Josh. 11:20 - Bhaibheri Rakachena muChindau

²⁰ Ngokuti kwaiya kuda kwaMambo Mwari kukonzisa mwoyo yavo, kuti vauye varwe nevaIsuraeri mukurwa, kuitira kuti avapedze yaamho, kuti asazovaitira nyasha, asi kuti avapedze kudai ngezvaakapanga Mambo Mwari kunaMosi.

Josh. 11:20 Iomraidhean Croise

2 Sam. 17:14

Abhusaromu navanhu veshe vaIsuraeri vakati, “Kupanga kwaHushai muAkhi kwakapinda kunaka kunokupanga kwaAhithoferi.” Ngokuti Mambo Mwari wakaemesa kuti kupanga kwaAhithoferi kunyiswe, ngezano raMambo Mwari rokuti aunze kushata padera paAbhusaromu.

1 Madzi. 12:15

Ndizvo mambo aazi kupurutana vanhu; ngokuti ichi chakabva kunaMambo Mwari, kuti azarise mazwi ake aakaereketa ndiAhija muShiro kunaJerobhoamu mukororo waNebhati.

2 MaKro. 22:7

Asi kunyiswa kwaAhazia kwaiya kwakaemeswa ndiMwari kuti kuitike ngendaa yokuenda kwaakaita kunaJoramu. Ngokuti apo agumapo, wakabuda naJoramu koorwa naJehu mukororo waNimishi, uwo waakadzodza Mambo Mwari kuti aparadze mhatso yaAhabhi.

2 MaKro. 25:16

Asi apo achaereketa mambo wakati kwaari, “Takakuita mupangi wamambo here iwewe? Rekera! Ungaurairwenyi iwewe?” Ndizvo muprofeti wakanyarara, asi wakati, “Ndinozia kuti Mwari waemesa kukuparadza, ngendaa yokuti waita izvi, newe auzi kupurutana kupanga kwangu.”

EKISEDHUSI 10:1

Zvino Mambo Mwari wakati kunaMosi, “Potera kunaFaro; ngokuti ndakakonzesa mwoyo wake nemwoyo yenduna dzake, kuitira kuti ndionise izvi zvioniso zvangu pakati pavo,

EKISEDHUSI 11:10

Mosi naAroni vakaita yeshe iyi mishamiso pamberi paFaro; naMambo Mwari wakakonzesa mwoyo waFaro, naye aazi kutendera vana vaIsuraeri kuti vabude kubva munyika yake.

EKISEDHUSI 14:17

Neni ndinozokonzesa mwoyo yevaEgipite, navo vanozopoteremwo kuvateera: ndinozoremeredzwa padera paFaro nepehondo yake yeshe, nepengoro dzake nepevagadhi vake vemahachi.

EKISEDHUSI 14:4

Neni ndinozokonzesa mwoyo waFaro, naye unozovateera; inini ndicharemeredzwa padera paFaro nepehondo yake yeshe; nevaEgipite vanozozia kuti ndini Mambo Mwari.” Vakaita kudaro.

EKISEDHUSI 14:8

Mambo Mwari wakakonzesa mwoyo waFaro mambo weEgipite, naye wakarumbirira vana vaIsuraeri, ngokuti vana vaIsuraeri vakabuda kuenda ngenyara yakamirudzwa.

EKISEDHUSI 4:21

Mambo Mwari wakati kunaMosi, “Naapo wohwirira Egipite, ngwara kuti uite mishamiso yeshe yendakaisa munyara yako, pamberi paFaro; asi inini ndinozokonzesa mwoyo wake, kuitira kuti asazotendera vanhu kuti vaende.

EKISEDHUSI 9:12

Asi Mambo Mwari wakakonzesa mwoyo waFaro, naye aazi kupurutana kwavari, kudai ngezvaakaereketa Mambo Mwari kunaMosi.

EKISEDHUSI 9:16

Asi ngeiyi ndaa, ngegwinyiso ndakakuemesa kuti ndikuonise simba rangu, kuti zina rangu riteketeswe munyika yeshe.

Isa. 14:24

Mambo Mwari wehondo wapika echiti, “Ngegwinyiso kudai ngezvendapinimidza, ngokudaro zvinozoitika; nokudai ngezvendaemesa, ndizvo zvinozoitika.

Isa. 34:2

Ngokuti ushungu hwaMambo Mwari uri padera pemadzinza eshe, noushungu hwake hukuru huri padera pehondo dzavo. Wakavashakera yaamho, akavapira mukuurawa.

Varoma 9:18

Ndizvo unoitira nyasha kwaari weshe waanoda kuitira nyasha, naye unokonzesa mwoyo wouwo weshe waanoda.

Dhuto. 2:30

Asi Sihoni mambo waHeshibhoni aazi kutitendera kuti tihambe kudarika ngomunyika yake, ngokuti Mambo Mwari, Mwari wenyu wakakonzisa mwoyo wake, akaita kuti mwoyo wake ukukutare, kuti amupe munyara dzenyu, kudai ngezvaaita nyamashi.

Dhuto. 7:16

Nemwi munozopedza vanhu veshe vaanozopa kwomuri Mambo Mwari, Mwari wenyu. Musazovazwira urombo; zve, musazodira zvimwari zvavo, ngokuti icho chinozoita murau kwomuri.

Vato. 14:4

Asi baba ake namai ake vasaizia kuti ichi chakabva kunaMambo Mwari, ngokuti waitsvaka kuitira ndaa nevaFiristia. Panguva iyo vaFiristia vaitonga padera pevaIsuraeri.

1 Sam. 2:25

Kudai munhu umwe echishaishira umweni, Mwari ungamuemerera; asi kuti munhu echishaishira Mambo Mwari, ndiani unozomurwira?” Asi avazi kupurutana izwi rababa avo, ngokuti kwaiya kuda kwaMambo Mwari kuti vaurawe.