Josh. 23:7 - Bhaibheri Rakachena muChindau

⁷ kuti musazobvengedzana naaya madzinza, anosara pakati penyu, nokuti musazoronza mazina ezvimwari zvawo, nokuti kuita mhiko ndizvo, nokuti kuzvishandira, nokuti kuzvigwadamira.

Josh. 23:7 Iomraidhean Croise

2 Madzi. 17:12

Vakadira miedzaniso, yaakaronza Mambo Mwari kuti, “Musazoita chiro chakadaro.”

2 Madzi. 5:18

Asi ngeiyi ndaa Mambo Mwari kungurirai muranda wenyu pandaa imwe; naapo mambo wangu echipinda mumhatso yaRimoni koomudiramwo, akatseama paruoko rwangu, neni ndakakotama mumhatso yaRimoni, naapo pendinokotama pashi mumhatso yaRimoni, Mambo Mwari kungurirai muranda wenyu pandaa imwe iyi.”

2 MaKro. 7:19

“Asi kudai mwechizopauka, nokusiya zviemeso zvangu nemipango yangu, zvendakaisa pamberi penyu, mwechienda kooshandira zvimwari zvimweni nokuzvidira,

Nduyo 16:4

Avo vanotsara mwari umweni vanowandisa madambudziko avo. Midiro yavo yokumwa yengazi andizoidururi, nokuti kuronza mazina avo ngemiromo yangu.

EKISEDHUSI 20:5

Usazoigwadamira nokuti kuishandira; ngokuti inini, Mambo Mwari, Mwari wako, ndiri Mwari une ndurumwa, ndechiunzidzira kushata kwemadzibaba padera pevana, padera pomubarirwana wechitatu nowechirongomuna waavo vanondinyenya,

EKISEDHUSI 23:13

Ngwarai kuneizvo zveshe zvendakaereketa kwomuri. Musazoereketa ngemazina ezvimwari zvimweni, nokuti kuita kuti azwike kubva pamuromo wenyu.

EKISEDHUSI 23:33

Vasazogara munyika yenyu, kuti vasazoita kuti mushaishe kwendiri; ngokuti kudai mwechidira zvimwari zvavo, ngegwinyiso chinozoita murau kwomuri.”

Mazwi 4:14

Usapinda munjira yevakashata, usahamba munjira yevaiti vezvakashata.

Jer. 12:16

Nazvino, kudai vechizodzidzira njira dzevanhu vangu ngomwoyo yavo yeshe, kupika ngezina rangu kuti, ‘Kudai ngezvaanopona Mambo Mwari,’ kudai ngezvevakadzidzisa vanhu vangu kupika ndiBhaari, zvino vanozogarisika pakati pevanhu vangu.

Jer. 5:7

“Ndingakuita marekererenyi? Vana vako vandisiya, vechipika ndivo vasiri Mwari akadi. Naapo ndavagutisa yaamho, vakaomba, vechidziunganidza ngezvikwata mumhatso dzeuhure.

Hos. 2:17

Ngokuti ndinozodusa mazina aBhaari kubva kumuromo wake, nakamwe aachazombodaidzwi ngemazina awo.

Zef. 1:5

avo vanokotama pashi kudira hondo yomudenga vari pazvachungu zvemhatso; naavo vanokotama pashi, vechipika kunaMambo Mwari, asi vanopikazve ndiMarikhamu;

Zvi. 32:38

Nebho, Bhaarimeoni (mazina amweni akatsandudzirwa,) naSibhima; vakadudza mazina amweni kumadhorobha evakaaka.

Zvi. 33:55

Asi kudai musikadzingi vagari venyika kubva pamberi penyu, zvino kunozoitika kuti avo vomunotendera kuti vagare vanozoita kudai ngeminzwa inobaya mumadziso enyu, neminzwa inobaya munhii dzenyu; vanozomutambudza munyika yomunozogara.

1 VaK. 15:33

Musachengedzerwa: “Kuiyana nevakashata kunoparadza miitiro yakanaka.”

Vaefesu 5:11

Musikaiyani nemishando yechidima isina michero, asi ngazvibudiswe pakujeka.

Dhuto. 10:20

Munozotya Mambo Mwari, Mwari wenyu; mumudire iye ega, nokwaari munozonamatira, nokupika ngezina rake.

Dhuto. 6:13

Munozotya Mambo Mwari, Mwari wenyu, mumudire, munozopika ngezina rake.

Dhuto. 6:14

Musazoteera zvimwari zvimweni zvevanhu vakamutendenedza,

Josh. 23:12

Asi kudai mwechizohwirira sure nokuti ngeiri njira, mwechinamatira kuneveaya madzinza asara pakati penyu, mwechizoroodzana nawo, nokupotera kwavari, navo kwomuri,

Josh. 23:8

Asi namatirai kunaMambo Mwari, Mwari wenyu, kudai ngezvemwakaita metsa nanyamashi.