Josh. 23:15 - Bhaibheri Rakachena muChindau

¹⁵ Asi kudai ngezvakaitika zveshe zvakanaka zvaakaereketa Mambo Mwari ndizvo kwomuri, ngokudaro Mambo Mwari unozounza padera penyu kushata kweshe, metsa mupere kubva padera penyika iyi yakanaka yaakamupa Mambo Mwari, Mwari wenyu.

Josh. 23:15 Iomraidhean Croise

1 Madzi. 14:15

“Mambo Mwari unozochaya Isuraeri, kudai ngorutsanga runozungunyiswa mumvura; unozobvita Isuraeri kubva kuneiyi nyika yakanaka, yaakapa kumadzibaba avo, nokuvaparadzira seri kworwizi Yufratesi, ngokuti vakaita miedzaniso yavo yokudira Ashithorethi, vechimusa ushungu hwaMambo Mwari.

1 Madzi. 8:56

“Ngaabongwe Mambo Mwari, uwo wakapa kuzorora kuvanhu vake Isuraeri kudai ndizvo zveshe zvaakagondisa; apana izwi narimwe rakakorera rezvigondiso zvake zvakanaka, raakaereketa kubudikidza ngomuranda wake Mosi.

Isa. 24:6

Ndizvo kutukwa kwapedza nyika, naavo vanogara mukati mwayo vanotambudzika ngokushaisha kwavo; ndizvo vagari vomunyika vanopera, vashomani ndivo vasaramwo.

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 32:42

Ngokuti izvi ndizvo zvinoronza Mambo Mwari: “Kudai ngezvendakaunza uku kushata kweshe padera paava vanhu, ngokudarozve ndinozounza uku kunaka kweshe padera paava vanhu, kwendinovagondisa zvino.

Jer. 35:17

“Ndizvo izvi zvinoronza Mambo Mwari, Mwari wehondo, Mwari waIsuraeri: Ringirai, ndinozounza padera paJudha, nepadera paavo veshe vagari veJerusarema kushata kweshe kwendakaronza kwevari; ngokuti ndakaereketa kwevari, navo avazi kupurutana, ndakadaidza kwevari, navo avazi kupingura.”

Revhi 26:3

“Kudai mwechizohamba muzviemeso zvangu, nokungwarira mipango yangu, nokuiita,

1 VaTes. 2:16

vechitirambidza kuereketa kunevemadzinza kuti vaponeswe. Ndizvo vakaangira vechizadzisa chipimo chokushaisha kwavo ngenguva dzeshe. Asi ushungu hwaMwari hwakauya padera pavo pakugumisira.

Vato. 13:1

VaIsuraeri vakaitazve zvakashata mukuona kwaMambo Mwari, naMambo Mwari wakavapira munyara dzevaFiristia makore makumi marongomuna.

Vato. 3:12

VaIsuraeri vakaitazve zvakashata mukuona kwaMambo Mwari; naMambo Mwari wakagwinyisa Egironi mambo wevaMoabhi kuti arwe nevaIsuraeri, ngokuti vaiya vaita zvakashata mukuona kwaMambo Mwari.

Vato. 3:8

Ndizvo ushungu hwaMambo Mwari hwakabaka kunevaIsuraeri, naye wakavatengesa munyara yaKushanirishathaimu mambo weMesopotamia; nevaIsuraeri vakashandira Kushanirishathaimu makore masere.

Vato. 6:1

VaIsuraeri vakaita zvakashata mukuona kwaMambo Mwari, naMambo Mwari wakavapira munyara dzevaMidhiani makore manomwe.