Josh. 13:6 - Bhaibheri Rakachena muChindau

⁶ veshe vagari venyika dzemitunhu kubvira Rebhanoni metsa kuguma Misirefothimaimu, nevaSidhoni veshe. Ndinozovadzinga pachangu kubva pamberi pevaIsuraeri; asi kwega koanisira vaIsuraeri iyo nyika ngemabhigidha kuti vaigare nhaka kudai ngezvendakakupanga.

Josh. 13:6 Iomraidhean Croise

Nduyo 80:8

Iwewe wakaunza muvhini kubva Egipite; wakadzinga madzinza, ukausima.

Zvi. 33:54

Munozokoanisa nyika ngemabhigidha kuita nhaka pakati pemadzinza enyu; kunedzinza guru munozopa nhaka huru, kunedzinza doko munozopa nhaka doko; nhaka yomunhu weshe inozoapo pandau yaanobata mabhigidha; kudai ngokuteererana kwemadzinza emadzibaba enyu munozogara nhaka dzenyu.

Josh. 1:6

Ita wakagwinya newakashinga; ngokuti ndiwe unozokoanisira ava vanhu nyika kuita nhaka, yendakapika ndiyo kumadzibaba avo kuti ndinozovapa.

Josh. 11:12

Joshua wakanyisa madhorobha eshe eawo madzimambo, nemadzimambo awo, wakaauraya ngokupinza kweshoti, naye wakaapedza yaamho, kudai ngezvaakapanga Mosi muranda waMambo Mwari.

Josh. 11:8

NaMambo Mwari wakavapira munyara dzevaIsuraeri, avo vakavauraya nokuvarumbirira metsa vakaguma Sidhoni guru, nokuMisirefothimaimu, nokumabani eMizipha ngokumabvazuva. Vakavauraya, metsa kusina naumwe waipona.

Josh. 13:7

Ndizvo zvino koanisira iyi nyika kumadzinza ari mapfumbamwe, novorupande rwedzinza raManase, kuti vaigare nhaka.”

Josh. 23:13

ziai ngegwinyiso kuti Mambo Mwari, Mwari wenyu aazodzingi aya madzinza kubva pakati penyu; asi anozoita murau nezvirimbana kwomuri, nemishwapu munhii dzenyu, neminzwa mumadziso enyu, metsa mupere kubva padera peiyi nyika yakanaka yaakapa Mambo Mwari, Mwari wenyu kwomuri.

Josh. 23:4

Ndakamukoanisira ngokuita mabhigidha eshe aya madzinza asara, kuti aite nhaka yemadzinza enyu, kubvira Jorodhani, pamwepo nemadzinza eshe endakaparadza, metsa kuguma kuruandhle rukuru ngokumabirirazuva.

Josh. 23:5

NaMambo Mwari, Mwari wenyu unozovadzinga, nokuvatinha kubva mukuona kwenyu; nemwi munozogara nhaka yenyika yavo, kudai ngezvaakagondisa Mambo Mwari, Mwari wenyu kwomuri.