Josh. 2:24 - Bhaibheri Rakachena muChindau

²⁴ Navo vakati kunaJoshua, “Ngegwinyiso Mambo Mwari wapa nyika yeshe munyara dzedu; zve, vagari veshe venyika vanopera simba ngokutya pamberi pedu.”

Josh. 2:24 Iomraidhean Croise

EKISEDHUSI 15:15

Zvino madzimambo veEdhomu vashamiswa; ngwazi dzeMoabhi dzinobatwa ngokuhuta; veshe vagari veKhenani vanyunguruka.

EKISEDHUSI 23:31

Ndinozoemesa migano yenyu kubvira kuRuandhle Rwakatsvuka metsa kuguma kuRuandhle rwevaFiristia, nokubvira mushango metsa kuguma kuurwo rwizi Yufratesi; ngokuti ndinozopira vagari veiyo nyika munyara dzenyu nemwi munozovadzinga kubva pamberi penyu.

Mazwi 25:13

Kudai ngokutonhora kwechando ngomukuwo wokucheka, ndizvo zvinoita nhumwa yakagondeka kwaari uwo unoituma; unomusirira mweya wemadzimambo ake.

Josh. 1:8

Iri bhuku remipango risazobva pamuromo wako; asi unozopinimidza ndiro masikati nousiku, kuti ungwarire zveshe zvakanyorwa mukati mwaro. Ngokuti ngokudaro unozopfumiswa munjira yako, naapo unozonasa kubudirira.

Josh. 2:23

Ndizvo vamuna vairi vakadzaka kubva kumutunhu. Vakaambuka, vakaguma kunaJoshua mukororo waNuni, vakamushumira zveshe zvaiya zvaitika kwavari.

Josh. 5:1

Naapo madzimambo eshe evaAmori vaiya ruseri rweJorodhani ngokumabirira, nemadzimambo eshe eKhenani, vaiya ngokuruandhle, apo pevakazwa kuti Mambo Mwari wakaomesa mvura yeJorodhani pamberi pevaIsuraeri metsa taiya taambuka, mwoyo yavo yakapera simba, zve, kwaiya kusichina mweya wokushinga kwavari, ngendaa yevana vaIsuraeri.

Josh. 6:2

NaMambo Mwari wakaereketa kunaJoshua echiti, “Wona, ndapa munyara dzako Jerikho, pamwepo namambo waro, nevarwi vehondo.

Josh. 8:1

Mambo Mwari wakati kunaJoshua, “Usatya, usapera simbazve; tora vanhu veshe vehondo uende navo, umiruke ukwire Ai. Ringira ndapa munyara yako mambo weAi, nevanhu vake, nedhorobha rake, nenyika yake.

Vato. 1:2

NaMambo Mwari wakati, “Judha ndiye unozokwira. Ringirai ndapa nyika munyara dzake.”

Vato. 18:10

Naapo mwechizoenda munozoguma kunevanhu vakangwaririka, nokunyika yakakura, ngokuti Mwari unoipa munyara dzenyu, ndau isikatamiki chiro kunyazwi ngechiri chomunyika.”

Vato. 7:9

Ngouhwo usiku Mambo Mwari wakati kwaari, “Miruka, udzake urwise kamba; ngokuti ndaipira munyara dzako.