Josh. 18:10 - Bhaibheri Rakachena muChindau

¹⁰ naJoshua wakaita mabhigidha muShiro pamberi paMambo Mwari; naapo Joshua wakakoanisa nyika kunevaIsuraeri kudai ngokuteererana kwemadzinza avo.

Josh. 18:10 Iomraidhean Croise

1 MaKro. 24:5

Vakavaronga ngokuita mabhigidha ngokuedzanisa, ngokuti vaiyapo vakuru vendau yakachena, nevakuru vemhatso yaMwari, pakati pavo veshe vakororo vaEreaza, nevevakororo vaIthama.

Neh. 11:1

Zvino vatungamiriri vevanhu vaigara muJerusarema; nevamweni vevanhu vakaita mabhigidha, kuti vatsanangure munhu umwe kubva pakati pegumi rimwe ngarimwe kuti agare muJerusarema dhorobha rakachena, naapo vapfumbamwe vepamakumi varambe vakagara kumadhorobha amweni.

Nduyo 47:4

Wakatitsanangurira nhaka yedu, unaku hwaJakobe uwo waanoda.

Nduyo 61:5

Ngokuti iwewe, A Mwari, wakazwa mhiko dzangu, iwewe wandipa nhaka yeavo vanotya zina rako.

Mazwi 18:18

Kuita mabhigidha kunopedza hasha, anoparadzanisa pakati pevanesimba vanophikisana.

Jer. 7:12

“Endai zvino kundau yangu yaiya muShiro, apo pendakaemesa zina rangu kuti rigare pakutanga, muone zvendakaita kweiri ngendaa yokushata kwevanhu vangu Isuraeri.

Ezek. 47:22

Munozoita mabhigidha kuikoanisa pakati penyu kuita nhaka yenyu, nokuvapara vanogara pakati penyu, vane vana vari pakati penyu. Vanozoita kwomuri kudai ngeavo vakabarwa munyika ngevanhu vaIsuraeri; nemwi vanozoita mabhigidha enhaka pakati pedzinza raIsuraeri.

Ezek. 48:29

“Iyi ndiyo nyika yomunozokoanisirana ngokuita mabhigidha kuita nhaka pakati pemadzinza aIsuraeri, neizvi ndizvo zvikoaniswa zvawo,” unoronza Mambo Mwari.

Mik. 2:5

Ndizvo akuzoapo naumwe unokandira bote rokupima ngokuita mabhigidha mumushongano waMambo Mwari.

Zvi. 34:16

Mambo Mwari wakaereketa kunaMosi echiti,

Mateu 27:35

Naapo vaiya vamukohomera, vakakoanisana zvokufuka zvake, vechiita mabhigidha.

Johani 17:2

kudai ngezvemwakamupa simba padera penyama yeshe, kuti avape kupona kusikaperi avo veshe vemwakamupa.

Zvak. 13:19

Naapo aparadza madzinza manomwe aigara munyika yeKhenani, wakavakoanisira nyika yavo kuita nhaka.

Zvak. 26:18

kubeura madziso avo nokuvatenderudza kuti vabve muchidima, vapotere mukujeka, nokubva kusimba raSathani kuuya kunaMwari, kuti vaashire kukungurirwa kwezvishaishi, kuti vagare nhaka mukati mweavo vakacheneswa ngokugonda kwendiri.’

Vakorose 1:12

mwechibonga kunaBaba, uwo wakamuita vanosisira kukoanisirwa nhaka yevakacheneswa mukujeka.

Josh. 14:2

Nhaka yavo yakakoanisirwa ngemabhigidha, kudai ngezvaakapanga Mambo Mwari ngenyara yaMosi, kunemadzinza ari mapfumbamwe norupande rwedzinza raManase.

Josh. 14:5

VaIsuraeri vakaita kudai ngezvaakapanga Mambo Mwari kunaMosi, vakakoanisa nyika.

Josh. 18:11

Chikoaniswa chenhaka yedzinza raBhenjamini chakagurwa kudai ngokuteererana kwemhuri dzavo, nenyika yechikoaniswa chenhaka yavo yaiya ngepakati pevana vaJudha nevaJosefa.

Josh. 18:6

Ndizvo munozoguragura nyika kuita marupande manomwe, muuye muronze magurire acho kwendiri, kuti ndinozomuitira mabhigidha pamberi paMambo Mwari, Mwari wedu.

Josh. 18:8

Ndizvo vamuna vakamiruka vakaenda; naJoshua wakapanga avo vakaenda koona migano yenyika echiti, “Endai muhambe ngomunyika, munyore mamiriro enyika, muuyezve kwendiri, kuti ndimuitire mabhigidha pamberi paMambo Mwari muShiro.”

Josh. 18:9

Ndizvo vamuna vakaenda, vakahamba ngomunyika, vakaiguragura ngemadhorobha kuita zvikoaniswa zvinomwe, nokuzvinyora mubhuku; vakauyazve kunaJoshua kunembungano muShiro,

Josh. 19:51

Iyi ndiyo nhaka yenyika yaakakoanisira Ereaza mupristi naJoshua mukororo waNuni, nevakuru vemhuri dzemadzinza evaIsuraeri kuita nhaka ngemabhigidha vari muShiro pamberi paMambo Mwari, pamusiwo wetende romushongano. Ndizvo vakapedza kukoanisa nyika.

Josh. 23:4

Ndakamukoanisira ngokuita mabhigidha eshe aya madzinza asara, kuti aite nhaka yemadzinza enyu, kubvira Jorodhani, pamwepo nemadzinza eshe endakaparadza, metsa kuguma kuruandhle rukuru ngokumabirirazuva.