Josh. 18:1 - Bhaibheri Rakachena muChindau

¹ Zvino mbungano yeshe yevaIsuraeri yakaungana muShiro, vakaemesa tende romushongano apo. Nyika yakanyiswa yaiya pamberi pavo.

Josh. 18:1 Iomraidhean Croise

2 Sam. 7:6

Inini andizi kumbogara mumhatso kubvira pazuva rendakakwidza vana vaIsuraeri kubva Egipite metsa nanyamashi, asi ndaihamba ndiri mutende nomuthabhenakeri.’

1 Madzi. 14:2

Jerobhoamu wakati kunomukadzi wake, “Miruka, ndapota, udziitise kuti usaziikanwa kuti uri mukadzi waJerobhoamu, uende Shiro; ringira uripo Ahija muprofeti uwo wakandironzera kuti ndinozoita mambo padera peava vanhu.

1 Madzi. 14:4

Mukadzi waJerobhoamu wakaita kudaro, akamiruka, akaenda Shiro kumhatso yaAhija. Zvino Ahija waiya asikachaoni, ngokuti madziso ake aiya oita rubuma ngendaa yousharuka hwake.

1 Madzi. 2:27

Ndizvo Soromoni wakadzinga Abhiatha kuti asachaita mupristi kunaMambo Mwari, kuti rizarisike izwi raMambo Mwari raakaereketa ngendaa yemhatso yaEri muShiro.

Neh. 9:24

Ndizvo mibarirwana yakapoteramwo ikagara nhaka yenyika, newe wakanyisa vagari vomunyika iyo pamberi pavo, vaKhenani, wakavapira munyara dzavo, pamwepo nemadzimambo avo nevanhu venyika, kuti vaite kwevari kudai ngezvevaida.

Nduyo 78:60

Wakasiya ugaro hwake paShiro, tende iro raaigara pakati pevanhu,

Nduyo 78:66

Wakaita kuti magaa ake atize; wakaaisa mukutsverudzwa kusikaperi.

Jer. 26:6

zvino ndinozoita kuti mhatso iyi idai ngeShiro, neni ndinozoita kuti dhorobha iri riite chituko kumadzinza eshe enyika.’ ”

Jer. 26:9

Waprofeta ngenyi ngezina raMambo Mwari wechiti, ‘Mhatso iyi inozodai ngeShiro, nedhorobha iri rinozoita dongo risikazogarwi?’ ” Nevanhu veshe vakaungana kurwisa Jeremia mumhatso yaMambo Mwari.

Jer. 41:5

vanhu makumi masere vakauya vechibva Shekhemu, Shiro neSamaria, nezvirebvu zvavo zvakaparwa nezvokufuka zvavo zvakabaurwa, miiri yavo yakachekwa, vanemidiro yezviyo nemitombo inegwema munyara dzavo, kuti vazviunze kumhatso yaMambo Mwari.

Zvi. 32:22

nenyika yanyiswa pamberi paMambo Mwari, zvino ngesure kwazvo munozopetuka, muite vasina ndaa pamberi paMambo Mwari nepamberi pevaIsuraeri; neiyi nyika inozoita nhaka yenyu pamberi paMambo Mwari.

Zvak. 7:45

Iro rakaashirwa ngemadzibaba edu vakapotera naro naJoshua, apo pevakapotera kugara nhaka yevemadzinza, aakadzinga Mwari kubva pamberi pehope dzemadzibaba edu. Naro rakaapo metsa kuguma kumazuva aDhavhidha,

Josh. 18:2

Kwakasara pakati peIsuraeri madzinza manomwe vaiya vasati vaashira chikoaniswa chenhaka yavo.

Josh. 18:8

Ndizvo vamuna vakamiruka vakaenda; naJoshua wakapanga avo vakaenda koona migano yenyika echiti, “Endai muhambe ngomunyika, munyore mamiriro enyika, muuyezve kwendiri, kuti ndimuitire mabhigidha pamberi paMambo Mwari muShiro.”

Josh. 19:51

Iyi ndiyo nhaka yenyika yaakakoanisira Ereaza mupristi naJoshua mukororo waNuni, nevakuru vemhuri dzemadzinza evaIsuraeri kuita nhaka ngemabhigidha vari muShiro pamberi paMambo Mwari, pamusiwo wetende romushongano. Ndizvo vakapedza kukoanisa nyika.

Josh. 21:2

Vakaereketa kwavari muShiro munyika yeKhenani vechiti, “Mambo Mwari wakapanga kubudikidza ndiMosi kuti tipuwe madhorobha okuti tigaremwo, pamwepo nembusho dzawo yezvifuyo zvedu.”

Josh. 22:12

Naapo vaIsuraeri vazvizwa, mbungano yeshe yevaIsuraeri vakaunganidzana pamwepo muShiro, kuti vaende koorwa navo.

Josh. 22:19

Kunyazwi zvakanyadaro kudai nyika yenyu yakasvipiswa, ambukai muuye kunyika yaMambo Mwari, apo perinogara thabhenakeri raMambo Mwari, muashire nhaka yenyika pakati pedu: asi musamukira Mambo Mwari, nokuti kumukira isusu, ngokuaka arita ngepabanze pearita raMambo Mwari, Mwari wedu.

Josh. 22:9

Ndizvo vaRubheni nevaGadhi, norupande rwedzinza raManase vakahwirira kubva kuvaIsuraeri muShiro, riri munyika yeKhenani kuenda munyika yeGireadhi, kunyika yenhaka yavo yevakapuwa, kudai ngokupanga kwaMambo Mwari kubudikidza ndiMosi.

Vato. 18:31

Ndizvo vakaemesa muedzaniso wakatsetswa waMikha, waakanasira, mukuwo weshe wemhatso yaMwari yaiya muShiro.

Vato. 21:12

Navo vakaona pakati pevagari veJabheshigireadhi mhandara mazana marongomuna (400), dzisikazi kuatana nomwamuna, navo vakadziunza kukamba kuShiro, munyika yeKhenani.

Vato. 21:19

Ndizvo vakati, “Ringira, uripo mushongano wokudya muShiro gore ngegore mundau iri ngedera kweBhetheri, ngokumabvazuva kwepato rinokwira kubva Bhetheri kuenda Shekhemu, ngokubani kweRebhona.”

1 Sam. 1:24

Naapo amurumura, wakamutora, akakwira naye, nomukono unemakore matatu, nemakhirogramu gumi oufu, nenyede yevhini. Akamuunza Shiro, kumhatso yaMambo Mwari; nomwana waiya achimudoko.

1 Sam. 1:3

Zvino munhu uyu waibva mudhorobha rake kuenda Shiro koodira nokupira midiro kunaMambo Mwari wehondo gore ngegore, apo vakororo vairi vaEri Hofini naFinehasi vaiya vapristi vaMambo Mwari.