Josh. 22:25 - Bhaibheri Rakachena muChindau

²⁵ Ngokuti Mambo Mwari wakaita kuti Jorodhani riite mugano pakati pedu nemwi, imwimwi vaRubheni nevaGadhi; amuna chikoaniswa kunaMambo Mwari. Ndizvo vana venyu vanozoita kuti vana vedu vareke kudira Mambo Mwari.

Josh. 22:25 Iomraidhean Croise

2 Sam. 20:1

Zvino waiyapo munhu wakashata, zina rake raizwi Shebha, mukororo waBhikhiri, muBhenjamini. Wakaridza gwama, echidaidzira echiti, “Atina chikoaniswa kunaDhavhidha, zve atina nhaka kunomukororo waJesi! Pararirai mweshe umwe ngaumwe kutende rake, A Isuraeri!”

1 Madzi. 12:16

Naapo vaIsuraeri veshe vaona kuti mambo aazi kupurutana kwevari, vanhu vakapingura mambo vechiti, “Tine chikoaniswa chenyi kunaDhavhidha? Atina nhaka kumukororo waJesi. Endai kumatende enyu, imwimwi vaIsuraeri! Ringira zvino kumhatso yako, iwewe Dhavhidha.” Ndizvo vaIsuraeri vakapararira kuenda kumatende avo.

1 Madzi. 14:16

Unozosiya vaIsuraeri ngendaa yezvishaishi zvaJerobhoamu, uwo wakashaisha emene, nokuita kuti vaIsuraeri vashaishe.”

1 Madzi. 15:30

ngendaa yezvishaishi zvaakashaisha Jerobhoamu, nezvaakaita kuti Isuraeri ashaishe, nokutambudza kwake kwaakamusa ndikwo ushungu hwaMwari waIsuraeri.

Neh. 2:20

Zvino ndakavapingura ndechiti kwevari, “Mwari womudenga ndiye unoita kuti tibudirire; neisusu varanda vake tinozomiruka titange kuaka; asi imwimwi amuna chikoaniswa, nokuti chichemo, nokuti chicherechedziso muJerusarema.”

Nduyo 16:5

Mambo Mwari uri chikoaniswa chenhaka yangu, nechetsani yangu; unogwinyisa nhaka yangu.

Zvak. 8:21

Iwewe auna rupande nokuti chikoaniswa kuiyi ndaa, ngokuti mwoyo wako auzi kururama pamberi paMwari.

Josh. 22:24

Haiwa! Takachiita ngokutya kuti panguva ichauya vana venyu vanozoti kuvana vedu, ‘Munenyi imwimwi kunaMambo Mwari, Mwari waIsuraeri?’

Josh. 22:26

Ndizvo takati, ngatidziakire arita, haiwa rokupishira mudiro nokuti rokupira mubairo padera paro,

Josh. 22:27

asi kuti riite chapupu pakati pedu nemwi, nepakati pemibarirwana inozouya ngesure kwedu, kuti tiite mishando yaMambo Mwari pamberi pake ngemidiro yedu yokupisha, nemibairo yedu, nemidiro yedu yokunyarara; kuitira kuti vana venyu vasazoronza kunevana vedu panguva inouya vechiti, ‘Amuna chikoaniswa naMambo Mwari.’

1 Sam. 26:19

Ndizvo zvino, ndapota, makosi wangu mambo ngaazwe mazwi omuranda wake. Kuti ari Mambo Mwari wakati undimukire, ngaashire mudiro; asi kuti vari vanhu, ngavatukwe pamberi paMambo Mwari, ngokuti vandidzinga nyamashi kubva mukuashira chikoaniswa chenhaka yaMambo Mwari vechiti, ‘Enda wooshandira zvimwari.’