Josh. 22:27 - Bhaibheri Rakachena muChindau

²⁷ asi kuti riite chapupu pakati pedu nemwi, nepakati pemibarirwana inozouya ngesure kwedu, kuti tiite mishando yaMambo Mwari pamberi pake ngemidiro yedu yokupisha, nemibairo yedu, nemidiro yedu yokunyarara; kuitira kuti vana venyu vasazoronza kunevana vedu panguva inouya vechiti, ‘Amuna chikoaniswa naMambo Mwari.’

Josh. 22:27 Iomraidhean Croise

Gen. 31:48

Rabhani wakati, “Uyu murwi chapupu pakati pako neni nyamashi.” Ndizvo zina rawo rakadudzwa kuti Gareedhi

Gen. 31:52

Murwi uyu chapupu nomujeki uyu chapupu, kuti inini andizoudariki kuuya kwouri, nokuti iwewe auzoudariki kuuya kwendiri, kuti tishaishirane.

Nduyo 16:5

Mambo Mwari uri chikoaniswa chenhaka yangu, nechetsani yangu; unogwinyisa nhaka yangu.

Isa. 19:19

Ngeiro zuva rinozoapo arita raMambo Mwari pakati penyika yeEgipite nesika kunaMambo Mwari kumiganu yayo.

Dhuto. 12:11

zvino kunozoa nendau yaanozotsanangura Mambo Mwari, Mwari wenyu kuita kuti zina rake rigare apo, munozounza apo zveshe zvendakamupanga: midiro yenyu yokupisha, nemibairo yenyu, nezvegumi zvenyu, nemidiro yenyara dzenyu zvakatsanangurwa zvemwakapika kupa kunaMambo Mwari.

Josh. 22:10

Naapo vaguma kumigano yeJorodhani, iyo iri munyika yeKhenani, vaRubheni, vaGadhi, norupande rwedzinza raManase vakaaka apo pasinde peJorodhani arita guru mukuoneka kwaro.

Josh. 22:26

Ndizvo takati, ngatidziakire arita, haiwa rokupishira mudiro nokuti rokupira mubairo padera paro,

Josh. 22:28

Ndizvo takati kudai vechironza kudaro kwetiri nokuti kumibarirwana yedu panguva inouya, isusu tingazotizve, ‘Ringirai chionero chearita raMambo Mwari, iro revakaita madzibaba edu, haiwa rokupira midiro yokupisha, nokuti mibairo; asi kuita chapupu pakati pedu nemwi.’

Josh. 22:34

VaRubheni nevaGadhi vakadudza arita iro vechiti, “Chapupu, ngokuti rinoita chapupu pakati pedu kuti Mambo Mwari ndiye Mwari wedu.”

Josh. 24:27

Joshua wakati kunevanhu veshe, “Ringirai, iri buwe rinozoita chapupu kwetiri; ngokuti razwa mazwi aMambo Mwari aakaereketa kwetiri. Ndizvo rinozoita chapupu kwomuri, kuti musazoramba Mwari wenyu.”

1 Sam. 7:12

Zvino Samueri wakatora buwe, akariemesa pakati peMizipha neSheni, akadaidza zina raro kuti Ebhenezeri, ngokuti waiti, “Metsa nazvino Mambo Mwari wakatidetsera.”