Josh. 22:15 - Bhaibheri Rakachena muChindau

¹⁵ Vakauya kunevaRubheni, vaGadhi, norupande rwedzinza raManase, munyika yeGireadhi, vakaereketa navo vechiti,

Josh. 22:15 Iomraidhean Croise

1 MaKro. 21:3

Asi Joabhi wakapingura, akati, “Mambo Mwari ngaawandise uwandu hwevanhu vake ngezana rakapetwa kupinda zvino! Andivopi, makosi wangu mambo, veshe pamwepo varanda vamambo wangu? Ngenyi zvino mambo wangu unodirenyi kuti abvunze ichi? Ngenyi echida kuunza kushaisha padera paIsuraeri?”

2 MaKro. 10:19

Ndizvo vaIsuraeri vakamukira mhatso yaDhavhidha metsa nanyamashi.

2 MaKro. 25:27

Kubvira panguva yaakapauka Amazia kubva kunaMambo Mwari, vakapangana zano rokumumukira muJerusarema; naye wakatizira Rakhishi. Asi vakatuma vanhu, vakamuteera Rakhishi, vakamuuraireyo.

2 MaKro. 26:18

Vakarambidza Uzia mambo, vakati kwaari, “Andiwepi unosisira kuti upishire mitombo inegwema rakanaka kunaMambo Mwari, asi ngezvevapristi, mibarirwana yaAroni, avo vakaemeserwa kuti vapishe mitombo inegwema rakanaka. Buda kubva kundau yakachena; ngokuti iwewe wakaita zvakashata; akuzokuunziri kuremeredzwa kubva kunaMambo Mwari, Mwari.”

2 MaKro. 28:13

navo vakati kwevari, “Musatiunzira hloko muno, ngokuti munoda kuunza padera pedu izvo zviro zvinotiita vashaishi kunaMambo Mwari, kututsira zvishaishi zvetinazvo nendaa. Ngokuti ndaa yedu yakatokura, pane ushungu hunotyisa hunorwisana naIsuraeri.”

Ezura 9:15

A Mambo Mwari, Mwari waIsuraeri, iwewe wakarurama; asi isusu takasara tiri takapokonyoka kuita vakasara, kudai ngezvetiriazvo nyamashi. Ringira, tiri pamberi pako mukushaisha kwedu, ngokuti apana naumwe ungakona kuema pamberi pako ngendaa iyi.”

Ezura 9:2

Ngokuti vakadzitorera vamweni vevanasikana veavo kuita vakadzi vavo nevevakororo vavo. Ndizvo dzinza rakacheneswa rakadzikumanidza pamwepo nevanhu venyika idzo nomukusikagondeka uku vakuru nevatungamiriri ndivo vakatanga kuita uku kupauka.”

Nduyo 78:8

kuti vasadai ngemadzibaba avo, mubarirwana usikazwi nounomukira, mubarirwana usikazii kururama mumwoyo yawo, uwo mweya wawo usikazi kugondeka kunaMwari.

EKISEDHUSI 32:8

Vakasira kupauka kubva kunjira yendakavapanga; vadziitira konyana rakaumbwa ngomukore wakanyunguruswa, varidira nokupira mudiro kweriri vechiti, ‘Izvi ndizvo zvimwari zvenyu, A Isuraeri, zvakamubudisa kubva kunyika yeEgipite.’ ”

Isa. 63:10

Asi vakamumukira, vakatsenesa Mweya wake Wakachena; ndizvo wakavapandukira kuita gaa ravo, iye pachake wakarwisana navo.

Revhi 26:40

“Asi kudai vechizotenda kushaisha kwavo nokwemadzibaba avo, pamwepo nokupauka kwevakapauka ndikwo kwendiri, nokuhambazve ngokutsvatsvana kwavo neni,

Revhi 5:19

Uyu mudiro wokushaisha; ngegwinyiso wakashaisha ngokupauka pamberi paMambo Mwari.”

Zvi. 14:43

Ngokuti vaAmareki nevaKhenani vanozomurwisapo, nemwi munozowa ngeshoti; ngokuti imwimwi mwakafuratira kubva mukuteera Mambo Mwari, ndizvo Mambo Mwari aazoa nemwi akadi.”

Zvi. 32:15

Ngokuti kudai mwechizopauka kubva mukumuteera, iyezve unozovasiyazve mushango; nemwi munozouraya vanhu veshe ava.”

Zvi. 5:6

“Ereketa kunevana vaIsuraeri kuti, ‘Kudai munhu womwamuna nokuti womukadzi echishaishira umweni, kunyazwi ngechiri chinoitwa ngevanhu, kushaisha kunaMambo Mwari, nouwo munhu unozoita unendaa,

Mateu 18:17

Asi kuti iye echizoramba kuvapurutana, wechironzera vechiara. Asi kudai echizoramba kupurutana kunyazwi kunevechiara, ngaaite kwouri kudai ngewevemadzinza nokudai ngomubharisi.

1 VaK. 1:10

Zvino ndinomupota, hama, ngezina raMambo wedu Jesu Kristu, kuti mweshe muerekete chiro chimwecho, zve, kuti kusaapo kuparadzana pakati penyu, asi kuti muite vakasungwa pamwepo mumupinimidzo umwe nebiningidzo rimwero.

1 VaK. 5:4

Naapo imwimwi mwaungana pamwepo muzina raMambo wedu Jesu, nomweya wangu uripo nesimba raMambo wedu Jesu,

Dhuto. 30:17

Asi kudai mwoyo yenyu yechizokunukuka, musikazozwi, asi mwechizopaukiswa kugwadamira zvimwari zvimweni nokuzvishandira,

Dhuto. 7:4

ngokuti vanozopaukisa vakororo venyu kubva kwokunditeera, kuti vashandire zvimwari. Ngokudaro ushungu hwaMambo Mwari hunozobaka kwomuri, humupedze paripo.

Vahebheru 12:25

Ngwarai kuti musaramba uwo unoereketa; ngokuti kudai vasikazi kupokonyoka avo vakaramba uwo wakavapanga munyika muno, isusu tinozoita mapokonyokerenyi, kuti techiramba uwo unotipanga echibva mudenga!

Josh. 22:12

Naapo vaIsuraeri vazvizwa, mbungano yeshe yevaIsuraeri vakaunganidzana pamwepo muShiro, kuti vaende koorwa navo.

Josh. 22:14

pamwepo naye vatungamiriri gumi umwe kubva kuimwe yemhatso yemadzibaba mukati mwemadzinza eshe aIsuraeri; umwe ngaumwe wavo waiya mukuru wemhatso yemadzinza pakati pevaIsuraeri.

Josh. 22:16

“Inoronza izvi mbungano yeshe yaMambo Mwari yechiti, ‘Kupaukanyi uku kwomwaita kubva kunaMwari waIsuraeri, kukunukuka kuhwirira sure nyamashi, kubva mukuteera Mambo Mwari, ngokudziakira arita, kuti mumukire Mambo Mwari ngeiri zuva?

Josh. 22:18

kuti mukunukuke nyamashi kubva mukuteera Mambo Mwari? Kuti mukamukira nyamashi Mambo Mwari, mangwani unozotsenekera dzinza reshe revaIsuraeri.

1 Sam. 15:23

Ngokuti kumukira kwakadai ngechishaishi chouroyi, nokusikazwa kwakadai ngokushaisha kwokudira miedzaniso. Ngokuti iwewe wakaramba izwi raMambo Mwari, iye wakakurambawo kuti usachaita mambo.”