Josh. 2:11 - Bhaibheri Rakachena muChindau

¹¹ Paripo tazwa izvi mwoyo yedu yakapera simba, akuzi kusara nokushinga mukati mwomunhu nokuti ngouri, ngendaa yenyu. Mambo Mwari, Mwari wenyu ngegwinyiso ndiye Mwari womudenga padera nomunyika nepashi.

Josh. 2:11 Iomraidhean Croise

1 Madzi. 8:60

kuitira kuti vanhu veshe venyika vazie kuti Mambo Mwari ndiMwari, akunazve umweni.

2 Madzi. 5:15

Wakahwirira kunomunhu waMwari, iye nevanhu vake; wakaguma, akaema pamberi pake echiti, “Ringira, zvino ndinozia kuti akuna Mwari umweni munyika dzeshe, asi muIsuraeri mwega; ndizvo zvino ndinokupota kuti uashire chipo chomuranda wako.”

Neh. 6:16

Naapo magaa edu eshe azwa ndizvo, madzinza eshe akatitendenedza vakatyiswa, vakapera simba kakurutu mukuona kwavo; ngokuti vakaona kuti uyu mushando wakaitwa ngokudetserwa ndiMwari wedu.

Esita 8:17

Munyika imwe ngaimwe nomudhorobha rimwe ngarimwe, apo peshe perakaguma izwi romupango wamambo, vaJudha vaiya nokudakara nokudakadzwa, nedhiri, nokuane zuva rokuzorora. Ndizvo vazhinji vevanhu venyika vakadziita vaJudha, ngokuti kutyisa kwevaJudha kwakavagumira.

Nduyo 102:15

Madzinza anozotya zina raMambo Mwari, nemadzimambo eshe enyika anozotya mbiri yako.

Nduyo 22:14

Ndinodururwa kudai ngemvura, nemagodo angu eshe arungunuka; mwoyo wangu wakadai ngemhura; unonyunguruka mukati mwangu.

Nduyo 58:7

Ngavapwe kudai ngemvura inopopoma; kudai ngemwenje ngavatsikwetsikwe pashi vaome.

Nduyo 83:18

Ngavazie kuti iwewe wega, zina rako ndiMambo Mwari, Uripadera-pezveshe munyika yeshe. KuneMutungamiriri woKuemba. Nduyo yevakororo vaKhora.

EKISEDHUSI 15:14

Vanhu vazwa, vanohuta; maharura avabata vanogara Firistia.

EKISEDHUSI 15:15

Zvino madzimambo veEdhomu vashamiswa; ngwazi dzeMoabhi dzinobatwa ngokuhuta; veshe vagari veKhenani vanyunguruka.

Isa. 13:7

Ndizvo nyara dzeshe dzinozotama simba, nomwoyo weshe womunhu unozonyunguruka.

Isa. 19:1

Izwi guru ngendaa yeEgipite. Ringirai, Mambo Mwari unogadha padera pegore rinohambisa, naye unouya Egipite; miedzaniso yokudira yeEgipite inozohuta ngokuapo kwake, nemwoyo yevaEgipite inozonyunguruka mukati mwavo.

Ezek. 21:15

Ndizvo mwoyo inonyunguruka nevazhinji vanopumhunwa. Pamisiwo yavo yeshe ndaemesa ndau yeshoti. A! Yakaitirwa kupenya kudai ngemheni, yakangwizirwa kuti iuraye.

Nah. 2:10

Arichina chiro, rapererwa, raitwa dongo raparadzwa! Mwoyo inonyunguruka nemabvi anohuta, zviunu zveshe zvinogedageda, hope dzeveshe dzarwarwauka.

Dhuto. 1:28

Tinoenda kuri? Ngokuti hama dzedu dzatyisidzira mwoyo yedu, dzechiti, “Vanhu variyo magakanyara nokureba kupinda isisu; madhorobha makuru, akashosherwa ngemarukumbati akaguma mudenga! Takaona apo vakororo vaAnaki.”

Dhuto. 20:8

Vatungamiriri vanozoereketa kuvanhu vechiti, “Uripo here munhu unotya nomwoyo wake unemaharura? Ngaapetukezve ahwirire kumhatso yake, kuti mwoyo wehama dzake dzisazopera simba kudai ngomwoyo wake.”

Dhuto. 4:39

Ndizvo, ziai nyamashi, mupinimidze mumwoyo mwenyu, kuti Mambo Mwari ndiMwari mudenga padera nomunyika pashi; akunazve umweni.

Josh. 14:8

Asi hama dzangu dzakaenda neni dzakaita kuti mwoyo yevanhu ipere simba: asi inini ndakateera yaamho Mambo Mwari, Mwari wangu.

Josh. 2:24

Navo vakati kunaJoshua, “Ngegwinyiso Mambo Mwari wapa nyika yeshe munyara dzedu; zve, vagari veshe venyika vanopera simba ngokutya pamberi pedu.”

Josh. 5:1

Naapo madzimambo eshe evaAmori vaiya ruseri rweJorodhani ngokumabirira, nemadzimambo eshe eKhenani, vaiya ngokuruandhle, apo pevakazwa kuti Mambo Mwari wakaomesa mvura yeJorodhani pamberi pevaIsuraeri metsa taiya taambuka, mwoyo yavo yakapera simba, zve, kwaiya kusichina mweya wokushinga kwavari, ngendaa yevana vaIsuraeri.

Josh. 7:5

Nevamuna veAi vakauraya vanhu avo makumi matatu navatanhatu, ngokuti vakavarumbirira kubva pamberi pemusiwo metsa kuguma Shebharimu, nokuvauraya pamudzaswa. Ndizvo mwoyo yevanhu yakapera simba, yakaita kudai ngemvura.

Josh. 9:24

Vakapingura Joshua vechiti, “Ngokuti ngegwinyiso kwakaronzerwa kuvaranda vako kuti Mambo Mwari, Mwari wako wakapanga Mosi muranda wake kuti unozomupa nyika yeshe, nokuuraya vagari vayo veshe kubva pamberi penyu; ndizvo ngokudaro taiya nokutya kukurutu ngendaa yokupona kwedu ngepamsoro penyu, ndizvo takaita ichi chiro.

Chakapangijihwa 6:16

vechidaidzira kumitunhu nokumapuwe vechiti, “Tiwirenyi, mutifishe kubva kuhope youwo unogara pachigaro choumambo nokubva kuushungu hweGwai;