Josh. 22:22 - Bhaibheri Rakachena muChindau

²² “Mambo Mwari, Mwari wezvimwari! Mambo Mwari Mwari wezvimwari! Unozia, nevaIsuraeri pachavo veshe vanozozia! Kudai kwaiya kumukira, nokuti kudai kwaiya kupauka kwokugonda kunaMambo Mwari, musatiponesa nyamashi.

Josh. 22:22 Iomraidhean Croise

1 Madzi. 8:39

zvino izwa uri mudenga muugaro hwako, ukungurire, ita, ipa kuneweshe uwo wounozia mwoyo wake kudai ngezviito zvake, iwewe, ndiwe wega, unozia zviri mumwoyo womunhu weshe,

Jobe 10:7

kunyazwi wechizia kuti andina kushaisha, akuna naumwe ungandinunura kubva munyara yako?

Jobe 23:10

Asi iye unozia njira yendinohamba ndiyo; naapo andiedza, ndinozobuda ndakadai ngomukore.

Jobe 31:22

zvino godo repfudzi rangu ngariphazuke kubva papfudzi rangu, nomuoko wangu ngauguke ngepachikokora chawo.

Nduyo 136:2

Bongai Mwari wezvimwari, ngokuti nyasha dzake dzinogara mhera nariini.

Nduyo 37:6

Unozoita kuti kururama kwako kujeke kudai ngechiveneko, nokururamisirwa ndaa yako kudai ngemasikati.

Nduyo 40:9

Ndateketesa mashoko akanaka okuponeswa mumushongano mukuru; wona, andizi kupinga miromo yangu, Mambo Mwari, unozvizia.

Nduyo 44:21

Mwari aazozvioni izvi here? Ngokuti unozia zvakafishika zvomwoyo.

Nduyo 44:22

Ngendaa yako tinourawa mutakatiro wezuva weshe, tinoerengwa kudai ngemakwai akaemeserwa kuurawa.

Nduyo 50:1

Umwe unesimba reshe, Mwari Mambo Mwari unoereketa, nokudaidza nyika kubvira ngokumabvazuva metsa kumabirirazuva.

Nduyo 82:1

Mwari unogara pandau yake mumbungano yakachena; unotonga pakati pezvimwari.

Nduyo 95:3

Ngokuti Mambo Mwari, ndiMwari mukurutu, namambo mukuru kupinda zvimwari zveshe.

Nduyo 97:7

Veshe vanodira miedzaniso yakatsetswa vanotsverudzwa avo vanodziganzisa ngemiedzaniso; zvimwari zveshe zvinogwadama pamberi pake.

EKISEDHUSI 18:11

Zvino ndinozia kuti Mambo Mwari mukuru kupinda zvimwari zveshe ngokuti wakabudisa vanhu kubva pashi penyara dzevaEgipite, apo pevakavabata ngokudzikudza kwavari.”

Jer. 12:3

Asi iwewe, O Mambo Mwari, unondizia; unondiona, unoedza mwoyo wangu, mwoyo wangu uri kwouri. Kweya uvabudise kubanze kudai ngemakwai koourawa. Uvanasirire zuva rokuurawa.

Jer. 17:10

Inini Mambo Mwari ndinoringisisa mwoyo, ndinoedza zviri mukati kuti ndipe kumunhu umwe ngaumwe kudai ngenjira dzake nokudai ngemichero yezviito zvake. ”

Dha. 11:36

“Mambo unozoita kudai ngokuda kwake. Unozodzikudza, nokudzipinimidza pachake kuita mukuru kupinda zvimwari zveshe, unozoereketa zvinoshamisa zvokurwisa Mwari wezvimwari. Unozobudirira metsa panguva youshungu yazarisika, ngokuti icho chakaemeswa chinozoitika.

Dha. 2:47

Mambo wakati kunaDhanieri, “Ngegwinyiso Mwari wako ndiMwari wezvimwari, naMambo wemadzimambo, nomuonisi wezvakafishika, ngokuti wakona kududzira ichi chakafishika.”

