Josh. 2:6 - Bhaibheri Rakachena muChindau

⁶ Asi iye waiya avakwidza pachachungu chemhatso, wakavafisha mumazhonje orukangaza, aaiya akarongedza padera pechachungu chemhatso.

Josh. 2:6 Iomraidhean Croise

2 Sam. 11:2

Kwakaitika zuva roobira kuti Dhavhidha wakamiruka kubva pamubhedhi wake, wakahamba padera pedenga remhatso yamambo. Wakaona mukadzi echishamba; mukadzi waiya akanaka yaamho mukuoneka kwake.

2 Sam. 17:19

Mukadzi wakafukidza muromo womupisi, akaanika koroni yakagaiwa padera pawo; apana chiro chakaziikanwa ndizvo.

1 Madzi. 18:13

Mambo wangu aazi kuronzerwa here ngeizvo zvendakaita ngemazuva apo Jezebheri paakauraya vaprofeti vaMambo Mwari, ngenjira yendakavafisha ndiyo mubako, ndechivaburira chingwa nemvura?

1 Madzi. 18:4

Naapo Jezebheri echiuraya vaprofeti vaMambo Mwari, Obhadhia wakatora vaprofeti zana, akavafisha ngezvikwata zviiri, makumi mashanu mubako rimwe, akavaburira chingwa nemvura.)

2 Madzi. 11:2

Asi Jehoshebha, mwanasikana wamambo Joramu nehanzvadzi yaAhazia, akamutora Joashi mukororo waAhazia, wakamutora kubva pakati pevakororo vamambo avo vaiya vechida kuurawa; wakamufisha iye nomungwariri wake mukamera rokuata. Ndizvo wakamufisha kubva kunaAtharia, ndizvo aazi kuurawa.

EKISEDHUSI 2:2

Mukadzi uwo wakaita mimba, wakabara mukororo; naapo aona kuti waiya mwana wakanaka, wakamufisha mwedzi mitatu.

Jer. 36:26

Namambo wakapanga Jerameeri mukororo wamambo, Seraia mukororo waAzirieri, naSheremia mukororo waAbhidheeri, kubata Bharukhi munyori nomuprofeti Jeremia. Asi Mambo Mwari wakavafisha.

Mateu 24:17

Naye uri padera pechachungu chemhatso, asadzaka kutora zviro zviri mumhatso yake.

Dhuto. 22:8

Apo unozodziakira mhatso itsva, unozodziisira rukasha padera perukumbati rwako, kuti usazounza ngazi padera pemhatso yako, kudai pechizowa munhu kubva apo.

Vakorose 3:3

ngokuti imwimwi mwakafa, nokurarama kwenyu kwakafishwa pamwepo naKristu munaMwari.

Vahebheru 11:23

Ngokugonda Mosi wakafishwa ngevabari vake mwedzi mitatu pakubarwa kwake, ngokuti vakaona kuti mwana waiya akanaka; navo avazi kutya mupango wamambo.

Jakobe 2:25

Ngokudaro, Rahabhi chifebi aazi kupembedzwa here ngemishando, apo paakaashira vatumwa nokuvatizisa ngenjira imweni?

Josh. 2:5

Ngomukuwo wokukonywa kwomusiwo kwasvipa, ndizvo vamuna vabuda; andizii pevaenda. Kasirai kuvarumbirira, munovabata.”

Josh. 2:7

Ndizvo vamuna vakavarumbirira, kuteera njira inoenda Jorodhani kumazambuko. Ngesure vabuda vaivarumbirira, vakakonya musiwo.

Josh. 2:8

Vasati vaata, uwo mukadzi wakauya kwavari padera pechachungu chemhatso,

Josh. 6:25

Asi Joshua wakaponesa Rahabhi, nemhatso yababa ake, navo veshe vaaiya navo, naye unogara mukati mwevaIsuraeri metsa nanyamashi; ngokuti wakafisha vanengeri vaakatuma Joshua kuti vanengere Jerikho.