Josh. 23:16 - Bhaibheri Rakachena muChindau

¹⁶ Kudai mwechizopauka kubva kuchitenderano chaMambo Mwari, Mwari wenyu, chaakamupanga, nokushandira zvimwari, nokudzikotamisa kwezviri, ushungu hwaMambo Mwari hunozobaka kwomuri, nemwi munozokasira kupera kubva padera penyika iyi yakanaka yaakamupa.”

Josh. 23:16 Iomraidhean Croise

1 Madzi. 14:15

“Mambo Mwari unozochaya Isuraeri, kudai ngorutsanga runozungunyiswa mumvura; unozobvita Isuraeri kubva kuneiyi nyika yakanaka, yaakapa kumadzibaba avo, nokuvaparadzira seri kworwizi Yufratesi, ngokuti vakaita miedzaniso yavo yokudira Ashithorethi, vechimusa ushungu hwaMambo Mwari.

1 Madzi. 9:6

“Kudai wechizopauka kubva mukunditeera, iwewe nokuti vana vako, musikangwariri mipango yangu nezviemeso zvangu, izvo zvendakaisa pamberi penyu, asi wechizoenda kooshandira zvimwari zvimweni nokuzvidira,

1 Madzi. 9:7

zvino ndinozodzinga Isuraeri kubva munyika yendakapa kwevari, nemhatso yendakachenesera zina rangu, ndinozoirasha kubva pamberi pehope yangu; naIsuraeri unozoitwa chisana nechinai pakati pevanhu veshe.

2 Madzi. 17:7

Izvi zvakaitika ngokuti vanhu vaIsuraeri vaiya vakashaisha kunaMambo Mwari, Mwari wavo, uwo wakavakwidza kubva kunyika yeEgipite, kubva kunyara yaFaro mambo weEgipite. Vaiya vadira zvimweni zvimwari,

2 Madzi. 24:20

Ngegwinyiso Jerusarema naJudha vakanyangadza Mambo Mwari, metsa wakavadzinga kubva pamberi pake. Zedhekia wakamukira mambo weBhabhuroni.

Isa. 24:5

Nyika inosvipiswa pashi paavo vanogara mukati mwayo; ngokuti vadarika mipango, vashaishira zviemeso, vagura chitenderano chemhera nariini.

Jer. 32:23

navo vakapotera, vakaigara nhaka. Asi avazi kupurutana izwi rako, nokuti kuteera mipango yako; pane zveshe zvewakavapanga kuti vaite apana nachimwe chevakaita. Ndizvo wakaita uku kushata kweshe kuti kuuye padera pavo.

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Zvi. 33:56

Neni ndinozoita kwomuri kudai ngezvendaipinimidza kuti ndiite kwavari.’ ”

Dhuto. 17:3

naye wakaenda kooshandira nokudira zvimwari zvezuva, nokuti mwedzi, nokuti ngeiri yehondo yezvomudenga, zvendisikazi kumupanga;

Dhuto. 28:15

Asi kudai musikazopurutani izwi raMambo Mwari, Mwari wenyu, kungwarira kuita yeshe mipango yake, nezviemeso zvake zvendinomupanga nyamashi, izvi zveshe zvituko zvinozomugumira nokumubata.

Dhuto. 6:15

ngokuti Mambo Mwari, Mwari wenyu, uwo unemwi ndiMwari unendurumwa; kuti ushungu hwaMambo Mwari, Mwari wenyu, husazobaka pakati penyu, nokumupedza kubva padera penyika.

Vato. 2:14

Ndizvo ushungu hwaMambo Mwari hwakabaka kunevaIsuraeri, wakavapira munyara dzevachakati avo vakavachakata, wakavatengesa munyara dzemagaa avo vaivatendenedza, kuti vasachaane simba rokukona kuema pamberi pemagaa avo.

Vato. 2:20

Ndizvo ushungu hwaMambo Mwari hwakabaka kunevaIsuraeri; naye wakati, “Ngokuti ava vanhu vakagura chitenderano changu chendakapanga madzibaba avo, navo avazi kupurutana kuizwi rangu,

1 Sam. 12:25

Asi kuti mwechizoangira kushaisha, munozopedzwa, mweshe imwimwi namambo wenyu.”