Josh. 21:8 - Bhaibheri Rakachena muChindau

⁸ VaIsuraeri vakapa ngokuita mabhigidha kuvaRevhi aya madhorobha nemaguta awo, kudai ngezvaakapanga Mambo Mwari kubudikidza ndiMosi.

Josh. 21:8 Iomraidhean Croise

Gen. 49:5

Simeoni naRevhi vana vamai umwe; shoti dzavo zvikhayo zvokugebenga.

Gen. 49:7

Ushungu hwavo ngahutukwe, ngokuti hwaityisa; nokutseneka kwavo, ngokuti kwaiya norunya! ndinozovaparadzanisa pakati paJakobe, ndivaparadzire muIsuraeri.

Mazwi 16:33

Mabhagidha anoitwa kuda kuzia; asi kuitika kwazvo zveshe ngokwaMambo Mwari ega.

Mazwi 18:18

Kuita mabhigidha kunopedza hasha, anoparadzanisa pakati pevanesimba vanophikisana.

Zvi. 32:2

vana vaGadhi nevana vaRubheni vakauya, vakaereketa kunaMosi naEreaza mupristi, nokuvatungamiriri vembungano vechiti,

Zvi. 33:54

Munozokoanisa nyika ngemabhigidha kuita nhaka pakati pemadzinza enyu; kunedzinza guru munozopa nhaka huru, kunedzinza doko munozopa nhaka doko; nhaka yomunhu weshe inozoapo pandau yaanobata mabhigidha; kudai ngokuteererana kwemadzinza emadzibaba enyu munozogara nhaka dzenyu.

Zvi. 35:3

Madhorobha anozoita avo kuti vagaremwo; nemafuro avo anozoita en'ombe dzavo, nezvifuyo zvavo zveshe nemhuka dzavo.

Josh. 18:6

Ndizvo munozoguragura nyika kuita marupande manomwe, muuye muronze magurire acho kwendiri, kuti ndinozomuitira mabhigidha pamberi paMambo Mwari, Mwari wedu.

Josh. 21:3

Ndizvo vaIsuraeri vakapa kuvaRevhi kubva pakati penhaka yavo madhorobha nembusho dzawo kudai ngezvaakapanga Mambo Mwari.

Josh. 21:7

VaMerari kudai ngokuteererana kwemhuri dzavo vakaashira chikoaniswa kubva kudzinza raRubheni, raGadhi neraZebhuruni, madhorobha gumi namairi.

Josh. 21:9

Vakapa kubva kudzinza raJudha, nokubva kudzinza raSimeoni, aya madhorobha akadudzwa pano ngemazina awo.