Josh. 22:29 - Bhaibheri Rakachena muChindau

²⁹ Mwari asazotenda kuti isusu timukire Mambo Mwari, nokukunukuka nyamashi kuhwirira sure kubva kwokuteera Mambo Mwari, kuti tidziakire arita rokupira midiro yokupisha, midiro yezviyo, nokuti remibairo, ngepabanze pearita raMambo Mwari Mwari wedu riri pamberi pethabhenakeri.”

Josh. 22:29 Iomraidhean Croise

Gen. 44:17

Wakati, “Mwari asatenda kuti ndiite kudaro! Munhu uwo weyaoneka kwaari tsani, iye unozoita hloko yangu; asi imwimwi kwirai muende mukunyarara kunababa enyu.”

Gen. 44:7

Vakati kwaari, “Mambo wedu unoereketa ngenyi mazwi akadai? Mwari asatenda kuti varanda vako vaite chiro chakadaro!

1 Madzi. 21:3

Asi Nabhothi wakati kunaAhabhi, “Mwari ngaarambidze kuti ndisapa nhaka yemadzibaba angu kwouri.”

2 Madzi. 18:22

Asi kuti mwechiti kwendiri, “Tinogonda kunaMambo Mwari, Mwari wedu, andiyepi here uwo waiya nendau dzakakwirira dzokudira nemaarita akaparadzwa ndiHezekia, echiti kunaJudha neJerusarema, ‘Munozodira pamberi pearita iri muJerusarema?’

2 MaKro. 32:12

Hezekia andiyepi here wakadusa ndau dzake dzeshe dzakakwirira nemaarita ake, akapanga Judha nevari muJerusarema kuti, ‘Munozodira pamberi pearita rimwe, mupishe mutombo unegwema rakanaka kweriri?’

Varoma 3:6

Haiwa! Ngokuti kudai zvakadaro Mwari ungazoita matongerenyi nyika?

Varoma 6:2

Haiwa! Isusu takafa kuzvishaishi tingachaita maponerenyi mukati mwazvo?

Varoma 9:14

Zvino tinozotinyi? Kuripo kusikarurama here kunaMwari? Haiwa!

Dhuto. 12:11

zvino kunozoa nendau yaanozotsanangura Mambo Mwari, Mwari wenyu kuita kuti zina rake rigare apo, munozounza apo zveshe zvendakamupanga: midiro yenyu yokupisha, nemibairo yenyu, nezvegumi zvenyu, nemidiro yenyara dzenyu zvakatsanangurwa zvemwakapika kupa kunaMambo Mwari.

Josh. 22:23

Kudai takadziakira arita rokupauka kubva kwokuteera Mambo Mwari, nokuti takaita kudaro kupira mudiro wokupisha wezviyo newokunyarara, Mambo Mwari emene ngaaunzidzire.

Josh. 22:26

Ndizvo takati, ngatidziakire arita, haiwa rokupishira mudiro nokuti rokupira mubairo padera paro,

Josh. 22:28

Ndizvo takati kudai vechironza kudaro kwetiri nokuti kumibarirwana yedu panguva inouya, isusu tingazotizve, ‘Ringirai chionero chearita raMambo Mwari, iro revakaita madzibaba edu, haiwa rokupira midiro yokupisha, nokuti mibairo; asi kuita chapupu pakati pedu nemwi.’

Josh. 22:30

Naapo Finehasi mupristi, nevatungamiriri vembungano, nevakuru vemhuri dzaIsuraeri, vaiya naye, apo vazwa mazwi awo, evakaereketa vaRubheni nevaGadhi, nevaManase, zvakavadakadza.

Josh. 24:16

Zvino vanhu vakapingura vechiti, “Mwari asatenda kuti tisiye Mambo Mwari nokushandira zvimwari zvimweni.

1 Sam. 12:23

Ndizvo neniwo, Mwari asazotenda kuti ndishaishe kunaMambo Mwari ngokurekera kumukumbirira; neni ndinozomudzidzisa njira yakanaka neyakarurama.