Josh. 18:12 - Bhaibheri Rakachena muChindau

¹² Mugano wavo ngorutii rwedera waibvira Jorodhani; wechikwira ngorutii rwedera rweJerikho, nawo wakadarika kupotya mitunhu ngokumabirirazuva; nokubuda kwokuguma kwawo kwaiya kweshango reBhethiavheni.

Josh. 18:12 Iomraidhean Croise

Hos. 10:5

Vagari vomuSamaria vanohuta ngendaa yemakonyana eBhethiavheni. Vanhu varo vanozobonda ngendaa yaro, nevapristi vemiedzaniso vanozochema, avo vakadakara ngendaa youthende hwaro, hwakabva kweriri.

Hos. 4:15

Kunyazwi wechihura, O Isuraeri, usatendera kuti Judha ashaishe. Usapotera Girigari, nokuti usakwira Bhethiavheni, nokuti kupika kuti, “Kudai ngezvaanopona Mambo Mwari.”

Hos. 5:8

Ridzai runyanga muGibhea, negwama muRama. Ridzai mhere kuBhethiavheni, ringira sure kwako, Bhenjamini.

Josh. 16:1

Nyika yevakakoanisirwa ngemabhigidha vana vaJosefa vakapuwa kubvira Jorodhani ngepasinde peJerikho ngepamvura yeJerikho ngokumabvazuva, kuguma mushango rinokwira kubva Jerikho kuenda kumutunhu Bhetheri;

Josh. 18:11

Chikoaniswa chenhaka yedzinza raBhenjamini chakagurwa kudai ngokuteererana kwemhuri dzavo, nenyika yechikoaniswa chenhaka yavo yaiya ngepakati pevana vaJudha nevaJosefa.

Josh. 2:1

NaJoshua mukororo waNuni wakatuma vairi kubva Shitimu, kuenda koonengera ngokufishika echiti, “Endai, mwodongorera nyika, kakurutu Jerikho.” Ndizvo vakaenda, vakaguma kumhatso yechifebi, zina racho raiya Rahabhi, navo vakaatapo.

Josh. 3:16

mvura yaibva ngedera yakaema yechikwira kuita rukumbati kuzadza kuguma kuretu, kuguma kudhorobha Adhamu, riri pasinde naZarethani; neiyo yaidzaka kubani, kuenda kuruandhle rweArabha, Ruandhle Rwakafa, yakapera, yakagurwa yeshe. Vanhu vakaambuka vakaringirana neJerikho.

Josh. 6:1

Zvino Jerikho raiya rakakonywa kweshe mukati nokubanze ngendaa yevaIsuraeri; akuna munhu waibuda kubvamwo, nokuti waipoteremwo.

Josh. 7:2

Joshua wakatuma vanhu kubva Jerikho kuenda Ai, iro riri pasinde peBhethiavheni, ngokumabvazuva kweBhetheri, naye wakaereketa kwavari echiti, “Kwirai muende koonengera nyika.” Nevanhu vakakwira koonengera Ai.

Josh. 8:15

Joshua navaIsuraeri veshe vakaita kunga vanyiswa pamberi pavo, vakatiza ngenjira yomushango.

1 Sam. 13:5

VaFiristia vakadziunganidza kurwa nevaIsuraeri, makumi matatu emakumi emazana (30,000) engoro, makumi emazana matanhatu (6,000) evagadhi vemahachi, nevanhu vehondo vakawanda kudai ngejecha remahumbikumbi yoruandhle. Vakakwira, vakaaka matende muMikhimashi kumabvazuva kweBhethiavheni.