Josh. 23:14 - Bhaibheri Rakachena muChindau

¹⁴ “Zvino, nyamashi ndinoenda ngenjira yaveshe venyika, nemwi munozia ngomwoyo yenyu yeshe nomweya yenyu yeshe, kuti akuna nachimwe chakatamika kwezviri zveshe zvakanaka zvaakaereketa ndizvo Mambo Mwari, ngepamusoro penyu; zveshe zvakaitika kwomuri, akuna nachimwe chazvo chisikazi kuitika.

Josh. 23:14 Iomraidhean Croise

Gen. 47:29

Naapo mukuwo wakwedzera wokuti Isuraeri afe, wakadaidza mukororo wake Josefa, akati kwaari, “Kudai zvino ndaona nyasha mukuona kwako, ndapota, isa nyara yako pashi pechizva changu, ugondise kundibata ngenyasha negwinyiso. Usandiika muEgipite.

1 Madzi. 2:2

“Ndinoenda njira yenyika yeshe. Ndizvo ita wakagwinya, ushinge, uonise kuti uri mwamuna,

1 Madzi. 8:56

“Ngaabongwe Mambo Mwari, uwo wakapa kuzorora kuvanhu vake Isuraeri kudai ndizvo zveshe zvaakagondisa; apana izwi narimwe rakakorera rezvigondiso zvake zvakanaka, raakaereketa kubudikidza ngomuranda wake Mosi.

Jobe 30:23

Ndinozia kuti unozondiunza murufu, nokumhatso yakaemeserwa veshe vanopona.

EKISEDHUSI 3:8

neni ndadzaka kuti ndivanunure kubva kunyara dzevaEgipite nokuvabudisa kubva kunyika iyo, ndivaunze kunyika yakanaka, yakakura, nyika inoerera mukaka nouchi, kundau yevaKhenani, yevaHiti, yevaAmori, yevaPherizi, yevaHivhi neyevaJebhusi.

Muchu. 12:5

naapo echityiswa ngendau dzakakwirira, nokutyisa kurimwo munjira; muti wearimondi unozoburukira, nendongwe inodzikweyapo, nemadanha anopera; ngokuti munhu weshe unosisira kuenda kanyi kwake mhera nariini, nevachemi vanozopararira mupato;

Muchu. 9:10

Kunyazwi chiinyi cheinoona nyara yako kuita, chiite ngesimba rako reshe; ngokuti akuna mushando, nokuti kupinimidza, nokuti ruziyo, nokuti ungwaru, muiba, apo pounoenda.

Ezek. 20:28

Ngokuti apo ndaiya ndavaunza munyika, yendakapika kuti ndiipe kwevari, zvino kunyazwi ngepari pevakaona zvimitunhu zvakakwirira nemimbiti yeshe yakatsikana mashakani, vakapira mibairo yavopo, vakapira midiro yavo yokundinyangadza; naapozve vakapisha mitombo yavo inegwema rakanaka, vakadururapo midiro yavo yokumwa.

Zvi. 23:19

Mwari aasiri munhu akadi, kuti anyepe; nokuti mukororo womunhu kuti atenderuke. Chaakagondisa aazochiiti here? Chaakaereketa aazochizadzisi here?

Ruka 21:33

Denga nenyika zvinozopinda, asi mazwi angu aatongozopindi akadi.

Vahebheru 9:27

Kudai ngezvekwakaemeserwa kuvanhu kufa kamwe, ngesure kwazvo kutongwa,

1 Sam. 3:19

Samueri wakakura naMambo Mwari waiya naye, asikatendi kuti izwi rake narimwe rikorere.