Josh. 11:14 - Bhaibheri Rakachena muChindau

¹⁴ Nezvakachakatwa zveshe zvemadhorobha aya, nezvifuyo zvawo, vaIsuraeri vakazvichochota ngokwavo; asi vanhu veshe vakavabaya ngokupinza kweshoti, metsa vaiya vavapedza, navo avazi kusiya naumwe echipona.

Josh. 11:14 Iomraidhean Croise

2 MaKro. 20:25

Naapo Jehoshafati nevanhu vake vaguma kuti vatore izvo zvakachakatwa kubva kwevari, vakaona pakati pavo zvifuyo zvakawanda, zviro zvakawanda, machira, zvinemeso zvinomutengo mukuru, izvo zvevakadzitorera pachavo, zvakawandisa kupinda izvo zvevaikona kutwara. Vakapedza mazuva matatu vechiunganidza zvakachakatwa, ngendaa youwandu hwazvo.

Zvi. 31:9

VaIsuraeri vakatora veshe vakadzi vevaMidhiani nevadoko vavo, kuita hloko, vakatora n'ombe dzavo dzeshe, nezvifuyo zvavo zveshe, nezvidziyo zvavo zveshe.

Dhuto. 20:14

Asi vakadzi, nevana nen'ombe, nazvo zveshe zviri mudhorobha, zvakachakatwa zveshe, munozodzitorera kuita zvenyu. Munozodya zvakachakatwa zvemagaa enyu, zvemwakapuwa ndiMambo Mwari, Mwari wenyu.

Dhuto. 20:16

Asi madhorobha eava vanhu, emwakapuwa ndiMambo Mwari, Mwari wenyu kuti aite nhaka kwomuri, amuzoponesi nachimwe chinosara chechizwa.

Josh. 10:40

Ndizvo Joshua wakabaya vanhu veshe vokumitunhu, nokubani, nomubani, nevemubandanda nemadzimambo ayo eshe; aazi kusiya naumwe echipona, asi wakavapedza veshe kuuraya avo vaifema, kudai ngezvaakapanga Mambo Mwari, Mwari waIsuraeri.

Josh. 11:11

Navo vakauraya vanhu veshe vaigaremwo ngokupinza kweshoti, vechivapedza yaamho; akuzi kusara naumwe waipona; naye wakapisha Hazori ngomuriro.

Josh. 11:13

Asi ngendaa yemadhorobha aiya mumitunhu, vaIsuraeri avazi kupisha narimwe rawo, kwega Hazori, iri rakapishwa ndiJoshua.

Josh. 11:15

Kudai ngezvaakapanga Mambo Mwari kunomuranda wake Mosi, ndizvo Mosi wakapanga Joshua, ndizvo Joshua wakaita; aazi kusiya chiro nachimwe chisikazi kuitwa cheizvo zveshe zvaakapanga Mambo Mwari kunaMosi.

Josh. 8:2

Newe unozoita kunedhorobha iri reAi namambo waro, kudai ngezvewakaita kuneJerikho namambo waro; kwega zvakachakatwa zvaro, nezvifuyo zvaro, munozozvitora kuita zvakachakatwa zvenyu. Ndizvo emesa vanohwarira ngesure kwedhorobha.”

Josh. 8:27

Dzega n'ombe nezviro zvakachakatwa zveiro dhorobha, vaIsuraeri vakazvitora, kudai ngeizwi raMambo Mwari raakapanga Joshua.