Josh. 22:5 - Bhaibheri Rakachena muChindau

⁵ Kwega nasai kungwaridzira kumipango nezvironzo, zvaakamupanga Mosi muranda waMambo Mwari, kuti mumude Mambo Mwari, Mwari wenyu, nokuhamba ngenjira dzake dzeshe, mungwarire mipango yake, nokubatirira kwaari, nokumushandira ngomwoyo wenyu weshe, nomweya wenyu weshe.”

Josh. 22:5 Iomraidhean Croise

Nduyo 106:3

Vanomuchena avo vanongwarira kutonga kwakanaka, avo vanoita zvakarurama nguva dzeshe.

Nduyo 78:7

kuti vaise gonda ravo munaMwari, kuti vasariyarwa mishando yaMwari, asi kuti vangwarire mipango yake;

EKISEDHUSI 15:26

echiti, “Kudai mwechizogwinyisira kupurutana izwi raMambo Mwari, Mwari wenyu, nokuita izvo zvakarurama mukuona kwake, mwechipurutana mipango yake nokungwarira zviemeso zvake zveshe, andizoisi naimwe yeidzi nhenda padera penyu, dzendakaisa padera pevaEgipite; ngokuti ndini Mambo Mwari uwo unomuponesa.”

EKISEDHUSI 20:6

asi ndechionisa nyasha kune vari makumi emazana eavo vanondida nokungwarira mipango yangu.

EKISEDHUSI 23:13

Ngwarai kuneizvo zveshe zvendakaereketa kwomuri. Musazoereketa ngemazina ezvimwari zvimweni, nokuti kuita kuti azwike kubva pamuromo wenyu.

EKISEDHUSI 23:25

Munozodira Mambo Mwari, Mwari wenyu, naye unozofumisa chingwa chenyu nemvura yenyu; neni ndinozobvisa nhenda kubva pakati penyu.

Mazwi 4:23

Ngwarira yaamho mwoyo wako, ngokuti kwouri kunobuda zvinyuka zvokupona.

Isa. 55:2

Ngenyi wechipedza mare yako ngeizvo zvisiri kudya, nomushando wako weizvo zvisikagutsi? Nasa kupurutana kwendiri, udye izvo zvakanaka, nemweya yako ngaudakadzwe ngezvakakora.

Jer. 12:16

Nazvino, kudai vechizodzidzira njira dzevanhu vangu ngomwoyo yavo yeshe, kupika ngezina rangu kuti, ‘Kudai ngezvaanopona Mambo Mwari,’ kudai ngezvevakadzidzisa vanhu vangu kupika ndiBhaari, zvino vanozogarisika pakati pevanhu vangu.

Mateu 22:37

Naye wakati kwaari, “Unozomuda Mambo Mwari wako ngomwoyo wako weshe, ngomweya wako weshe nemirangariro yako yeshe.”

Mateu 4:10

Naapo Jesu wakati kwaari, “Ibva Sathani, ngokuti kwakanyorwa kuti, ‘Unozodira Mambo Mwari wako nokumushandira iye ega.’ ”

Mateu 6:24

“Akuna munhu ungakona kushandira madzimambo mairi; ngokuti unozonyenyeredza umwe, ade umweni, nokuti unozoshoora umwe abatirire kunoumweni. Amungashandiri Mwari nemare.

Ruka 1:74

yokuti isusu, techinunurwa kubva munyara yemagaa edu, timushandire tisina chokutya,

Johani 12:26

Kudai munhu echindishandira, ngaanditeere, kuti pendiri naye muranda wangu unozoapowo; kuti munhu echindishandira, Baba vanozomuremeredza.

Johani 14:15

“Kudai mwechindida, munozongwarira mipango yangu.

Zvak. 11:23

Naapo aguma nokuona nyasha dzaMwari, wakadakara; akavapanga veshe kuti varambe vakagondeka munaMambo ngomwoyo unogwinyisira.

Zvak. 27:23

Ngokuti kwakaema pasinde pangu usiku huno ngirosi yaMwari, wendiri wake nowendinoshandira

Varoma 1:9

Ngokuti Mwari uwo wendinoshandira mumweya wangu muvhangeri roMukororo wake, ndiye chapupu changu, kuti ndinomukarakadza ngenguva dzeshe mumikumbiro yangu,

Varoma 12:9

Rudo ngaruite rusina kudziitisa; nyenyai izvo zvakashata, batirirai kuneizvo zvakanaka;

Varoma 8:28

Nesu tinozia kuti zveshe zvinoshanda pamwepo kuita zvakanaka kwavari avo vanomuda Mwari, avo vakadaidzwa kudai ngokuemesa kwake.

