Josh. 10:8 - Bhaibheri Rakachena muChindau

⁸ Mambo Mwari wakati kunaJoshua, “Usavatya, ngokuti ndavapa munyara dzako; akuna nomunhu naumwe unozokona kuema pamberi pako.”

Josh. 10:8 Iomraidhean Croise

1 Madzi. 20:13

Zvino muprofeti umweni wakauya kunaAhabhi mambo waIsuraeri echiti, “Unoronza izvi Mambo Mwari: Waimboona here hondo yakakura kudai? Ringira, ndinozoipira munyara dzako nyamashi; newe unozozia kuti ndini Mambo Mwari.”

Varoma 8:31

Ndizvo tinozotiyi kuneizvi? Kudai Mwari echitirwira, ndiani unozorwisana nesu?

Dhuto. 3:2

Mambo Mwari wakati kwendiri, “Musamutya, ngokuti ndamupa iye nevanhu vake veshe, nenyika yake munyara dzenyu, nemwi munozoita kwaari kudai ngezvemwakaita kunaSihoni mambo wevaAmori, uwo waitonga muHeshibhoni.”

Dhuto. 7:24

Naye unozopa madzimambo avo munyara dzenyu, munozodzima mazina avo kubva pashi pomudenga; akuzoapo nomunhu noumwe unozokona kuema pamberi penyu, metsa muvapedze.

Josh. 10:25

Joshua wakati kwavari, “Musatya, nokuti kupera simba, itai vane simba, mushinge; ngokuti ichi ndicho chaanozoita Mambo Mwari kumagaa enyu eshe anorwisana nemwi.”

Josh. 10:9

Ndizvo Joshua wakauya kwavari ngokujuma, echikwira kubva Girigari usiku hweshe.

Josh. 11:6

Mambo Mwari wakati kunaJoshua, “Usatya ngendaa yavo, ngokuti mangwani ngouyu mukuwo ndinozovapira kuti vaurawe pamberi pevaIsuraeri; munozotematema mahachi avo, nokupisha ngoro dzavo ngomuriro.”

Josh. 8:1

Mambo Mwari wakati kunaJoshua, “Usatya, usapera simbazve; tora vanhu veshe vehondo uende navo, umiruke ukwire Ai. Ringira ndapa munyara yako mambo weAi, nevanhu vake, nedhorobha rake, nenyika yake.

Vato. 6:16

Asi Mambo Mwari wakati kwaari, “Ngegwinyiso ndinozoa newe, newe unozouraya vaMidhiani kudai ngomunhu umwe.”

Vato. 7:9

Ngouhwo usiku Mambo Mwari wakati kwaari, “Miruka, udzake urwise kamba; ngokuti ndaipira munyara dzako.

1 Sam. 17:47

nokuti chiunga cheshe ichi chizie kuti Mambo Mwari aaponesi ngeshoti nokuti ngomukhondo; ngokuti kurwa ngokwaMambo Mwari, naye unozokupira munyara dzedu.”