Josh. 22:8 - Bhaibheri Rakachena muChindau

⁸ Wakaereketa kwavari echiti, “Hwirirai munepfuma yakawanda kumatende enyu, munen'ombe dzakawanda kakurutu, sirivha, mukore, thusi, simbi nezvokusimira zvakawanda; koveranai zvakachakatwa zvemagaa enyu nehama dzenyu.”

Josh. 22:8 Iomraidhean Croise

1 MaKro. 5:9

Vakagarazve ngokumabvazuva, panotangira rubaya nerwizi Yufratesi, ngokuti ng'ombe dzavo dzakawandiswa munyika yeGireadhi.

2 MaKro. 17:5

Ndizvo Mambo Mwari wakagwinyisa umambo munyara mwake. VaJudha veshe vakaunza muthero kunaJehoshafati, naye waiya noupfumi hwakawanda nokuremeredzwa kukurutu.

2 MaKro. 32:27

NaHezekia waiya noupfumi huzhinji, nokuremeredzwa kukurutu; naye wakadziitira mhatso dzoupfumi yesirivha, yomukore, yemapuwe akanaka, yemakha, yezvihlangu, neyembeu dzeshe dzezviro zvinomutengo mukuru;

Nduyo 68:12

“Madzimambo ehondo anotiza, anotiza!” Vakadzi vari kanyi vanokoanisirana zvakachakatwa,

Mazwi 3:16

Kupona kwemazuva akawanda kuri munyara yake yokumudyo; munyara yake yokumuoshwe mune upfumi nokuremeredzwa.

Zvi. 31:27

Uparadzanise zvakachakatwa kuita marupande mairi; pakati paavo vakarwa, avo vakaenda koorwa, nepakati pembungano yeshe.

1 VaK. 15:58

Ndizvo, hama dzangu dzinodikanwa, itai vakagwinya, vasikatsukunuswi, ngenguva dzeshe mwechitsamwirira mumishando yaMambo, ngokuti munozia kuti mishando yenyu aiiti isina shwiro munaMambo.

Vahebheru 11:26

echierenga kuti kutsverudzwa ngendaa yaKristu kuri upfumi hwakakura kupinda upfumi hweEgipite, ngokuti wairingirira mberi kumusharo.

1 Sam. 30:16

Naapo amutora, vaiya vapararira pandau dzeshe, vechidya nokumwa nokuzvina, ngendaa yezvakachakatwa zvizhinji zvevakatora kubva kunyika yevaFiristia nokubva kunyika yaJudha.

1 Sam. 30:24

Ndiani ungamupurutana ngendaa iyi? Ngokuti chikoaniswa chowakaenda kuhondo chinozoedzana nechikoaniswa chowakagara nenhumbi; vanozokoanisirwa zvakaedzana.”