihwirira kunaMambo Mwari ngomwoyo wenyu weshe, zvino rashai zvimwari zvipara naAshitharothi kubva pakati penyu. Mwechiemesa mwoyo yenyu kunaMambo Mwari, nokumushandira iye ega, naye unozomununura kubva munyara dzevaFiristia.”