Josh. 20:9 - Bhaibheri Rakachena muChindau

⁹ Aya madhorobha akaemeserwa vaIsuraeri veshe, nevapara vaiya zvigarandimo pakati pavo, kuti kunyazwi ndiani unouraya munhu asiri mabomo ungatiziremo, kuti asafa ngenyara yomuunzidziri wengazi, metsa aeme pamberi pembungano.

Josh. 20:9 Iomraidhean Croise

Zvi. 35:13

“Madhorobha aya omunozopa matanhatu awo anozoita madhorobha okuponeramwo.

Zvi. 35:15

Aya madhorobha matanhatu anozoita okuponeramwo, kuneveshe vana vaIsuraeri nomupara nechigarandimo chiri pakati pavo, kuti munhu weshe wauraya munhu asikadi ungatiziramwo.

Josh. 20:4

Muurayi unozotizira kunerimwe raaya madhorobha, naye unozoema ngepamusiwo wedhorobha nokuronza ndaa yake mukuzwa kwevakuru vedhorobha iro; naapo vanozomuashira kwavari mudhorobha, nokumupa ndau, yokuti agare pakati pavo.

Josh. 20:6

Muurayi unozogara mudhorobha iro, metsa azoema pamberi pembungano kuti ndaa yake itongwe, metsa kufa kwomupristi mukuru uwo unozoapo ngamazuva awo; zvino muurayi unozohwirira kanyi nokuuya kudhorobha rake, nokumhatso yake, kudhorobha umwo mwaakaurayira munhu.’ ”

Josh. 20:8

Noruseri rweiyo rweJorodhani ngepasinde peJerikho ngokumabvazuva, vakaemesa Bheza riri mushango munyika yedzinza raRubheni, naRamothi muGireadhi munyika yedzinza raGadhi, naGorani muBhashani, kubva kudzinza raManase.