Josh. 2:19 - Bhaibheri Rakachena muChindau

¹⁹ Kudai umwe wenyu kunyazwi ndiani unozobuda kumisiwo yemhatso yako kuenda kubanze mupato, ngazi youwo inozoa padera pesoro rake, nesu tinozoita vasina ndaa; asi kudai nyara ikakuwadza kunyazwi ndiani unewe mumhatso mwako, tinozoa nendaa yokufa kwake.

Josh. 2:19 Iomraidhean Croise

2 Sam. 1:16

Dhavhidha wakati kwaari, “Ngazi yako ngaiwe padera pesoro rako; ngokuti ngomuromo wako wakapupurira wemene wechiti, ‘Ndakauraya wakadzodzwa waMambo Mwari.’ ”

2 Sam. 4:11

Kunozopinda kwakaitawani kushata, apo vanhu vakashata vakauraya munhu wakarurama pamubhedhi wake mumhatso yake! Andizounzidziri here ngazi yake munyara dzenyu, nokumuparadza kubva munyika?”

1 Madzi. 2:32

Mambo Mwari unozohwirinzira mishando yake yengazi padera pesoro rake, ngokuti wakauraya vamuna vairi vaiya vakarurama kupinda iye, wakavauraya ngeshoti, baba angu Dhavhidha asikazii, ava ndivo Abhina mukororo waNeri, nduna yehondo yaIsuraeri, naAmasa mukororo waJetha, nduna yehondo yaJudha.

EKISEDHUSI 12:13

Ngazi inozoita chioniso kwomuri pamhatso pomunogara; naapo pendinozoona ngazi, ndinozomudarika, nedambudziko arizowiri padera penyu kumuparadza, apo pendinozoparadza nyika yeEgipite.

EKISEDHUSI 12:22

Munozotora hombori yehisopi, muinyike mungazi iri muchidziyo nokupazaira ngengazi iri muchidziyo padera pamusiwo pamadziro mairi epamusiwo, akuna naumwe wenyu unozobuda pamusiwo wemhatso yake metsa kuedze.

EKISEDHUSI 12:23

Ngokuti Mambo Mwari unozohamba ngepakati kuuraya vaEgipite; naapo paanozoona ngazi iri pamusiwo nepamadziro mairi, Mambo Mwari unozodarika musiwo, aazotenderi muurayi kuti apotere kumhatso yenyu kumuuraya.

Revhi 20:11

Nomunhu unozoatana nomukadzi wababa ake wakafukura upunu hwababa ake; ngegwinyiso veshe vairi vanozourawa; ngazi yavo inozoa padera pavo.

Revhi 20:9

Ngokuti munhu weshe unozotuka baba ake nokuti mai ake ngechakwadi unozourawa; uwo unozotuka baba ake nokuti mai ake, ngazi yake inozoa padera pake.

Mateu 24:17

Naye uri padera pechachungu chemhatso, asadzaka kutora zviro zviri mumhatso yake.

Zvak. 18:6

Vakati vaphikisa nokumutuka, iye wakaguwa bukuta kubva pane zvokusimira zvake, akati kwavari, “Ngazi yenyu ngaigare padera pemasoro enyu! Andina ndaa inini. Kubvira zvino ndinozoenda kune vemadzinza.”

Zvak. 20:26

Ndizvo ndinopupura kwomuri ngeiri zuva kuti ndakachena kune ngazi yenyu yeshe,

Zvak. 27:31

Phauri wakati kunenduna yezana nokuvarwi, “Ngapabanze pokuti ava vagare mungarava, amungaponi.”

Vafiripi 3:9

ndioneke mwaari ndisina kururama kuri kwangu, kunobva muMupango, asi ukwo kunouya kubudikidza ngokugonda munaKristu, kururama kunobva kunaMwari ngokugonda.

Vahebheru 10:29

Kuororwa kwakapindisisa kushata kwakaitawani kukura kunozoitwa kuneuwo wakatsikatsika pashi petsoka Mukororo waMwari, akaerenga ngazi yechitenderano, yaakacheneswa ndiyo, kuti chiro chisina shwiro, akaita ngokushoora Mweya wenyasha?

Josh. 2:12

Ndizvo zvino ndinomupota, pikai kwendiri ndi Mambo Mwari, mwechiona kuti ndamuitira nyasha, kuti nemwi munozopangidzira nyasha kunevemhatso yababa angu, mundipe chioniso chinegwinyiso,

Josh. 2:14

Vamuna avo vakamupingura vechiti, “Tinozofa isusu kuti imwimwi mupone, kudai musikazodudziri uyu mushando wedu. Naapo kunozoitika apo Mambo Mwari paanozopa nyika kwetiri ngegwinyiso tinozokuitira nyasha.”

Josh. 2:20

Asi kudai wechizodudzira uyu mushando wedu, naapo tinozosunhurwa kubva kumhiko iyi yewakatipikisa kwouri.”