Josh. 18:28 - Bhaibheri Rakachena muChindau

²⁸ Zera, Haerefu, Jebhusi, (ndiro Jerusarema,) Gibhea, naKiriathi; madhorobha ari gumi namarongomuna nemaguta awo. Iyi ndiyo nhaka yenyika yavana vaBhenjamini kudai ngokuteererana kwemhuri dzavo.

Josh. 18:28 Iomraidhean Croise

2 Sam. 21:14

Vakatsira magodo aSauri naaJonathani mukororo wake munyika yaBhenjamini muZera, muiba raKishi baba ake; vakaita zveshe zvevakapangwa ndimambo. Ngesure kweizvo Mwari wakaitira nyasha nyika.

2 Sam. 23:29

Herebhi mukororo waBhaana, munhu weNetofa, Ithai mukororo waRibhai, uwo wakabva Gibhea, wevana vaBhenjamini,

2 Sam. 5:6

Mambo nevanhu vake vakaenda Jerusarema koorwa nevaJebhusi, vaigara munyikamwo, avo vakaereketa kunaDhavhidha vechiti, “Auzopindi muno, kunyazwi mapofu nezvirema vanozokupetudza sure,” vechipinimidza kuti Dhavhidha aana simba rokupindamwo.

2 Sam. 5:8

Dhavhidha wakati ngeiro zuva, “Kunyazwi ndiani unouraya vaJebhusi, ngaakwire ngomugero wemvura auraye zvirema nemapofu, avo vanonyenywa ndiDhavhidha.” Ndizvo vanoti, “Mapofu nezvirema avazopindi mumhatso.”

1 MaKro. 8:28

Ava vaiya vakuru vemhatso yemadzibaba avo, mumibarirwana yavo, vaiya madzimambo. Ava vaigara muJerusarema.

Isa. 10:29

vadarika mukana wakamanikana, paGebha vakaatapo usiku; Rama rinohuta; Gibhea raSauri ratiza.

Jer. 6:1

Tizai kuti mupone, O vana vaBhenjamini, kubva pakati peJerusarema! Muridze gwama muThekoa, mwechiemesa mujeki muBhethi-hakheremu; ngokuti kushata kunouya kubva dera, nokuparadzwa kukuru.

Hos. 10:9

Kubvira pamazuva aGibhea wakashaisha, O Isuraeri; apo vakaangira. Hondo aizovanyisi here muGibhea?

Zvi. 26:38

Mibarirwana yaBhenjamini kudai ngokuteererana kwemadzinza avo: kubva kunaBhera kwakabva dzinza revaBhera; kubva kunaAshibheri kwakabva dzinza revaAshibheri; kubva kunaAhiramu kwakabva dzinza revaAhiramu;

Zvi. 26:54

Kunedzinza guru unozovapa nhaka huru, nokunedzinza doko unozovapa nhaka doko; dzinza rimwe ngarimwe rinozopuwa nhaka yaro kudai ngouwandu hweavo vakaerengwa.

Zvi. 33:54

Munozokoanisa nyika ngemabhigidha kuita nhaka pakati pemadzinza enyu; kunedzinza guru munozopa nhaka huru, kunedzinza doko munozopa nhaka doko; nhaka yomunhu weshe inozoapo pandau yaanobata mabhigidha; kudai ngokuteererana kwemadzinza emadzibaba enyu munozogara nhaka dzenyu.

Josh. 15:63

Asi ngendaa yemaJebhusi vagari veJerusarema, vanhu vaJudha avazi kukona kuvadzinga; ndizvo vaJebhusi vanogara muJerusarema nevana vaJudha metsa nanyamashi.

Josh. 15:8

Zvino mugano waidarika kuenda ngepasinde pebani romukororo waHinomu metsa kurutii rwokubani rwevaJebhusi; (ndiro Jerusarema); nomugano waidarika kukwira kuenda dera kwomutunhu uri pamberi pebani raHinomu ngokumabirirazuva, uri ngokumagumo kwebani reRefaimu ngokurutii rwedera.

Josh. 18:16

Zvino mugano unodzaka kuenda kumugano womutunhu uri pamberi pebani romukororo waHinomu, uwo uri mubani reRefaimu ngorutii rwedera, nawo unodarika kudzaka kubani raHinomu, ngokurutii rwevaJebhusi ngokubani, wechidzaka kudarika kuenda Enirogeri.

Josh. 18:27

Rekemu, Iripeeri, Tarara,

Josh. 19:1

Chikoaniswa chechipiri chakaitwa ngemabhigidha chakapuwa kunaSimeoni, dzinza revana vaSimeoni, kudai ngokuteererana kwemhuri dzavo; nenhaka yenyika yavo yaiya pakati penhaka yenyika yevana vaJudha.

Vato. 1:21

Asi vaBhenjamini avazi kudzinga vaJebhusi avo vaigara muJerusarema; ndizvo vaJebhusi vanogara pakati pevana vaBhenjamini metsa nanyamashi.

Vato. 19:10

Asi munhu aazi kutenda kuata apo uhwo usiku; wakamiruka akaenda, akaguma apo pakaringirana neJebhusi, (iro ndiro Jerusarema.) Waiya anazvo zvimbongoro zviiri zvakasungirwa, nebunha rake naro raiya naye.

1 Sam. 10:26

Sauri wakaendawo kanyi kwake muGibhea; chakaenda naye chiunga chevanhu chaiya nomwoyo yaakagwama Mwari.