Josh. 2:1 - Bhaibheri Rakachena muChindau

¹ NaJoshua mukororo waNuni wakatuma vairi kubva Shitimu, kuenda koonengera ngokufishika echiti, “Endai, mwodongorera nyika, kakurutu Jerikho.” Ndizvo vakaenda, vakaguma kumhatso yechifebi, zina racho raiya Rahabhi, navo vakaatapo.

Josh. 2:1 Iomraidhean Croise

Gen. 42:16

Tumai umwe wenyu, atore munun'una wenyu, nemwi munozosungwa kuti mazwi enyu aedzwe, kuti aoneke kuti muri vegwinyiso; kuti kusikazi kudaro, ngokupona kwaFaro ngegwinyiso muri vanengeri.”

Gen. 42:9

Josefa wakakarakadza hope dzaakarota ndivo; akati kwavari, “Muri vanengeri; mwauya koona pakarembedzeka nyika.”

Mik. 6:5

O vanhu vangu, karakadzai zvino chaakaronga Bharaki mambo weMoabhi, chiinyi chaakapingura kwaari Bharamu mukororo waBheo, chiinyi chakaitika kubva Shitimu kuguma Girigari, kuti muzie zviito zvinoponesa zvaMambo Mwari.”

Zvi. 13:1

NaMambo Mwari wakaereketa kunaMosi echiti,

Zvi. 13:2

“Tuma vanhu, kuti vaende koonengera nyika yeKhenani, yendinopa vana vaIsuraeri: kubva kudzinza rimwe ngarimwe remadzibaba avo unozotuma munhu umwe, munhu weshe uri nduna pakati pavo.”

Zvi. 25:1

Naapo vaIsuraeri vakagara Shitimu, vanhu vakatanga kuita mhombo nevasikana veMoabhi.

Zvi. 33:49

Vakaemesa matende avo paJorodhani, kubvira Bhethijeshimothi metsa kuguma Abherishitimu mumarukaro eMoabhi.

Mateu 1:5

naSarimoni wakabara Bhoazi ndiRahabhi, naBhoazi wakabara Obhedhi ndiRute, naObhedhi wakabara Jesi,

Mateu 10:16

“Ringirai, ndinomutuma kudai ngemakwai mukati mwemathika. Ndizvo mwechingwara kudai ngenyoka, mwakapfaa kudai ngenjia.

Vaefesu 5:5

Muwe negwinyiso reizvi, kuti akuna muombi nokuti munhu wakasvipiswa nokuti unoemura (kuronza kuti mudiri wemiedzaniso), unodya nhaka muumambo hwaKristu nohwaMwari.

Vahebheru 11:31

Ngokugonda Rahabhi chifebi aazi kufa pamwepo naavo vaiya vasikapurutani, ngokuti waiya aashira vadongoreri ngokunyarara.

Jakobe 2:25

Ngokudaro, Rahabhi chifebi aazi kupembedzwa here ngemishando, apo paakaashira vatumwa nokuvatizisa ngenjira imweni?

Josh. 1:18

Kunyazwi ndiani unozomukira mipango yako, asikapurutani mazwi ako eshe ounomupanga, unozourawa. Kwega ita wakagwinya, ushinge.”

Josh. 2:2

Mambo weJerikho akaronzerwa kwechizwi, “Penya, vaIsuraeri vamweni vaguma muno usiku uhwu, kunengera nyika.”

Josh. 21:31

Herikathi nembusho yaro naRehobhi nembusho yaro, madhorobha marongomuna.

Josh. 3:1

Joshua wakamuka mangwanani maishi; wakathutha nevaIsuraeri veshe kubva Shitimu, vakaguma Jorodhani. Vakagarapo vasati vaambuka.

Josh. 5:10

Naapo vaIsuraeri vakaemesa matende avo muGirigari, vakangwarira Phasika madeekoni ngezuva rechigumi namarongomuna romwedzi, vari mumabani eJerikho.

Vato. 1:23

Vemhatso yaJosefa vakatuma vanengeri koonengera Bhetheri (zina redhorobha iro ngekaretu raizwi Ruzi.)

Vato. 18:14

Zvino vakapingura avo vamuna vashanu vaiya vakaenda koonengera nyika yeRaishi, vakati kuhama dzavo, “Amuzii here kuti riripo muidzi mhatso efodhi, neterafimu, nomuedzaniso wakatsetswa nowakaumbwa? Ndizvo zvino pinimidzai kuti chiinyi chomungazoita.”

Vato. 18:17

Vamuna vashanu vaiya vakaenda koonengera nyika vakapotera apo, vakatora muedzaniso wakatsetswa, neefodhi, neterafimu, nomuedzaniso wakaumbwa; nomupristi wakaenda pokupotera pamusiwo pamwepo nevamuna mazana matanhatu (600) vaiya vakapakatira nhumbi dzokurwa.

Vato. 18:2

Ndizvo vana vaDhani vakatuma vanhu vashanu vedzinza ravo kubva kumigano yavo, vamuna vanoshinga, kubva Zora nokubva Eshitaori, kuti vanengere nyika nokuiona; vakati kwavari, “Endai munengere nyika.” Naapo vaguma kunyika yemitunhu yeEfuremu, kumhatso yaMikha, vakaata apo.