Josh. 22:31 - Bhaibheri Rakachena muChindau

³¹ Mupristi Finehasi mukororo waEreaza wakati kunevaRubheni nevaGadhi nevaManase, “Nyamashi tinoona kuti Mambo Mwari uri pakati pedu, ngokuti amuzi kuita uku kupauka kurwisana naMambo Mwari; zvino mwaponesa vaIsuraeri kubva kunyara yaMambo Mwari.”

Josh. 22:31 Iomraidhean Croise

2 MaKro. 15:2

Wakabuda kuenda kooshongana naAsa, wakati kwaari, “Ndizwe, iwewe Asa, nemwi mweshe vaJudha nevaBhenjamini; Mambo Mwari unemwi, apo muchiri naye. Kudai mwechimutsvaka, munozomuona; asi kudai mwechimurasha, naye unozomurasha.

Ezura 7:5

mukororo waAbhishua, mukororo waFinehasi, mukororo waEreaza, mukororo waAroni mupristi mukuru,

Nduyo 68:17

Ngoro dzaMambo dziri makumi mairi emakumi emazana (20,000), makumi emazana padera pemakumi emazana, Mambo Mwari wakauya kubva Sinai, kupotera mundau yakachena.

EKISEDHUSI 25:8

Ngavandiitire ndau yakachena, kuti ndigare pakati pavo.

Isa. 12:6

Daidzirai nokuemba ngokudakara, imwimwi munogara muZioni, ngokuti Wakachena waIsuraeri mukuru pakati penyu.”

Zek. 8:23

Izvi ndizvo zvinoronza Mambo Mwari wehondo: Mumazuva awo vanhu gumi vanobva kumadzinza endimi dzeshe dzemadzinza vanozobata muJudha, vechibatirira kumupendero wechokufuka chake vechiti, ‘Ngatiende newe, ngokuti tazwa kuti Mwari unewe.’ ”

Mateu 1:23

“Penya, mhandara inozoita mimba, ibereke mukororo, navo vanozodudza zina rake kuti Emanueri” ukwo ngokukumuchwa kunoti, “Mwari unesu.”

1 VaK. 14:25

Zvakafishika zvomwoyo wake zvinooniswa; ndizvo ngokudaro unozowa pashi ngehope yake nokudira Mwari, echironza kuti, “Mwari uri pakati penyu ngegwinyiso.”

Josh. 22:30

Naapo Finehasi mupristi, nevatungamiriri vembungano, nevakuru vemhuri dzaIsuraeri, vaiya naye, apo vazwa mazwi awo, evakaereketa vaRubheni nevaGadhi, nevaManase, zvakavadakadza.

Josh. 22:32

Zvino mupristi Finehasi mukororo waEreaza, nevatungamiriri vakahwirira kubva kunevaRubheni nevaGadhi, kubva kunyika yeGireadhi, kuenda kunyika yeKhenani, kuvaIsuraeri, navo vakavaunzirazve izwi.

Josh. 3:10

Joshua wakati, “Ngeichi munozozia kuti Mwari unopona uri pakati penyu, ngegwinyiso unozodzinga kubva pamberi penyu vaKhenani, vaHiti, vaHivhi, vaPherizi, vaGirigashi, vaAmori nevaJebhusi.