Josh. 14:12 - Bhaibheri Rakachena muChindau

¹² Ndizvo zvino ndipe uyu mutunhu, waakaereketa ndiwo Mambo Mwari ngeiro zuva; ngokuti iwewe wakazwa ngeiro zuva kuti vaAnaki vaiyapo, nokuti madhorobha aiya makuru neakashosherwa; kudai Mambo Mwari echizoa neni, naapo ndinozoa nesimba rokuvadzinga, kudai ngezvaakaronza Mambo Mwari.”

Josh. 14:12 Iomraidhean Croise

2 Madzi. 19:4

Pamweni Mambo Mwari, Mwari wako, wakazwa mazwi eshe aRabhishake, uwo wakatumwa ndimambo wake, mambo weAsiria kuti atsverudze Mwari unopona, nokurambidza mazwi aakazwa Mambo Mwari, Mwari wako; ndizvo mirudza izwi rako rokukumbira ngendaa yeavo vakasara.’ ”

2 MaKro. 14:11

Asa wakachema kunaMambo Mwari, Mwari wake, akati, “A Mambo Mwari, apana muparadzaniso kwouri pakudetsera vanesimba nevasina simba. Tidetsere, iwewe Mambo Mwari, Mwari wedu, ngokuti tinogonda kwouri, nomuzina rako tauya koorwa neiyi mbungano. A Mambo Mwari, ndiwe Mwari wedu; usatendera munhu kuti anyise padera pako.”

Nduyo 44:3

ngokuti avazi kutora nyika ngeshoti yavo, nemioko yavo aizi kuvapa kunyisa; asi nyara yako yokumudyo, nomuoko wako, nokujeka kwehope yako, ngokuti wakadakara ndivo.

Nduyo 60:12

NaMwari tinozoita ngoungwazi; ndiye unozotsikirira pashi magaa edu. KuneMutungamiriri woKuemba nezvoKuridza. Nduyo yaDhavhidha.

Zvi. 13:28

Asi zvakanyadaro, vanhu vanogara munyikamwo vanesimba nemadhorobha avo akakura akashosherwa ngemarukumbati, zve, takaonapo mibarirwana yaAnaki.

Zvi. 13:33

Naapo takaona vaNefirimu (vakororo vaAnaki, avo vorudzi rwevaNefirimu); nesu pachedu takadziona takadai ngemadorondoro, ndizvo ngezvetaiya takaita mukuona kwavo.”

Zvi. 21:34

Asi Mambo Mwari wakati kunaMosi, “Usamutya, ngokuti ndakamupa munyara dzako, navanhu vake veshe, nenyika yake yeshe; newe unozoita kwaari kudai ngezvewakaita kunaSihoni mambo wevaAmori, waitonga Heshibhoni.”

Varoma 8:31

Ndizvo tinozotiyi kuneizvi? Kudai Mwari echitirwira, ndiani unozorwisana nesu?

Dhuto. 1:28

Tinoenda kuri? Ngokuti hama dzedu dzatyisidzira mwoyo yedu, dzechiti, “Vanhu variyo magakanyara nokureba kupinda isisu; madhorobha makuru, akashosherwa ngemarukumbati akaguma mudenga! Takaona apo vakororo vaAnaki.”

Dhuto. 9:1

Izwai, imwimwi vaIsuraeri! Munozoambuka Jorodhani nyamashi, kuti mupotere umwo kugara nhaka yemadzinza akakura, naanesimba, kupinda imwimwi, madhorobha akakura, akashosherwa kuguma mudenga,

Dhuto. 9:3

Ndizvo nasai kuzwisisa nyamashi, kuti Mambo Mwari, Mwari wenyu, ndiye unotungamira pamberi penyu, kudai ngomuriro unopedza; naye unozovanyisa nokuvapfaisa pamberi pokuona kwenyu; ndizvo munozovadzinga nokuvapedza ngokukasira, kudai ngezvaakaronza Mambo Mwari kwomuri.

Vafiripi 4:13

Ndingaita zveshe ndiye unondigwinyisa.

Vahebheru 11:33

avo kubudikidza ngokugonda vakanyisa umambo, vakashanda zvakarurama, vakahanira zvigondiso, vakakonya miromo yemhondoro,

Josh. 15:14

NaKharebhu wakadzinga kubva umwo vakororo vatatu vaAnaki, ndiSheshai, naAhimani, naTharimai, vakororo vaAnaki.

Vato. 1:20

Hebroni rakapuwa kunaKharebhu, kudai ngezvaakaronza Mosi; naye wakadzinga kubvamwo vakororo vatatu vaAnaki.

1 Sam. 14:6

Jonathani wakati kunejaha raitwara chihlangu chake, “Uya, ngatiende kuchikwata chaava vasikazi kuchekwa; pamweni Mambo Mwari ungatishandira; ngokuti akuna chiro chingarambidza kunaMambo Mwari kuponesa ngavazhinji nokuti ngavashomani.”