Josh. 14:1 - Bhaibheri Rakachena muChindau

¹ Idzi ndidzo nyika dzavakagara nhaka vaIsuraeri munyika yeKhenani, dzavakakoverwa ndiEreaza mupristi, naJoshua mukororo waNuni, nevakuru vemhuri dzemadzibaba emadzinza evaIsuraeri.

Josh. 14:1 Iomraidhean Croise

Ezura 7:5

mukororo waAbhishua, mukororo waFinehasi, mukororo waEreaza, mukororo waAroni mupristi mukuru,

Ezek. 45:1

Naapo munokoanisa nyika ngemabhigidha kuita nhaka, munozoemesa parutii kuita chipo kunaMambo Mwari chikoaniswa chakachena chenyika, kureba kwayo makhiromitha gumi nemairi nehafu, nokupamhama kwayo makhiromitha gumi. Ichi chinozoita chakachena kumigano yacho yeshe yakatendenedza.

Zvi. 34:13

Mosi wakapanga vana vaIsuraeri echiti, “Iyi ndiyo nyika yomunozogara nhaka ngokukoanisa kwemabhigidha, yaakapanga Mambo Mwari kuti ipuwe kumadzinza mapfumbamwe nokurupande rwedzinza;

Zvi. 34:16

Mambo Mwari wakaereketa kunaMosi echiti,

Zvak. 13:19

Naapo aparadza madzinza manomwe aigara munyika yeKhenani, wakavakoanisira nyika yavo kuita nhaka.

Dhuto. 12:10

Naapo munozoambuka Jorodhani nokugara munyika yemwakapuwa ndiMambo Mwari, Mwari wenyu kuti mugare nhaka yayo, naapo unozomupa kuzorora kubva kumagaa enyu eshe anomutendenedza, kuti mugare ngokungwaririka,

Josh. 13:6

veshe vagari venyika dzemitunhu kubvira Rebhanoni metsa kuguma Misirefothimaimu, nevaSidhoni veshe. Ndinozovadzinga pachangu kubva pamberi pevaIsuraeri; asi kwega koanisira vaIsuraeri iyo nyika ngemabhigidha kuti vaigare nhaka kudai ngezvendakakupanga.

Josh. 19:51

Iyi ndiyo nhaka yenyika yaakakoanisira Ereaza mupristi naJoshua mukororo waNuni, nevakuru vemhuri dzemadzinza evaIsuraeri kuita nhaka ngemabhigidha vari muShiro pamberi paMambo Mwari, pamusiwo wetende romushongano. Ndizvo vakapedza kukoanisa nyika.

Josh. 21:1

Vakuru vemadzibaba vevaRevhi vakauya kunaEreaza mupristi, nokunaJoshua mukororo waNuni, nokuvakuru vemadzibaba emadzinza aIsuraeri.