Josh. 11:15 - Bhaibheri Rakachena muChindau

¹⁵ Kudai ngezvaakapanga Mambo Mwari kunomuranda wake Mosi, ndizvo Mosi wakapanga Joshua, ndizvo Joshua wakaita; aazi kusiya chiro nachimwe chisikazi kuitwa cheizvo zveshe zvaakapanga Mambo Mwari kunaMosi.

Josh. 11:15 Iomraidhean Croise

2 MaKro. 30:12

Nyara yaMwari yaiyawo padera paJudha, kuvapa mwoyo umwe kuti vaite izvo zvaakavapanga mambo nevakuru vake, ngeizwi raMambo Mwari.

Zvi. 33:50

Mambo Mwari wakaereketa kunaMosi mumarukaro eMoabhi paJorodhani pasinde peJerikho echiti,

Zvi. 33:52

munozodzinga veshe vagari veiyo nyika kubva pamberi penyu, munozoputsa yeshe miedzaniso yavo yemapuwe, nokuputsa yeshe miedzaniso yavo yakaumbwa, muputsire pashi ndau dzavo dzeshe dzakakwirira.

Mateu 23:23

“Ihehe kwomuri vanyori nevaFarisi, vadziitisi! Munohina chimwe chegumi cheminte neanise nokumini, nemwi mwarekera kuita zvakakura zveMipango, kutonga kwakwo nenyasha nokugondeka; kwaisisira kuti muzviite izvi, musikasii zvimweni zvisikazi kuitwa.

Ruka 11:42

“Asi hezvo kwomuri imwimwi vaFarisi! Ngokuti munopa chegumi chemindi nerue nemiriwo yeshe, asi munorekeredza kutonga kwakwo norudo rwaMwari; asi kwaisisira kuti muite izvi, musikarekeri zvimweni.

Zvak. 20:20

Andizi kutya kuita kwomuri chiro chinomudetsera, ndechichumaira izwi kwomuri nokumudzidzisa pamhene, kubva kumhatso kuenda kumhatso,

Zvak. 20:27

ngokuti andizi kuumira kumuronzera kupanga kweshe kwaMwari.

Dhuto. 12:32

Munosisira kungwarira cheshe chendinomupanga; musazotutsira kwechiri, nokuti kudusa kuchitsonza.

Dhuto. 31:3

Mambo Mwari, Mwari wenyu emene ndiye unozoambuka pamberi penyu. Unozouraya aya madzinza kubva pamberi penyu, nemwi munozoagara nhaka. Joshua unozotungamirawo pamberi penyu, kudai ngezvaakagondisa Mambo Mwari.

Dhuto. 31:5

Mambo Mwari unozovapa kwomuri nemwi munozoita kwavari kudai ngemipango yendakamupanga.

Dhuto. 31:7

Zvino Mosi wakadaidza Joshua, akati kwaari mukuona kwevaIsuraeri veshe, “Ita wakagwinya, ushinge, ngokuti ndiwe unozoenda naava vanhu kunyika yaakapika ndiyo Mambo Mwari kunemadzibaba avo kuipa kwavari, newe unozoita kuti vagare nhaka yayo.

Dhuto. 4:2

Amuzotutsiri kumazwi ao endinomupanga, zve, amuzodusi chiro kutsonza kubva kwaari, asi mungwarire mipango yaMambo Mwari, Mwari wenyu, yendinomupanga.

Dhuto. 4:5

Penyai, ndakamudzidzisa zviemeso nezvitongero, eya, kudai ngezvaakandipanga Mambo Mwari, Mwari wangu, kuti muzozviita munyika yomunoenda koogara nhaka.

Dhuto. 7:2

naapo Mambo Mwari, Mwari wenyu, echizovapa kwomuri, nemwi mwechizovanyisa munozovabaya kuvapedza yaamho. Musazoita chitenderano navo nokuti kuvaitira nyasha.

Josh. 1:7

Kwega ita wakagwinya, ushinge kakurutu, kuti ungwarire kuita yeshe mipango, yaakapanga Mosi muranda wangu usapauka kubva kweiri kuenda kumudyo nokuti kumuoshwe, kuti ubudirire kundau dzeshe dzounoenda.

Josh. 11:12

Joshua wakanyisa madhorobha eshe eawo madzimambo, nemadzimambo awo, wakaauraya ngokupinza kweshoti, naye wakaapedza yaamho, kudai ngezvaakapanga Mosi muranda waMambo Mwari.

Josh. 11:14

Nezvakachakatwa zveshe zvemadhorobha aya, nezvifuyo zvawo, vaIsuraeri vakazvichochota ngokwavo; asi vanhu veshe vakavabaya ngokupinza kweshoti, metsa vaiya vavapedza, navo avazi kusiya naumwe echipona.

Josh. 11:16

Ndizvo Joshua wakanyisa nyika iyo yeshe, nyika yemitunhu, nenyika yeshe yokubani, nenyika yeshe yeGosheni, nemabani, nemabandanda, nenyika yemitunhu yaIsuraeri, nemabani ayo,

1 Sam. 15:11

“Ndinosvipa mwoyo kuti ndakaemesa Sauri kuita mambo; ngokuti wakapauka kubva mukunditeera, naye aazi kuteera mipango yangu.” Samueri wakashatirwa, naye wakachema kunaMambo Mwari usiku hweshe.