Mik. 7:9

Ndinozotwara ushungu hwaMambo Mwari, ngokuti ndakashaisha kwaari, metsa andirwira ndaa yangu nokundiunzidzira. Unozondiunza mukujeka, neni ndinozoona kururama kwake.

Mar. 3:18

Zvino kamwezve munozoona muparadzaniso pakati pevakarurama nevakashata, pakati pouwo unoshandira Mwari nouwo usikamushandiri.”

Johani 21:17

Wakati kwaari ngokwechitatu, “Simoni, mukororo waJohani, unondida here?” Petro wakarwadziwa mwoyo ngokuti wakati kwaari ngokwechitatu, “Unondida here?” Naye wakati kwaari, “Mambo, iwewe unozia zveshe; unozia kuti ndinokuda.” Jesu wakati kwaari, “Usha makwai angu.

Zvak. 1:24

Vakakumbira vakati, “Iwewe, Mambo, unozia mwoyo yevanhu veshe, wonisa pakati peava vairi uwo wewakatsanangura,

Zvak. 25:11

Ndizvo kudai ndiri muiti wezvakashata, ndakaita chinosisira kuti ndife, andirambi kufa akadi; asi kudai pasina gwinyiso kuneizvo zvevanondiitira ndaa ndizvo ava, apana munhu ungandipira kwavari. Ndinopota kuti ndaa yangu ikwidzwe kunaSiza.”

2 VaK. 11:11

Ndaa ngeyenyi? Ngokuti andimudi here? Mwari unozia kuti ndinomuda!

2 VaK. 11:31

Mwari naBaba waMambo Jesu, uwo unotendwa mhera nariini, unozia kuti andinyepi.

2 VaK. 5:11

Ndizvo techizia kutya Mambo, tinoonga vanhu, asi tiri vanoziikanwa kunaMwari; neni ndinogondazve kuti tiri vanoziikanwa mumhumba dzenyu.

Dhuto. 10:17

Ngokuti Mambo Mwari, Mwari wenyu, ndiMwari padera pezvimwari, naMambo padera pemadzimambo, Mwari mukuru, unesimba nounotyisa, usikatsananguri vanhu, nousikatori chitengero.

1 Tim. 6:16

Ndiye ega usikatongofi unogara mukujeka kusikagumirwi, uwo usina naumwe wakambomuona nokuti kukona kuoneka; kwaari ngakugare kuripo kuremeredzwa nesimba zvisikaperi. Ameni.

Vahebheru 4:13

Pamberi pake apana chisikwa chakafishika, asi zviro zveshe zviri pamhene nokufukurwa kumadziso ake uwo wetinozodzipingurira kwaari.

Josh. 22:21

Zvino vaRubheni, vaGadhi, norupande rwedzinza raManase vakapingura vechiti kunevakuru vemhuri dzaIsuraeri,

Chakapangijihwa 19:16

Naye unezina rakanyorwa padera pechokufuka chake nepachizva chake kuti, “MAMBO WEMADZIMAMBO NOMUTONGI WEVATONGI.”

Chakapangijihwa 2:23

Neni ndinozouraya vana vake vafe. Nezviara zveshe zvinozozia kuti inini ndini ndinotsvakisisa mupinimidzo nomwoyo, neni ndinozomupa umwe ngaumwe kudai ngemishando yake.

1 Sam. 15:23

Ngokuti kumukira kwakadai ngechishaishi chouroyi, nokusikazwa kwakadai ngokushaisha kwokudira miedzaniso. Ngokuti iwewe wakaramba izwi raMambo Mwari, iye wakakurambawo kuti usachaita mambo.”

1 Sam. 2:3

Usaereketazve ngokudzikudza; usatendera kuti kudada kubude kubva pamuromo wako, ngokuti Mambo Mwari ndiMwari wokuzia, ndiye unopima zviito.