Josh. 15:11 - Bhaibheri Rakachena muChindau

¹¹ Nomugano wakadarika kuenda ngokurutii rwedera rweEkironi, nomugano wakamonerera kuenda Shikeroni, nokudarika kuteera kuenda kuMutunhu Bhaara, nokudarika kuenda Jabhineeri; zvino magumo omuganu aiya ruandhle.

Josh. 15:11 Iomraidhean Croise

2 Madzi. 1:16

naye wakati kwaari, “Unoronza izvi Mambo Mwari: Ngokuti wakatuma nhumwa koobvunza kunaBhaarizebhubhi chimwari chaEkironi, ngokuti akuna Mwari muIsuraeri here wokuti ubvunze izwi rake? Ndizvo auzodzaki kubva pamubhedhi wewakakwira kwouri, asi ngegwinyiso unozofa.”

2 Madzi. 1:6

Dzakati kwaari, “Kwakauya munhu kushongana nesu, akati kwetiri, ‘Endai muhwirire kunamambo uwo wakamutuma, muti kwaari, unoronza izvi Mambo Mwari: Ngokuti akuna Mwari muIsuraeri here, hemunotuma koobvunza kunaBhaarizebhubhi chimwari cheEkironi? Ndizvo auzodzaki kubva pamubhedhi wewakakwira kwouri, asi ngegwinyiso unozofa.’ ”

2 MaKro. 26:6

Wakabuda koorwa hondo nevaFiristia, wakapwanyira pashi rukumbati rweGathi, nerukumbati rweJabhine, norukumbati rweAshidhodhi; wakaaka madhorobha panyika yeAshidhodhi, naapo peshe pakati pevaFiristia.

Zvi. 34:6

“Mugano wokumabirirazuva unozogumira ngoRuandhle Rukuru; urwu ndirwo runozoita mugano wenyu wokumabirirazuva.

Josh. 15:10

Nomugano wakamonerera kubva Bhaara kuenda kumabirirazuva kuMutunhu Seira, kudarika kuteera kurutii rwoMutunhu Jearimu, (ndiro Khesaroni,) ngorutii rwedera, wechidzaka kuenda Bhethishemeshi, nokudarika kuenda Thimina.

Josh. 15:12

Nomugano wokumabirirazuva waiya woRuandhle Rukuru, kumahumbikumbi arwo. Uyu ndiwo mugano wenyika yevanhu vaJudha, kumarutii eshe anotendenedza kudai ngokuteererana kwemhuri dzavo.

Josh. 15:45

Ekironi, pamwepo nemadhorobha ayo nemaguta awo.

Josh. 15:9

Zvino mugano wakaenda kubvira ngepadera pomutunhu metsa kuguma kuchinyuka chemvura cheNefutoa, nokudarika kuenda kumadhorobha oMutunhu waEfroni; nomugano wakagurwa wechidarika kuenda Bhaara, (ndiro Kiriathijearimu.)

Vato. 1:18

Judha wakanyisa Gaza nenyika yaro, naAshikeroni nenyika yaro, naEkironi nenyika yaro.

1 Sam. 17:52

Vanhu vehondo yaIsuraeri nevaJudha vakamiruka, vakadaidzira, nokurumbirira vaFiristia metsa kuguma Gathi nokumisiwo yaEkironi. Naavo vakaremadzwa vevaFiristia vakawa munjira yaienda Shaaraimu, metsa kuguma Gathi naEkironi.

1 Sam. 5:10

Ndizvo vakatumira bhokisi rechitenderano chaMwari kuEkironi. Asi apo bhokisi rechitenderano chaMwari raguma Ekironi, vanhu veEkironi vakadaidzira vechiti, “Vatiunzira bhokisi rechitenderano chaMwari waIsuraeri, kutiuraya navanhu vedu.”

1 Sam. 5:8

Ndizvo vakatuma vanhu, vakaunganidza kwevari vakuru veshe vevaFiristia, vakati, “Tinozoitenyi ngebhokisi rechitenderano chaMwari waIsuraeri?” Nevakuru vakapingura vechiti, “Bhokisi rechitenderano chaMwari waIsuraeri ngaritwarwe riuye Gathi.” Ndizvo vakatwara bhokisi rechitenderano chaMwari waIsuraeri kuuya naro Gathi.

1 Sam. 7:14

Madhorobha aiya akatorwa kubva kuvaIsuraeri ngavaFiristia akahwirinzwazve kunaIsuraeri, kubvira Ekironi kugumira Gathi; vaIsuraeri vakabvuka nyika dzavo kubva kunyara dzavaFiristia. Kwakaapo kunyarara pakati pevaIsuraeri nevaAmori.