Josh. 11:11 - Bhaibheri Rakachena muChindau

¹¹ Navo vakauraya vanhu veshe vaigaremwo ngokupinza kweshoti, vechivapedza yaamho; akuzi kusara naumwe waipona; naye wakapisha Hazori ngomuriro.

Josh. 11:11 Iomraidhean Croise

Dhuto. 20:16

Asi madhorobha eava vanhu, emwakapuwa ndiMambo Mwari, Mwari wenyu kuti aite nhaka kwomuri, amuzoponesi nachimwe chinosara chechizwa.

Dhuto. 3:7

Asi zvifuyo zveshe, nezvakachakatwa zvemadhorobha, takazvitora kuita zvedu.

Dhuto. 7:2

naapo Mambo Mwari, Mwari wenyu, echizovapa kwomuri, nemwi mwechizovanyisa munozovabaya kuvapedza yaamho. Musazoita chitenderano navo nokuti kuvaitira nyasha.

Josh. 10:40

Ndizvo Joshua wakabaya vanhu veshe vokumitunhu, nokubani, nomubani, nevemubandanda nemadzimambo ayo eshe; aazi kusiya naumwe echipona, asi wakavapedza veshe kuuraya avo vaifema, kudai ngezvaakapanga Mambo Mwari, Mwari waIsuraeri.

Josh. 6:21

Vakaparadza zveshe zvaiya mudhorobha ngokupinza kweshoti, veshe vamuna nevakadzi, vatsva nevasharuka, n'ombe, hwai nezvimbongoro.

Josh. 6:24

Vakapisha dhorobha ngomuriro, nazvo zveshe zvaiya umwo; asi sirivha, nomukore, nezvidziyo zvethusi nezvesimbi, vakazviisya kunezvoupfumi hwemhatso yaMambo Mwari.