Dhuto. 10:20

Munozotya Mambo Mwari, Mwari wenyu; mumudire iye ega, nokwaari munozonamatira, nokupika ngezina rake.

Dhuto. 11:1

Ndizvo munozomuda Mambo Mwari, Mwari wenyu, nokungwarira zvaanoronza, nezviemeso zvake, nezvitongero zvake, nemipango yake, nguva dzeshe.

Dhuto. 11:13

Kunozoitika kudai mwechizonasa kupurutana mipango yangu yendinomupanga nyamashi, kumuda Mambo Mwari, Mwari wenyu, nokumushandira ngomwoyo wenyu weshe, nomweya wenyu weshe.

Dhuto. 11:22

Kudai mwechizonasa kungwarira iyi mipango yeshe yendinomupanga, kuita kuda kwaMambo Mwari, Mwari wenyu, nokuhamba ngenjira dzake dzeshe, nokunamatira kwaari,

Dhuto. 13:4

Munozoteera Mambo Mwari, Mwari wenyu, mumutye, nokungwarira zvironzo zvake, mupurutane izwi rake, munozomushandira munamatire kwaari.

Dhuto. 4:29

Kubva apo munozotsvaka Mambo Mwari, Mwari wenyu, munozomuona, kudai mwechizomutsvaka ngomwoyo yenyu yeshe, nomweya yenyu yeshe.

Dhuto. 4:4

asi imwimwi mwakanamatira kunaMambo Mwari, Mwari wenyu, muchapona mweshe metsa nanyamashi.

Dhuto. 4:6

Ndizvo zvingwarirenyi muzviite, ngokuti izvi ndikwo kungwara kwenyu nokuzwisisa kwenyu mukuona kweavo madzinza anozozwa izvi zviemeso zveshe, nokuronza kuti, “Ngegwinyiso iri dzinza guru riri rakangwara, rinokuzwisisa!”

Dhuto. 4:9

Kwega dzingwarirenyi, mungwarire mweya yenyu kakurutu, kuti musazokanganwa zvemwakaona ngemadziso okupona kwenyu; asi zvidzidzisenyi kuvakororo venyu nevana vevakororo venyu,

Dhuto. 5:10

asi ndechipangidzira nyasha kunevari makumi emazana eavo vanondida nokungwarira mipango yangu.

Dhuto. 6:17

Munozonasa kungwarira mipango yaMambo Mwari, Mwari wenyu, nezvapupu zvake, nezviemeso zvake zvaakamupanga.

Vahebheru 12:15

Mwechingwarira kuti kusazoapo naumwe unokorera kuashira nyasha dzaMwari, kuti rusazoapo runzinde rwokuvava runomera, runounza kutambudza, nokubudikidza ndirwo vazhinji vaitwe vakasvipiswa.

Jakobe 1:12

Unomuchena munhuwo unoshingirira mukuedzwa. Ngokuti apo aedzwa unozoashira dzungudza rokupona rakagondiswa kwavari vanomuda.

Jakobe 2:5

Purutanai, hama dzangu dzinodikanwa. Mwari aazi kukheta varombo munyika kuti vaite makurudza okugonda nevanogara nhaka youmambo uhwo hwaakagondisa kwavari vanomuda here?

Josh. 23:8

Asi namatirai kunaMambo Mwari, Mwari wenyu, kudai ngezvemwakaita metsa nanyamashi.

Chakapangijihwa 15:3

Vanoemba ruyo rwaMosi, muranda waMwari, noruyo rweGwai vechiti, “A Mambo Mwari, Unesimbareshe, mishando yenyu mikuru neinoshamisa! Nenjira dzenyu dziri dzakarurama, dzine gwinyiso, imwimwi Mambo wemadzinza!

1 Sam. 12:20

NaSamueri wakati kunevanhu, “Musatya; mwakaita kushaisha kweshe uku, asi musapauka kubva mukuteera Mambo Mwari, asi shandirai Mambo Mwari ngomwoyo yenyu yeshe.

1 Sam. 12:24

Ityai Mambo Mwari, mwechimushandira mukugondeka ngomwoyo wenyu weshe; ngokuti pinimidzai kukura kwezviro zvaakamuitira.

1 Sam. 7:3

Zvino Samueri wakaereketa kumhatso yeshe yaIsuraeri echiti, “Kuti mwechihwirira kunaMambo Mwari ngomwoyo wenyu weshe, zvino rashai zvimwari zvipara naAshitharothi kubva pakati penyu. Mwechiemesa mwoyo yenyu kunaMambo Mwari, nokumushandira iye ega, naye unozomununura kubva munyara dzevaFiristia.”