Josh. 15:8 - Bhaibheri Rakachena muChindau

⁸ Zvino mugano waidarika kuenda ngepasinde pebani romukororo waHinomu metsa kurutii rwokubani rwevaJebhusi; (ndiro Jerusarema); nomugano waidarika kukwira kuenda dera kwomutunhu uri pamberi pebani raHinomu ngokumabirirazuva, uri ngokumagumo kwebani reRefaimu ngokurutii rwedera.

Josh. 15:8 Iomraidhean Croise

2 Sam. 5:18

Zvino vaFiristia vakauya, vakapararira mubani reRefaimu.

2 Sam. 5:22

VaFiristia vakakwirazve, vakapararira mubani reRefaimu.

2 Madzi. 23:10

Wakasvipisa Thofethi riri mubani reBhenihinomu, kuti kusazoapo naumwe ungazoita kuti mukororo wake nokuti mwanasikana wake apinde kupotya muriro kuita mudiro kunaMorekhi.

1 MaKro. 11:4

Dhavhidha nevaIsuraeri veshe vakahamba kuenda Jerusarema, ndiro Jebhusi, nyika yevaJebhusi ndimwo mwevaigara.

2 MaKro. 28:3

wakapira midiro mubani romukororo waHinomu, wakaita kuti vakororo vake vaphotye muriro, kudai ngezvainyangadza zvaiitwa ngevemadzinza avo vaakadzinga Mambo Mwari kubva pamberi pevanhu vaIsuraeri.

Neh. 11:30

Zanoa, Adhuramu nemaguta awo, Rakhishi neminda yawo, naAzeka nemaguta awo. Ndizvo vakagara kubvira Bheerishebha metsa kuguma mubani reHinomu.

Isa. 17:5

Nokudai ngaapo mucheki paanounganidza zviyo zvakaema, nomuoko wake unocheka mitsonzoti, nokudai ngaapo umwe echiunganidza zviyo mubani reRefaimu.

Jer. 19:14

Naapo Jeremia auya kubva Tofethi, kwaakatumwa ndiMambo Mwari kuti aprofete, wakaema paruwanze rwemhatso yaMambo Mwari; akati kuvanhu veshe:

Jer. 19:2

enda mubani romukororo waHinomu, pasinde poMusiwo wePotisherdhi, apapo uteketese mazwi endinokuronzera.

Jer. 19:6

Ndizvo, ringira ngegwinyiso, mazuva anouya, unoronza Mambo Mwari, apo iyi ndau isikachazodaidzwi kuti, Thofethi, nokuti bani romukororo waHinomu, asi Bani roKuuraira.

Josh. 15:63

Asi ngendaa yemaJebhusi vagari veJerusarema, vanhu vaJudha avazi kukona kuvadzinga; ndizvo vaJebhusi vanogara muJerusarema nevana vaJudha metsa nanyamashi.

Josh. 18:16

Zvino mugano unodzaka kuenda kumugano womutunhu uri pamberi pebani romukororo waHinomu, uwo uri mubani reRefaimu ngorutii rwedera, nawo unodarika kudzaka kubani raHinomu, ngokurutii rwevaJebhusi ngokubani, wechidzaka kudarika kuenda Enirogeri.

Josh. 18:28

Zera, Haerefu, Jebhusi, (ndiro Jerusarema,) Gibhea, naKiriathi; madhorobha ari gumi namarongomuna nemaguta awo. Iyi ndiyo nhaka yenyika yavana vaBhenjamini kudai ngokuteererana kwemhuri dzavo.

Vato. 1:21

Asi vaBhenjamini avazi kudzinga vaJebhusi avo vaigara muJerusarema; ndizvo vaJebhusi vanogara pakati pevana vaBhenjamini metsa nanyamashi.

Vato. 1:8

Zvino vanhu vaJudha vakarwa naJerusarema navo vakaritora, vakaribaya ngokupinza kweshoti, nokuripisha ngomuriro.

Vato. 19:10

Asi munhu aazi kutenda kuata apo uhwo usiku; wakamiruka akaenda, akaguma apo pakaringirana neJebhusi, (iro ndiro Jerusarema.) Waiya anazvo zvimbongoro zviiri zvakasungirwa, nebunha rake naro raiya naye.