Josh. 22:23 - Bhaibheri Rakachena muChindau

²³ Kudai takadziakira arita rokupauka kubva kwokuteera Mambo Mwari, nokuti takaita kudaro kupira mudiro wokupisha wezviyo newokunyarara, Mambo Mwari emene ngaaunzidzire.

Josh. 22:23 Iomraidhean Croise

Gen. 9:4

Asi amuzodyi nyama inokupona kwayo, kuronza kuti, ngazi yayo.

2 MaKro. 24:22

Joashi mambo aazi kukarakadza nyasha dzaJehoiadha baba vaZekharia dzaakaita kwaari, asi wakauraya mukororo wake. Naapo echifa, wakati, “Mambo Mwari ngaaone ichi, achiunzidzire!”

Ezek. 3:18

Dai ndechiti kunewakashata, ‘Ngegwinyiso unozofa,’ newe auzi kumungwadza, nokuti kuereketa kungwadza wakashata kuti abve munjira yake yakashata, kuti aponese ndaramo yake; nouwo munhu wakashata unozofa mukushata kwake; asi ngazi yake ndinozoibvunza panyara yako.

Ezek. 33:6

Asi kudai murindi echiona shoti yechiuya, akarekera kuridza gwama, nevanhu vasikanyowedzwi, kudai shoti yechiguma, yechiuraya munhu kunyazwi ngouri pakati pavo, uwo waurawa mukushata kwake, asi ngazi yake ndinozoibvunza kunyara youwo murindi.’

Ezek. 33:8

Kuti ndikati kunouwo wakashata, ‘O munhu wakashata, ngegwinyiso unozofa,’ newe usikaereketi kumunyowedza uwo wakashata kuti atenderuke abve munjira yake, wakashata unozofa mukushata kwake, asi ngazi yake ndinozoibvunza kubva kunyara dzako.

Dhuto. 12:11

zvino kunozoa nendau yaanozotsanangura Mambo Mwari, Mwari wenyu kuita kuti zina rake rigare apo, munozounza apo zveshe zvendakamupanga: midiro yenyu yokupisha, nemibairo yenyu, nezvegumi zvenyu, nemidiro yenyara dzenyu zvakatsanangurwa zvemwakapika kupa kunaMambo Mwari.

Dhuto. 18:19

Kunyazwi ndiani usikazopurutani mazwi angu aanozoereketa ngezina rangu, ndinozoa nendaa kwaari ndio.

Josh. 22:24

Haiwa! Takachiita ngokutya kuti panguva ichauya vana venyu vanozoti kuvana vedu, ‘Munenyi imwimwi kunaMambo Mwari, Mwari waIsuraeri?’

1 Sam. 20:16

Ndizvo Jonathani wakaita chitenderano nemhatso yaDhavhidha echiti, “Mambo Mwari unozochibvunza kunyara dzamagaa aDhavhidha.”