Josh. 14:11 - Bhaibheri Rakachena muChindau

¹¹ Nanyamashi ndichindori nesimba kudai ngezvendaiya ndakadaro ngezuva raakandituma ndiro Mosi; kudai ngezveraiya rakadaro simba rangu ngouwo mukuwo, richakandodaro nazvino, rokuenda kuhondo, nokuti kubuda, nokuti kupotera.

Josh. 14:11 Iomraidhean Croise

Nduyo 103:5

uwo unokugutisa ngezviro zvakanaka apo uchapona, kuitira kuti utsva hwako humusirirwe kudai ngegodzi.

Nduyo 90:10

Mazuva okupona kwedu makumi manomwe emakore, nokuti pamweni makumi masere emakore kuti takagwinya; kunyazwi echiwanda anotiunzira kushanda nokutambudzika; anokasira kupera nesu tinombururuka kuenda.

Isa. 40:31

Asi avo vanogarira Mambo Mwari vanozomusirirwa simba ravo, vanozombururuka ngemaphaphiro kudai ngemakodzi; vanozorumba vasikarembi, vanozohamba vasikademeri.

Dhuto. 31:2

wakati kwavari, “Ndaane makore zana nemakumi mairi. Andichakoni kubuda nokupotera, naMambo Mwari wakati kwendiri, ‘Auzoambuki iri Jorodhani.’

Dhuto. 33:25

Zvokukonyesa misiwo yako isimbi nethusi; kudai ngemazuva ako, zvinozodaro kusimba rako.”

Dhuto. 34:7

Mosi waiya anezana nemakumi mairi emakore apo akafa; madziso ake aiya asati aita mazweezwee, simba romuiri wake raiya risati rapera.

Josh. 14:10

Zvino, kudai ngezvounoona, Mambo Mwari wakandingwarira ndichapona, kudai ngokuronza kwake, makore aya makumi marongomuna namashanu, kubvira mukuwo waakaereketa Mambo Mwari izwi iri kunaMosi, vaIsuraeri vachahamba mukati mweshango; zvino, ndaane makore ari makumi masere namashanu ousharuka.