Josh. 22:18 - Bhaibheri Rakachena muChindau

¹⁸ kuti mukunukuke nyamashi kubva mukuteera Mambo Mwari? Kuti mukamukira nyamashi Mambo Mwari, mangwani unozotsenekera dzinza reshe revaIsuraeri.

Josh. 22:18 Iomraidhean Croise

2 Sam. 24:1

Noushungu hwaMambo Mwari hwakabakazve kunevaIsuraeri, wakamusa Dhavhidha kuti ati kwevari, “Endai, muerenge Isuraeri naJudha.”

1 Madzi. 9:6

“Kudai wechizopauka kubva mukunditeera, iwewe nokuti vana vako, musikangwariri mipango yangu nezviemeso zvangu, izvo zvendakaisa pamberi penyu, asi wechizoenda kooshandira zvimwari zvimweni nokuzvidira,

2 Madzi. 17:21

Naapo aparadzanisa vaIsuraeri kubva kumhatso yaDhavhidha, vakaemesa Jerobhoamu mukororo waNebhati kuti aite mambo wavo. Jerobhoamu wakapausa vaIsuraeri kubva mukuteera Mambo Mwari, akavaita kuti vaite chishaishi chikuru.

1 MaKro. 21:1

Sathani wakamukira Isuraeri, akamusa Dhavhidha kuti aerenge vanhu vaIsuraeri.

1 MaKro. 21:14

Ndizvo Mambo Mwari wakatumira nhenda inotyisa padera pevaIsuraeri; navo vakafapo vanhu vaIsuraeri makumi manomwe emakumi emazana (70,000).

2 MaKro. 25:27

Kubvira panguva yaakapauka Amazia kubva kunaMambo Mwari, vakapangana zano rokumumukira muJerusarema; naye wakatizira Rakhishi. Asi vakatuma vanhu, vakamuteera Rakhishi, vakamuuraireyo.

2 MaKro. 34:33

Josia wakadusa zveshe zvinyangadzo kubva munyika dzeshe dzevana vaIsuraeri, naye wakaita veshe vaiya muIsuraeri kuti vadire Mambo Mwari, Mwari wavo. Mumazuva ake eshe okupona kwake avazi kupauka kubva mukuteera Mambo Mwari, Mwari wemadzibaba avo.

Revhi 10:6

NaMosi wakati kunaAroni nokunaEreaza nokunaIthama, vakororo vake, “Musadusa ngundu dzenyu kubva pamasoro enyu, zve, musabaura zvokusimira zvenyu, kuti musafa, nokuti ushungu husazodzaka padera pevanhu veshe; asi hama dzenyu, mhatso yeshe yaIsuraeri vangachema uku kupisha kwaakabasa Mambo Mwari.

Zvi. 16:22

Navo vakawa pashi ngehope dzavo vechiti, “A Mwari, Mwari womweya nenyama yeshe, ngokushaisha kwomunhu umwe unozotsenekera mbungano yeshe here?”

Zvi. 32:15

Ngokuti kudai mwechizopauka kubva mukumuteera, iyezve unozovasiyazve mushango; nemwi munozouraya vanhu veshe ava.”

Dhuto. 7:4

ngokuti vanozopaukisa vakororo venyu kubva kwokunditeera, kuti vashandire zvimwari. Ngokudaro ushungu hwaMambo Mwari hunozobaka kwomuri, humupedze paripo.

Josh. 22:15

Vakauya kunevaRubheni, vaGadhi, norupande rwedzinza raManase, munyika yeGireadhi, vakaereketa navo vechiti,

Josh. 22:16

“Inoronza izvi mbungano yeshe yaMambo Mwari yechiti, ‘Kupaukanyi uku kwomwaita kubva kunaMwari waIsuraeri, kukunukuka kuhwirira sure nyamashi, kubva mukuteera Mambo Mwari, ngokudziakira arita, kuti mumukire Mambo Mwari ngeiri zuva?

Josh. 22:20

Akhani mukororo waZera aazi kupauka here ngokutora zvezviro zvakatukwa, noushungu hwakadzaka padera pembungano yeshe yaIsuraeri? Nouwo munhu aazi kufa ega mukati mwokushata kwake!’ ”

Josh. 7:1

Asi vaIsuraeri vakapauka ngendaa yezviro zvakatukwa, ngokuti Akhani mukororo waKhami, mukororo waZabhudhi, mukororo waZera, wedzinza raJudha, wakatora zviro zvakatukwa; noushungu hwaMambo Mwari hwakabaka kunevaIsuraeri.

Josh. 7:11

VaIsuraeri vakashaisha; vakagura chitenderano changu chendakavapa. Vakatora zviro zvakatukwa, vakaba nokuchengedza, vakazviisa mukati mwenhumbi dzavo.

Josh. 7:21

Apo ndakaona pakati pezviro zvakachakatwa nguwo yakanaka yeBhabhuroni, nemakhirogramu mairi esirivha, nechigurwa chomukore chairema kupinda rupande rwekhirogramu, naapo ndakazviemura ndakazvitora. Wona, zvakafishwa mumavhu, pakati petende rangu, nesirivha iri pashi pazvo.”

1 Sam. 12:14

Kudai mwechizotya Mambo Mwari nokumushandira, nokupurutana izwi rake, musikamukiri mipango yaMambo Mwari, kudai imwimwi namambo unotonga padera penyu mukagwinya kuteera Mambo Mwari, Mwari wenyu, zvinozonaka.

1 Sam. 12:20

NaSamueri wakati kunevanhu, “Musatya; mwakaita kushaisha kweshe uku, asi musapauka kubva mukuteera Mambo Mwari, asi shandirai Mambo Mwari ngomwoyo yenyu yeshe.